Deuteronomio 25 - Kashibo-Kakataibo Biblia

¹ Uikamax kara bëtsibë nishananxa ax ka anuxuan ami uni manánkëxun ꞌapun bana mëníokë anu buánkë ꞌiti ꞌikën; anuxun ka ꞌapun uin pain kara ami nishkin bëtsi ꞌatima oxa a ꞌatima oti isanan bëtsi a uisabi otima ꞌikën.

² An ñu ꞌatima ꞌakë uni a usokin ꞌaisa ꞌikë ka an ismainunbi menu nipatankëxun an ñu ꞌatima ꞌakë kupín rishkinun bëtsi uni an bana mëníokë unikaman ꞌamiti ꞌikën.

³ ꞌAínbi ka usa unikama ax cuarenta okinra rishkikë ꞌitima ꞌikën, usakin ꞌakin ka aín aintsi ꞌikëbi ꞌatima okë uni ax ꞌaisamaira tëmërati ꞌikën, usokëx mitsumi rakuë́kin ka usa ñu ꞌatëkëntima ꞌikën.

⁴ Trigo bimi tákanuxun chakakin ka ꞌain rëukukëma piia kixun vaca bënë, a ñuina kuëatsimiti ꞌakë a ain kuëbínu atsímitima ꞌikën.

Moisésnën Israel kama aín xukënan raënkë xanubë kara uni uisai ꞌiti ꞌikë kixun ñuixuan bana

⁵ Moisésnën ka amiribishi Israel kama katëkëankëxa: Achúshi unix ka a xukë́n rabëtaxbi ain papan menu xubuñu ꞌiti ꞌikën, ꞌaínbi ka bëtsix aín xanumi bëbuokin bëchiamaxi ñukë ꞌiti ꞌikën, ñukë ꞌain ka raëmëkë xanu ax ain bënën aintsima unibë biranantima ꞌikën, aín bënën xukë́n aín bënëitsi abë kuni ka birananti ꞌikën. Usakin bikëx ka aín xukënan raënnkë xanu bikë ax ka aín xukënan raënkë xanu ka unin biti ꞌikë kikësa okin ꞌakë ꞌaish asábi ꞌiti ꞌikën.

⁶ Usakin bixun a xanumi bëchitabaxun ka aín xukë́n ñukë aín anënbi ꞌakë ꞌiti ꞌikën, usakian ꞌakëx ka Israel unikamanuax a unin anë nëtë́tima ꞌikën.

⁷ ꞌAínbi aín bënën xukënan bisama tankëx ka a xanux aín ꞌapu kamami manani kuanti ꞌikën, kuanxun ka kati ꞌikën: ꞌËn bënën xukë́n ꞌën bënëitsi ka ain xukë́n ñukë aín anën bëchitankëxun ꞌati kuëënima; Israelnuxua aín anë manúkantima kupí kana usakin ꞌaisatani ꞌimainun ka ꞌë bisama tania, usai ꞌikin ka aín xukënan raënkë xanubëa uni ꞌiti bana kikësa okin ꞌaisama tania.

⁸ Usaia ami manánkëxun ka a ëmanu ꞌikë aín ꞌapukama abë bananua a uni unun kixun kamiti ꞌikën, kamikëx uaxia a xanu kana ꞌën xanu ꞌiti bitsima kikëbë,

⁹ a ꞌurama ukin ka aín aínitsin aín kushikaman ismainunbi aín taxaka amo ꞌikë táchikinshi bëtushu kakin kati ꞌikën: ¡Ka iskan ësokin ka uni aín xukë́n ñukin raënkë xanumi an bëchikësa ꞌitánun bëchitisama tankë uni a ꞌati ꞌikën!

¹⁰ Usakian aín ꞌaininën ꞌan ka aín bënëitsin aintsikama ax aín taxaka táchikë kakin anëkë ꞌikë kamabi Israel menuxun ꞌunánkë ꞌiti ꞌikën.