Zyozuwe 19 - Cebaara Bible 2010

Simeyɔn tálɛɛli

¹ Lɛɛziin wóli li yiri lè, a loro pye Simeyɔn wólo, gee bee n jo Simeyɔn yòdaʔayi syɛɛnfelege wólo n yɛlɛ ní be túluyi ní. Pe kɔ́rigi maa pye Zyuda yòdaʔayi kɔ́rigɔ nínge ni.

² Pe kɔ́rigi kèye yi nyɛ Bɛɛri-Syeba, ní Syeba, ní Molada,

³ ní Hasari-Syuwali, ní Bala, ní Asɛmi,

⁴ ní Ɛlitoladi, ní Betuli, ní Horima,

⁵ ní Sikilagi, ní Bɛti-Marikabɔti, ní Hasari-Susa,

⁶ ní Bɛti-Lebawɔti, n fàra Syaruhɛn na. A yoro pye kèye kɛɛ ní taanri n fàra yi kèpiigèle na.

⁷ Ayɛn, ní Irimɔn, ní Etɛɛri, ní Asyan, a yoro pye kèye sicɛrɛ n fàra yi kèpiigèle na.

⁸ Ní kèpiigèle myɛ ge kěyi bee màʔa lè n kári fwɔɔ n sáà nan Baalati-Beyɛɛri na, pe ba ni yiri lè Aramati, wi lè solomɔkulo kàbangi na. Koro gi pye Simeyɔn yòdaʔayi syɛɛnfelege kɔ́rigɔ n yɛlɛ ní be túluyi ní.

⁹ Zyuda yòdaʔayi táraa ni pe da Simeyɔn yòdaʔayi kɔ́rigɔ lɛɛlɛ yirige. Níì cán Zyuda yòdaʔayi lɛɛlɛ maa kpɔ́ʔɔ n sɔ̀lɔ be na, koro na Simeyɔn yòdaʔayi be kɔ́rigi taa pe wógi nínge ni.

Zabulɔn tálɛɛli

¹⁰ A lɛɛdaanri wóli pye Zabulɔn yòdaʔayi wólo n yɛlɛ ní be túluyi ní. A be kɔ́rigi láʔagologo kári fwɔɔ n sáà nan Sariidi na.

¹¹ A gi láa yaà beè n lúgu n fala canʔajeemɛ kabangi na n sáà nan Mareyala na, níì kári n sáà nan Dabesyɛti na ní lòcoologi na gi sɔ̀lɔ́ Yokineyami yɛ́ʔɛ ma lè.

¹² A gi yìri Sariidi ma n kolo n fala canʔafolomɔ ma n kári fwɔɔ n sáà nan Kisilɔti-Tabɔɔri láʔagologi na, ní níì sɔ̀lɔ Dabirati ma níì lúgu fwɔɔ n sáà nan Yafya na.

¹³ A gi yìri nɛɛ bee n níì sɔ̀lɔ n fala canʔafolomɔ kabangi na fwɔɔ n sáà nan Gita-Hefɛɛri ní Ita-Kasɛn na, níì sɔ̀lɔ n fala Irimɔn ma n kári fwɔɔ n sáà nan Neya na.

¹⁴ A láʔagologi níì kolo n fala Hannatɔn solomɔkulo kàbangi na n kári fwɔɔ n sáà nan Yifita-Ɛli gòrógoroweegi na.

¹⁵ N fàra Katati, ní Nahalali, ní Syimurɔn, ní Yideyala, ní Bɛtilehɛmi na. A yoro pye kèye kɛɛ ní siin n fàra yi kèpiigèle na.

¹⁶ Koro gi pye Zabulɔn yòdaʔayi kɔ́rigɔ n yɛlɛ ní be túluyi ní, gee bee n jo kěyi bee ní yi kèpiigèle.

Isakari tálɛɛli

¹⁷ Lɛɛsicɛrɛ wóli li yiri lè a loro pye Isakari wólo, gee bee n jo Isakari yòdaʔayi wólo n yɛlɛ ní be túluyi ní.

¹⁸ Pe láʔagologi maa nan kěyi naa na yi lè Zyizireyɛli, ní Kesulɔti, ní Sunɛmi,

¹⁹ ní Hafarayimi, ní Syiyɔn, ní Anaharati,

²⁰ ní Arabiti, ní Kisyiyɔn, ní Abɛsi,

²¹ ní Eremɛti, ní Ɛn-Gannimi, ní Ɛn-Hada, n fàra Bɛti-Pasɛsi na.

²² Ki maa sáà nan Tabɔɔri, ní Syahasima, ní Bɛti-Syemɛsyi na, níì kári n sáà láʔa Zyuridɛnw na. A yoro pye kèye kɛɛ ní kɔrɔni n fàra yi kèpiigèle na.

²³ Koro gi pye Isakari yòdaʔayi syɛɛnfelege kɔ́rigɔ n yɛlɛ ní be túluyi ní, gee bee n jo kěyi bee ní yi kèpiigèle.

Azɛɛri tálɛɛli

²⁴ Lɛɛkagunɔ wóli li yiri lè a loro pye Azɛɛri yòdaʔayi syɛɛnfelege wólo n yɛlɛ ní be túluyi ní.

²⁵ Pe láʔagologi maa nan kěyi naa na yi lè Helikati, ní Halii, ní Betɛn, ní Akisyafi,

²⁶ ní Alamelɛki, ní Ameyadi, n fàra Misyeyali na. Ki maa kári fwɔɔ n sáà nan Karimɛli, ní Syihɔri-Libinati na canʔajeemɛ kabangi na

²⁷ ní níì kolo n fala canʔafolomɔ kabangi na Bɛti-Dagɔn ma, níì kári fwɔɔ n sáà nan Zabulɔn, ní Yifita-Ɛli jǐnlɔgi na, Bɛti-Emɛki ní Neyiyɛli solomɔkulo ma. Ní níì kári n sáà láʔa Kabuli na kàmɔnɔ ma.

²⁸ Ní níì taʔa n fala Eburɔn, ní Ereyɔbi, ní Hamɔn, ní Kana ma, níì kári fwɔɔ n sáà nan Siidɔn na wi lè wogbɔɔw.

²⁹ A láʔagologi níì kolo n fala Arama ma, níì taʔa n fala Tiiri ma wi lè kènirigi. Níì kolo n fala Hosa ma n sáà nan Sólomi Lòkpɔʔɔ na, Akizibi tɛ́nɛmi ma,

³⁰ n fàra Uma ní Afɛki, ní Erehɔbi na. A yoro pye kèye toko ní siin n fàra yi kèpiigèle na.

³¹ Koro gi pye Azɛɛri yòdaʔayi syɛɛnfelege kɔ́rigɔ n yɛlɛ ní be túluyi ní, gee bee n jo kěyi bee ní yi kèpiigèle.

Nɛfitalii tálɛɛli

³² Lɛɛkɔrɔni wóli li yiri lè a loro pye Nɛfitalii yòdaʔayi wólo n yɛlɛ ní be túluyi ní.

³³ Pe láʔagologi maa séli yaà Helɛfi ma, ní Saananimi syɛni tíigi ma n sɔ̀lɔ Adami-Nekɛbi, ní Yabineyɛli ma, níì kári n sáà nan Lakumi na, ní níì kári fwɔɔ n sáà nan Zyuridɛnw na.

³⁴ A gi kolo n sɔ̀lɔ canʔajeemɛ kabangi na n kári n sáà nan Azinɔti-Tabɔɔri na, ní níì kári n sáà nan Hukɔki na, níì fala fwɔɔ n sáà nan Zabulɔn na wòrogulo kàbangi na, ní Azɛɛri na canʔajeemɛ kabangi na ní Zyuda na, Zyuridɛnw si i nyɛ canʔafolomɔ kabangi na.

³⁵ Kèniriyi yi pye Sidiimi, ní Sɛɛri, ní Hamati, ní Arakati, ní Kinerɛti,

³⁶ ní Adama, ní Arama, ní Hasɔɔri,

³⁷ ní Kedɛsyi, ní Edireyi, ní Ɛn-Hasɔɔri,

³⁸ ní Yireyɔn, ní Migidali-Ɛli, ní Horɛmi, ní Bɛti-Anati, ní Bɛti-Syemɛsyi. A yoro pye kèye kɛɛ ní kpanjɛrɛ n fàra yi kèpiigèle na.

³⁹ Koro gi pye Nɛfitalii yòdaʔayi syɛɛnfelege kɔ́rigɔ n yɛlɛ ní be túluyi ní, gee bee n jo kěyi bee ní yi kèpiigèle.

Dan tálɛɛli

⁴⁰ Lɛɛkɔrɔsiin wóli li yiri lè a loro pye Dan yòdaʔayi syɛɛnfelege wólo n yɛlɛ ní be túluyi ní.

⁴¹ Pe kɔ́rigi láʔagologo keye yi pye Soreya, ní Ɛsyitawɔli, ní Iri-Syemɛsyi,

⁴² ní Syaalabɛn, ní Ayalɔn, ní Yitila,

⁴³ ní Elɔn, ní Timinata, ní Ekurɔn,

⁴⁴ ní Ɛliteke, ní Gibetɔn, ní Baalati,

⁴⁵ ní Yehudi, ní Bene-Beraki, ní Gati-Irimɔn,

⁴⁶ ní Yarikɔn lóyi, ní Arakɔn ní, n fàra tásaligi na gi nyɛ Zyafa zǐnmi na lè.

⁴⁷ Dan yòdaʔayi tásaliga si maa baa syɔɔ be na, a be lúgu n kári n sáà too Lesyɛmi na n fànʔa taa gi na, níì ŋɔséew tɛ́ʔɛ n gi jaa, níì tɛ́ɛn yaà beè, níì gi mɛ́ɛgi kàriga ni gi yiri Dan, poro tóolɛɛgi Dan mɛ́ɛgi na.

⁴⁸ Koro gi pye Dan yòdaʔayi syɛɛnfelege kɔ́rigɔ n yɛlɛ ní be túluyi ní, gee bee n jo kěyi bee ní yi kèpiigèle.

⁴⁹ Lǎli ni Isirayɛli ye tári taa n kwɔ́ɔ lè kɔrigɔ n yɛlɛ ní ti láʔagoloyi ní, a be tɛɛgaa kaan Nun jáaw Zyozuwe ma peyɛɛ níngi ni.

⁵⁰ Kěgee wi da nyɛ́ɛri lè, ki lè Timinati-Sera, Efirayimi nyanbeleyi kúlo ni, a be gi kaan wi ma n yɛlɛ ní gi ní àmɛɛ Yawe da gi joo n gbàn lè. A Zyozuwe kěyi bee faan níì tɛ́ɛn yaà beè.

⁵¹ Yoro yi pye kɔ́riyi, yee sáriga-wòlow Eleyazari, ní Nun jáaw Zyozuwe, ní narigbaayi kùndigibéle lɛɛ lè ní gɔ̌nwáara ní Yawe yɛ́ʔɛ ma Silo ni n yɛlɛ ní Isirayɛli syɛɛnfeleyi ní, Syɛ́ɛnmi Tɛɛfaraga fànikpaʔa kpaaweele yɛ́ʔɛ ma. Kánmi bee na be tári lɛɛ n kwɔ́ɔ.