Miqueas 7 - Kashibo-Kakataibo Biblia

Diosan Israel unikama ꞌatimakin ñu ꞌai ꞌuchaiabi mëníoxunti ñuikë bana

¹⁸ Misaribi bëtsi Dios ka ꞌaíma ꞌikën, min kamina nux kuëënkësa oí ꞌikë a mëníokin, nuxnu ꞌuchakëkama a manuin, nukamax kananuna min unikama ꞌitsamashi tikikë a ꞌain. Min kamina nukama nuibatin usa ꞌain kamina mix xënibua ꞌaish nishkëma a ꞌain.

¹⁹ Amiribishi kamina nukama nuibatëkënti ꞌain, usokin ꞌakin kamina unían me naëtankëxun mainkëxa ñu nëtë́kë usaía ꞌitánun nun ꞌatima ñu ꞌakëkama ꞌati ꞌain. ꞌAnan kamina unían parúmpapa nëminnu nikëxa ñu nëtë́kë usaribi ꞌitánun nun ꞌuchakëkama ꞌati ꞌain.

²⁰ ¡ꞌËn ꞌIbu mix upí ꞌixun nu nuibakin kamina bërámami nun chaitiokëkama Abraham ꞌimainun Jacob kásabiokin nuribi ꞌakinti ꞌain!