Éxodo 13 - Kashibo-Kakataibo Biblia

A isiania Israel unikama kuanti nëtën kuin ꞌimianan xupibukëbëtan tsi rëkirukësa ꞌinun Diosan ꞌimia

¹⁷ Kuantanun ꞌapu faraónën xutia ka Israelkama, Diosan anun filisteokaman menu kuanti bai puntë ꞌanun uánma ꞌikën, a baixa puntë ꞌaish ꞌurama ꞌaínbi ka Israel unikama kuaníbi filisteo unikaman ꞌakëx rakuë́ti ꞌakananima Egipto menu kuantënkënti sinánkin.

¹⁸ Usa ꞌain ka Diosan Israel unikama anu uni ꞌikëma me anun kuankian parúmpapa xónsa kakë a ratanarati kuanun ꞌimiakëxa. ꞌImikëx ka Egipto menuax kuani Israelkaman suntáru kuankësa usarabi kiani kuankëxa.

¹⁹ Kuankin ka Moisésnën José ñua aín xo buanuxuan binun bimiakëxa, ñukëma pain ꞌixuan aín xukë́nkama Josénën kásabiokin ka Israelkaman usakin ꞌakëxa. Usakin katankëxun ka ësokinribi kakëxa: Asérabi ka Diosan usakiani kuania mitsu ꞌakinti ꞌikën; ꞌakinkëx kuankin kamina ꞌëx ñua ꞌaínbi ꞌën xo ënë menua bibiankin buánti ꞌain.

²⁰ Usakiani Sucot kakë me anuax kuanx ka Israelkama Etam kakë ëma chukúma anu pain ꞌiakëxa, ax ka anu uni ꞌikëma me pëukukë a ꞌiakëxa.

²¹ Anuax kuankëbëtan ka Nukën ꞌIbun a isiania kuanun kuin nëtën anúan kuanti bai anu rëkuë́nmiakëxa, rëkuë́nmianan ka imë́ribi tsin rëkirukin pë́kakësa ꞌitánun an imë́ atu kuania pë́kati ꞌimiakëxa. Usakian ꞌakëbë ka, nëtën kuananbi imë́ribi kuankëxa.

²² Kuani ka nëtë kuin axa rëkuë́nkiankëbë a ënima atux a isbiani anunbi nëtën kuankëxa, ꞌimainun ka imë́ribi tsin rëkirukin pë́kakësa ꞌitanun pë́kanëakëxa.