Zyozuwe 12 - Cebaara Bible 2010

Fànʔafɔbèle mɛ́ɛyɛ, bele Isirayɛli ye jáa lè

¹ Táree fànʔafɔɔlɔ Isirayɛli ye kpóo lè níì be tásaligi syɔɔ n taa Zyuridɛn jeligɔgee na, canʔafolomɔ ma, nlaa yaà Arinɔn lòcoologi nyɔ́ɔ na fwɔɔ n sáà nan nyanbelegi na ki lè Hɛrimɔn ni Araba myɛw ní canʔafolomɔ ma, poro be nyɛ bele naa:

² Sihɔn wi lè Amɔri ye fànʔafɔw wi da pye lè wodɛ́ɛɔn ní Hɛsyibɔn ni, wi fǎngi tɛ́nɛmɛ maa séli yaà Aroyɛɛri na Arinɔn lòcoologi nyɔ́ɔ na, ní níì séli lòcoologi nínge na ki lè Galaadi tílaw fwɔɔ n sáà nan Yabɔki lòcoologi na ki lè Amɔn ye láʔagologi,

³ níì láa Araba ma fwɔɔ n sáà nan Kinarɔti lòkpɔɔgi na canʔafolomɔ ma, níì kári n sáà nan Araba Sólomi Lɔ̀ʔɔ na ki lè Solonɛʔɛmi Lɔ̀ʔɔ, canʔafolomɔ ma, Bɛti-Yesyimɔti kàbangi na, ní wòrogulo kàbangi na Pisiga tìgimi ni.

⁴ Ní Basyan fànʔafɔw Ogi tásaligi wi pye lè Erefa ye wogorowaa. Wi tɛɛ̀tɛnɛgi gi pye Asyitarɔti, ní Edireyi.

⁵ Nyanbelegi gi lè Hɛrimɔn, koro ní Salika, ní Basyan myɛw maa pye wi fǎngi tɛ́nɛmɛ ni fwɔɔ n sáà nan Gesyuri ye, ní Maaka ye láʔagologi na, n fàra Galaadi tìlaw na, wi lè Hɛsyibɔn fànʔafɔw Sihɔn láʔagologi.

⁶ Yawe falipyew Mowizi ní Isirayɛli ye maa be kpóo. Mowizi wi pye lè Yawe falipyew, á woro be tári kaan Wurubɛn ye, ní Gadi ye, ní Manase syɛɛnfelegi tíla ma, a di pye pe worò.

⁷ Táree fànʔafɔɔlɔ Zyozuwe ní Isirayɛli ye kpóo lè Zyuridɛn jeligɔgee na canʔajeemɛ ma, nlaa yaà Baali-Gadi na Liban jǐnlɔgi ni fwɔɔ n sáà nan nyanbewaagi na ki yìri n wáa Seyiiri kàbangi na lè, a Zyozuwe be tári kaan Isirayɛli syɛɛnfeleyi ma, a di pye pe worò, n yɛlɛ ní be tílaganmi ní.

⁸ Tári bee i nyɛ nyanbeleyi kúlo, ní tìgimi tára, ní Araba, ní nyanbeleyi tìgimɛ, ní fìími tára, ní wòrogulo kàbangi tára. Bele be pye tári bee ni lè, poro be pye Hɛti ye, ní Amɔri ye, ní Kanaan ye, ní Perezi ye, ní Hɛvi ye, ní Yebusi ye.

⁹ Zyeriko fànʔafɔw nibin. Ayi wi pye lè Betɛli taana, woro fànʔafɔw, nibin.

¹⁰ Zyerusalɛmi fànʔafɔw nibin. Heburɔn fànʔafɔw nibin.

¹¹ Yarimuti fànʔafɔw nibin. Lakiisyi fànʔafɔw nibin.

¹² Egulɔn fànʔafɔw nibin. Gezɛɛri fànʔafɔw nibin.

¹³ Debiiri fànʔafɔw nibin. Gedɛɛri fànʔafɔw nibin.

¹⁴ Horima fànʔafɔw nibin. Aradi fànʔafɔw nibin.

¹⁵ Libina fànʔafɔw nibin. Adulami fànʔafɔw nibin.

¹⁶ Makeda fànʔafɔw nibin. Betɛli fànʔafɔw nibin.

¹⁷ Tapuwa fànʔafɔw nibin. Hefɛɛri fànʔafɔw nibin.

¹⁸ Afɛki fànʔafɔw nibin. Lasyarɔn fànʔafɔw nibin.

¹⁹ Madɔn fànʔafɔw nibin. Hasɔɔri fànʔafɔw nibin.

²⁰ Syimurɔn-Merɔn fànʔafɔw nibin. Akisyafi fànʔafɔw nibin.

²¹ Taanaki fànʔafɔw nibin. Megido fànʔafɔw nibin.

²² Kedɛsyi fànʔafɔw nibin. Yokineyami fànʔafɔw wi pye lè Karimɛli ni, woro nibin.

²³ Dɔɔri wi pye lè Dɔɔri dǎndamayi na, woro fànʔafɔw nibin. Goyimi wi pye lè Giiligali taana, woro fànʔafɔw nibin.

²⁴ Tiirisa fànʔafɔw nibin. A pe myɛ bìnɛw pye fànʔafɔɔlɔ toko ní kpɔrigɔ ní nibin.