Zyozuwe 15 - Cebaara Bible 2010

Talɛɛli li kaan Zyuda ma lè

¹ Tálɛɛli pe da kaan Zyuda yòdaʔayi syɛɛnfelege ma lè n yɛlɛ ní be túluyi ní, li maa kári fwɔɔ n sáà nan Edɔmi láʔagologi na, Sɛn fìími tára ni wòrogulo kàbangi na, wòrogulo láʔali na yaà.

² Pe wòrogulo kàbangi láʔagologo maa séli Solonɛʔɛmi Lɔ̀ʔɔ tɛɛ̀laʔala na, wòrogulo kàbangi na.

³ Ki maa sɔ̀lɔ Akirabimi tɛɛ̀lúgugi worogulo kàbaan na n sɔ̀lɔ Sɛn ma n taʔa n fala Kadɛsyi-Barineya wòrogulo kàbangi na, níì sɔ̀lɔ Hesurɔn ma n fala Adari ma, ní níì wàli n fala Karikaa ma.

⁴ A gi níì sɔ̀lɔ Asimɔn ma n kári n sáà nan Ezyipiti lòcoologi na, ní sáà láʔa Sólomi Lòkpɔʔɔ na. Koro ki a pye pe wòrogulo kàbangi láʔagologo.

⁵ Solonɛʔɛmi Lɔ̀ʔɔ gi pye canʔafolomɔ kabangi láʔagologo, níì kári fwɔɔ n sáà nan beè Zyuridɛnw fóo ni jǐn lè. A solomɔkulo kàbangi láʔagologo wɔ́ɔ̀ séli beè Zyuridɛnw fóo ni jǐn lè.

⁶ Ki maa lúgu n fala Bɛti-Hogila ma, níì sɔ̀lɔ n fala Bɛti-Araba solomɔkulo ma, ní níì kári fwɔɔ n sáà nan Bohan Kàdɛnɛgi na wi pye lè Wurubɛn jáawaa.

⁷ Láʔagologi maa yìri Akɔri jǐnlɔgi ma n lúgu n fala Debiiri ma n kári solomɔkulo kàbangi na, níì sɔ̀lɔ n fala Giiligali kàbangi na, ki lè Adumimi tɛɛ̀lúgugi zìnmɛ na gòrógoroweegi wòrogulo ma. A gi níì sɔ̀lɔ Ɛn-Syemɛsyi lógi taana n kári n sáà nan Ɛn-Worogɛli na.

⁸ Láʔagologi maa láa beè Bɛn-Hinɔmi jǐnlɔgi ma, Yebusi wòrogulo kòlodìgimi ni, wi lè Zyerusalɛmi, níì lúgu n kári fwɔɔ n sáà sɔ̀lɔ nyanbelegi ǹjoʔo ni, ki lè Hinɔmi jǐnlɔgi yɛ́ʔɛ ma canʔajeemɛ ma, ní Erefa ye jǐnlɔgi láʔala na solomɔkulo ma yaà.

⁹ Láʔagologi maa láa nyanbelegi ǹjoʔo ni n kári n sáà nan Nɛfitowa lónyungi na, níì taʔa n fala Efurɔn nyanbelegi kèye kàbaan na fwɔɔ n sáà nan Baala na wi lè Kiiriyati-Yeyarimi.

¹⁰ A láʔagologi láa yaà Baala ma n kolo n fala canʔajeemɛ ma n kári Seyiiri nyanbelegi kàbaan na, níì sɔ̀lɔ Kɔliyi nyanbelege kolodìgimɛ ma, solomɔkulo kàbangi na, ki lè Kesalɔn, níì tìgi n kári Bɛti-Syemɛsyi ma n sɔ̀lɔ Timina ma.

¹¹ A gi kári n sáà nan Ekurɔn solomɔkulo tìgimi na, níì kolo n fala Syikurɔn kàbangi na, níì kári Baala nyanbelegi ma n sáà nan Yabineyɛli na, ní sáà láʔa Sólomi Lòkpɔʔɔ na.

¹² Sólomi Lòkpɔʔɔ lógbê wi pye canʔajeemɛ kabangi láʔagologo. Yoro yi pye Zyuda yòdaʔayi láʔagologo kàbanyi myɛ na n yɛlɛ ní be túluyi ní.

¹³ A be lɛɛlɛ kaan Yefune jáaw Kalɛbi ma Zyuda yòdaʔayi nínge ni àmɛɛ Yawe da gi joo n gbàn Zyozuwe ma lè, loro li nyɛ Kiiriyati-Ariba, wi lè Heburɔn. Anaki tóow wi pye Ariba.

¹⁴ A Kalɛbi Anaki yòdaʔayi taanri nɛnɛ n yirige yaà, yi lè Syesyayi, ní Ahiman, ní Talimayi.

¹⁵ A wi ga yiri nɛɛ bee a wi lúgu n kári sa too Debiiri ye na. Debiiri pe da ni yiri booma ni Kiiriyati-Sefɛɛri.

¹⁶ A Kalɛbi jo: «Syɔ́ɔnwee wi ga fànʔa taa Kiiriyati-Sefɛɛri na n wi syɔɔ n taa lè, mii a mii pìíw Akisa kaan wee bee fɔ́lɔ ma wi pye wi cɔɔ̀.»

¹⁷ Kalɛbi senyɛnw wi lè Kenazi, a woro jáaw Otinyɛli fànʔa taa gi na. A Kalɛbi wi pìíw Akisa kaan wi ma a wi pye wi cɔɔ̀.

¹⁸ Lǎli ni wi kári wi nǎnw Otinyɛli tɛ́ʔɛ ma lè, a wi sáà wi nǎnw sɔ́ɔn níì jo wi seʔe nyɛ́ɛri woro tóow ma. A Akisa ye n tìgi wi jòfaniw na, a Kalɛbi wi pye: «Nyàʔá mɔ caa?»

¹⁹ A wi wi yari: «Fɔ̀lɔ mii ma keelaa na. Amɛɛ mɔ wírè wòrogulo kàbangi tɛ́ɛgaa kaan mii ma n kwɔ́ɔ lè, ki n yɛlɛ mɔ í wɔ́ɔ pùnweegèle kèle kaan mii ma.» A wi ǹjoʔo ma pùnweegèle ní táàma pùnweegèle kaan wi ma.

²⁰ Koro gi pye Zyuda yòdaʔayi syɛɛnfelege kɔ́rigɔ n yɛlɛ ní be túluyi ní.

²¹ Zyuda yòdaʔayi kèye yi pye lè wòrogulo kàbangi láʔala na, Edɔmi tári láʔagologo na, yoro yi pye: Kabiseyɛli, ní Edɛɛri, ní Yaguri,

²² ní Kiina, ní Dimona, ní Adada,

²³ ní Kedɛsyi, ní Hasɔɔri, ní Itinan,

²⁴ ní Ziifi, ní Telɛmi, ní Beyalɔti,

²⁵ ní Hasɔɔri-Hadata, ní Keriyɔti-Hesurɔn, pe yiri lè Hasɔɔri,

²⁶ ní Amami, ní Syema, ní Molada,

²⁷ ní Hasari-Gada, ní Hɛsyimɔn, ní Bɛti-Palɛti,

²⁸ ní Hasari-Syuwali, ní Bɛɛri-Syeba, ní Bizyotya,

²⁹ ní Baala, ní Iyimi, ní Asɛmi,

³⁰ ní Ɛlitoladi, ní Kesiili, ní Horima,

³¹ ní Sikilagi, ní Madimanna, ní Sansanna,

³² ní Lebawɔti, ní Syilihimi, ní Ayɛn, ní Irimɔn. Kěyi bee myɛ nyɔ́ɔ n pye toko ní kpanjɛrɛ n fàra yi kèpiigèle na.

³³ Tɛɛfiigi wóyo si yi nyɛ: Ɛsyitawɔli, ní Soreya, ní Asyina,

³⁴ ní Zanowa, ní Ɛn-Gannimi, ní Tapuwa, ní Enami,

³⁵ ní Yarimuti, ní Adulami, ní Soko, ní Azeka,

³⁶ ní Syaarayimi, ní Aditayimi, ní Gedera n fàra Gederotayimi na. A yoro pye kèye kɛɛ ní sicɛrɛ n fàra yi kèpiigèle na.

³⁷ Senan, ní Hadasya, ní Migidali-Gadi,

³⁸ ní Dileyan, ní Misipe, ní Yokiteyɛli,

³⁹ ní Lakiisyi, ní Bosikati, ní Egulɔn,

⁴⁰ ní Kabɔn, ní Lahimasi, ní Kitilisyi,

⁴¹ ní Gederɔti, ní Bɛti-Dagɔn, ní Naama, n fàra Makeda na. A yoro pye kèye kɛɛ ní kɔrɔni n fàra yi kèpiigèle na.

⁴² Libina, ní Etɛɛri, ní Asyan,

⁴³ ní Yifita, ní Asyina, ní Nesiibi,

⁴⁴ ní Keyila, ní Akizibi, ní Maresya. A yoro pye kèye kpanjɛrɛ n fàra yi kèpiigèle na.

⁴⁵ N fàra Ekurɔn ní gi tɛ́nɛmi kèye ní gi kèpiigèle na,

⁴⁶ n séli Ekurɔn na fwɔɔ n sáà nan Sólomi Lòkpɔʔɔ na, ní Asidɔdi tɛ́nɛmi kèye myɛ, n fàra yi kèpiigèle na.

⁴⁷ Gee bee n jo Asidɔdi ní Gaza, ní yi tɛ́nɛmi kèye, ní yi kèpiigèle, n kári fwɔɔ n sáà nan Ezyipiti lòcoologi na, ní níì kári fwɔɔ n sáà láʔa Sólomi Lòkpɔʔɔ na.

⁴⁸ Nyanbeleyi kúlo kèye yi nyɛ: Syamiiri, ní Yatiiri, ní Soko,

⁴⁹ ní Danna, ní Kiiriyati-Sanna, wi lè Debiiri,

⁵⁰ n fàra Anabi, ní Ɛsyitemo, ní Animi,

⁵¹ ní Gosyɛn, ní Holɔn, ní Giilo na. A yoro pye kèye kɛɛ ní nibin n fàra yi kèpiigèle na.

⁵² Arabi, ní Duma, ní Esyeyan,

⁵³ ní Yanumi, ní Bɛti-Tapuwa, ní Afeka,

⁵⁴ ní Humeta, ní Kiiriyati-Ariba, wi lè Heburɔn, n fàra Siyɔri na. A yoro pye kèye kpanjɛrɛ n fàra yi kèpiigèle na.

⁵⁵ Maɔn, ní Karimɛli, ní Ziifi, ní Yuta,

⁵⁶ ní Zyizireyɛli, ní Yokideyami, ní Zanowa,

⁵⁷ ní Kayɛn, ní Gibeya, n fàra Timina na. A yoro pye kèye kɛɛ n fàra yi kèpiigèle na.

⁵⁸ Halihuli, ní Bɛti-Suuri, ní Gedɔɔri,

⁵⁹ ní Maarati, ní Bɛti-Anɔti, n fàra Ɛlitekɔn na. A yoro pye kèye kɔrɔni n fàra yi kèpiigèle na.

⁶⁰ Ní Kiiriyati-Baali, wi lè Kiiriyati-Yeyarimi, n fàra Araba na. A yoro pye kèye siin, n fàra yi kèpiigèle na.

⁶¹ Fìími tára wóyo yi nyɛ: Bɛti-Araba, ní Midɛn, ní Sekaka,

⁶² ní Nibisyan, ní Iiri-Hamela, n fàra Ɛn-Gedii na. A yoro pye kèye kɔrɔni, n fàra yi kèpiigèle na.

⁶³ Yebusi ye pe da pye lè Zyerusalɛmi ni, Zyuda yòdaʔayi ga gbàn n be nɛnɛ n yirige yaà í. Yebusi ye i nyɛ wodɛ́ɛnbéle ní Zyuda yòdaʔayi nínge ni, Zyerusalɛmi ni fwɔɔ n baa nan níjanʔa na.