Biblia Todo Logo
Bìoball air-loidhne

- Sanasan -

Ezequiel 36 - Kashibo-Kakataibo Biblia


Diosan ka aín unikama timëtëkënti ꞌikë kikë bana

16 Nukën ꞌIbu Diosan ka ësokin ꞌë kakëxa:

17 “Israel unikaman ka aín menu tsókin anuxun ñu ꞌaisama ꞌati ꞌaímabi bëtsi ñukama ꞌakin atun me ꞌatimokëxa, usai ꞌia atux tsókë ax ka ꞌën iskëx ñu chuarukësa ꞌianan, xanuxun aín nëtë sënë́nkëbëtan pëi machakë usaribi ꞌiakëxa.

18 Usa ꞌain kana ꞌëx atumi xuamati nishakën, atúan bëtsi unikama a menuxun ꞌakin, ꞌë rabikinma unínbia ꞌakë ñukama rabikë akama kupín atumi nishakën,

19 nishkin kana atun ñu ꞌatima ꞌakë kupín ꞌatimokin bëtsi ëmakamanu kuani abístanun ꞌimiakën.

20 ꞌAínbi ka uinu ꞌikë ëmanu kara bëbaia anuax anu ꞌikë unikama ꞌën anë ñui ꞌatimati banakankëxa: Usa ꞌain ka ënë unikamax ka Diosan unibu ꞌikë ꞌaíshbi ka atun menuax chikíaxa kiax atu isi kikankëxa.

21 Usa ꞌain kana uinu kara Israel unikama bëbaia anuxua ꞌën anë upíira ꞌikëbi ꞌatimakin ñuikankëbë anun ꞌitsaira nishakën.

22 Usa ꞌain kamina ësokin Israel unibu kati ꞌain: Ësai ka Nukën ꞌIbu Dios kiaxa: ꞌËn bërí ꞌati ñukama ax ka Israel unikama mitsu kupín ꞌakëma ꞌiti ꞌikën, ax ka ꞌën anë ami upíira ꞌikëbë bëtsi bëtsi ëmanu kuankin ꞌaisama ñu ꞌakin ꞌatima okan a kupín ꞌakë ꞌiti ꞌikën.

23 ꞌËn kana bëtsi bëtsi ëmanu ꞌikë unikama ꞌën anë chaiira upí a ismiti ꞌain, mitsun kamina atunuxun ꞌën anë ꞌatima okankën; usakin ꞌakëbëtan ka bëríra ꞌëx kana ꞌain ꞌIbu ꞌai kixun ꞌunánkanti ꞌikën. ꞌËx Dios ꞌaish kana, asérabi ësai kin.

24 ꞌËn kana a menu ꞌikë ëmakamanua mitsu chikínti ꞌain, chikínxun kana mitsun menubi timë́nun bëtëkënti ꞌain.

25 Bëxun kana ꞌumpax upitan chukakësa ꞌitánun ꞌakin mitsun ñu ꞌatima ꞌakëkama a mëníoxuanan, unínbia ꞌaxun rabikë ñukama rabikëxuan an mitsu tsaikë akamaribi mëníoxunti ꞌain,

26 usakin ꞌakin kana ꞌën mitsux ꞌatimati tsókë a mëníokanun ꞌimianan upíokin sinanimi tsónun ꞌimiti ꞌain. ꞌImikin kana mitsun nuitu iruarakë a ëmikin mitsun nuitu ñu bachusa ꞌaimi ꞌën kakëxun ꞌën bana kuanun ꞌimiti ꞌain.

27 ꞌImianan kana ꞌën Bëru Ñunshin mitsu ꞌinánkin ꞌën bana a tantikama kikësaibimi ꞌinun mitsu ꞌimiti ꞌain,

28 usa ꞌain ka aín chaitiokëkama ꞌën ꞌinan me anu tsókanti ꞌikën, usai tsóti ꞌën unikama atux ꞌimainun kana ꞌëx atun Dios ꞌiti ꞌain.

29 Usakin ꞌimikin kana amiribishi ꞌatima ñu ꞌai ꞌuchatëkënun ꞌimikinma atun piti ꞌitsaira trigo ꞌinun ꞌimikin, panani tsónun ꞌimitëkëntima ꞌain.

30 ꞌIanan kana axa bimikë ikama ꞌitsaira bimiñu ꞌimianan, mitsun ꞌapákë ñukama ꞌitsaira bimiñu ꞌi tuánun ꞌimiti ꞌain, usakin ꞌakëbë kamina bëtsi bëtsi menu ꞌikë unikaman ismainun panani ꞌi amiribishi rabintëkënkantima ꞌain.

31 ꞌImainun ka uínsaran kara atux ꞌatimati tsóanan ñu ꞌatima ꞌai, ꞌuchaxa akama sinania anun rabinkanti ꞌikën, usai ꞌikin ka ꞌatimai ñu ꞌai ꞌuchai tsókë a sinánkanti ꞌikën.

32 ꞌËx Dios ꞌaish kana asérabi ësai kin: Israel unikama mitsun kamina ꞌunánti ꞌain, ꞌën kana mitsu usakin ñu ꞌaxunti kupín ꞌaiman; usa ꞌain kamina mitsunmi ñu ꞌatima ꞌakë anun rabini ñuumasara ꞌikanti ꞌain.

33 ꞌËx Min ꞌIbu ꞌaish kana ësai kin: Uínsaran karana ꞌën mitsun ꞌuchakama mëníoxunti ꞌain, anun kana amiribishimi mitsun ëmakamanu tsótëkënun ꞌimiti ꞌain, ꞌimikëxun kamina axa mimi nishkë unikaman rurupa ꞌikëbi ꞌatëkëni anu tsónun ꞌimiti ꞌain.

34 ꞌImainun ka mekama anun inukian unin anu uni ꞌikëma mesa iskë a, anu tëëkin ñu ꞌapákankë iskanti ꞌikën.

35 Usakin mitsun ꞌakë isi ka ësai kikanti ꞌikën: Ënë me anu uni ꞌikëma mesa iskan ax ka bërí, Edén kakë menu naësa ꞌia usaribi ꞌikën; usa ꞌain ka anu ꞌikë ëmakama ami nishkë unikaman masókin rurupakan ꞌikëbi bërí, amiribishi ꞌatëkëntankëx ꞌitsa uni anu tsotia kiax kikanti ꞌikën.

36 Usa ꞌain ka axa mitsu ꞌurama ëmakamanu tsókë unikama atun ꞌunánti ꞌikën, ꞌëx Dios ꞌixun kana amiribishi axa ami nishkë unikaman atun ëma rurupa ꞌikëbi ꞌamitëkëanan, me ëankama anua amiribishi ñu ꞌapátëkënun ꞌamian. ꞌËx Min ꞌIbu ꞌaish kana ësai kin.

37 ꞌËx Min ꞌIbu ꞌaish kana ësai kian: Usa ꞌixun kana ꞌëx kikësabiokin bëtsi ñukamaribi ꞌaxunti ꞌain. ꞌAxunkin kana Israel unikama añu ꞌaxúnun kara ꞌë ñukatia a ñukama ꞌaxunkin; aín unikamaxa ꞌaisamaira ꞌia ñuina ꞌarakakëx ꞌikësai, kaikamë ꞌëonun ꞌimiti ꞌain.

38 ꞌImainun ka axa ami nishkë unikaman atun ëma masó anua tsókë unikama ax ꞌaisamaira ꞌinun kaiti, ovejakama fiesta ꞌakin anuxun rëxun xaroti Jerusalénnu buánkin timë́kë usaribi ꞌiti ꞌikën. Usakin ꞌakin ka ꞌëx kana Dios ꞌai kixun ꞌë ꞌunánkanti ꞌikën.”

© 1978, 1995, 2008, 2022 Wycliffe Bible Translators, Inc. All rights reserved.

Wycliffe Bible Translators, Inc.
Lean sinn:



Sanasan