Sélimɛ 5 - Cebaara Bible 2010

Tofɔlɛɛyi mɛ́ɛyɛ n séli Adami na n sáà nan Nowe na

¹ Adami yòdaʔayi sɛ́bɛ wi nyɛ wee naa: Cángee na Kolocɔlɔɔ syɔɔn faan lè, wi maa wi sámaga a wi woro Kolocɔlɔɔ wíri.

² Wi maa be faan nàɔn ní cɔlɔɔ. Cángee na wi be faan lè, a wi dùbaw taʔa be na níì mɛ́ʔɛ le be na ni be yiri syɔɔn ye.

³ A Adami ga yɛ̀ʔɛlɛ togoye kɔrɔni ní kpɔrigɔ taa, a wi nànbile see woro félege a li tɔ̀nɔ n wi wíri. A wi li mɛ́ɛgi le ni li yiri Sɛti.

⁴ Sɛti seeli kàdoʔo ma, a Adami níì yɛ̀ʔɛlɛ saala sicɛrɛ taa. Wi si maa níì nànbiigèle kèle see n fàra calipiigèlē na.

⁵ Adami sìíw yɛ̀ʔɛlɛ myɛ nyɔ́ɔ n pye saala sicɛrɛ ní togoye kɔrɔni ní kpɔrigɔ, á wi kùu.

⁶ A Sɛti ga taa yɛ̀ʔɛlɛ dabata ní kagunɔ, a wi Enɔsyi see.

⁷ Enɔsyi seeli kàdoʔo ma, a Sɛti níì yɛ̀ʔɛlɛ saala sicɛrɛ ní kɔrɔsiin taa. Wi si maa níì nànbiigèle kèle see n fàra calipiigèlē na.

⁸ Sɛti sìíw yɛ̀ʔɛlɛ myɛ nyɔ́ɔ n pye saala sicɛrɛ ní dabata ní kpɔrigɔ ní siin, á wi kùu.

⁹ A Enɔsyi ga yɛ̀ʔɛlɛ togoye sicɛrɛ ní kpɔrigɔ taa, a wi Kenan see.

¹⁰ Kenan seeli kàdoʔo ma, a Enɔsyi níì yɛ̀ʔɛlɛ saala sicɛrɛ ní kpɔrigɔ ní kagunɔ taa. Wi si maa níì nànbiigèle kèle see n fàra calipiigèlē na.

¹¹ Enɔsyi sìíw yɛ̀ʔɛlɛ myɛ nyɔ́ɔ n pye saala sicɛrɛ ní dabata ní kagunɔ, á wi kùu.

¹² A Kenan ga yɛ̀ʔɛlɛ togoye taanri ní kpɔrigɔ taa, a wi Mahalaleyɛli see.

¹³ Mahalaleyɛli seeli kàdoʔo ma, a Kenan níì yɛ̀ʔɛlɛ saala sicɛrɛ ní togoye siin taa. Wi si maa níì nànbiigèle kèle see n fàra calipiigèlē na.

¹⁴ Kenan sìíw yɛ̀ʔɛlɛ myɛ nyɔ́ɔ n pye saala sicɛrɛ ní dabata ní kpɔrigɔ, á wi kùu.

¹⁵ A Mahalaleyɛli ga yɛ̀ʔɛlɛ togoye taanri ní kagunɔ taa, a wi Yeredi see.

¹⁶ Yeredi seeli kàdoʔo ma, a Mahalaleyɛli níì yɛ̀ʔɛlɛ saala sicɛrɛ ní toko ní kpɔrigɔ taa. Wi si maa níì nànbiigèle kèle see n fàra calipiigèlē na.

¹⁷ Mahalaleyɛli sìíw yɛ̀ʔɛlɛ myɛ nyɔ́ɔ n pye saala sicɛrɛ ní togoye sicɛrɛ ní kpɔrigɔ ní kagunɔ, á wi kùu.

¹⁸ A Yeredi ga yɛ̀ʔɛlɛ togoye kɔrɔtaanri ní siin taa, a wi Henɔki see.

¹⁹ Henɔki seeli kàdoʔo ma, a Yeredi níì yɛ̀ʔɛlɛ saala sicɛrɛ taa. Wi si maa níì nànbiigèle kèle see n fàra calipiigèlē na.

²⁰ Yeredi sìíw yɛ̀ʔɛlɛ myɛ nyɔ́ɔ n pye saala sicɛrɛ ní togoye kɔrɔtaanri ní siin, á wi kùu.

²¹ A Henɔki ga yɛ̀ʔɛlɛ togoye taanri ní kagunɔ taa, a wi Matusalɛmi see.

²² Matusalɛmi seeli kàdoʔo ma, a Henɔki níì yɛ̀ʔɛlɛ sirakele ní dabata taa pínɛnyɛnnɛgɛ na ní Kolocɔlɔɔ ní. Wi si maa níì nànbiigèle kèle see n fàra calipiigèlē na.

²³ Henɔki sìíw yɛ̀ʔɛlɛ myɛ nyɔ́ɔ n pye sirakele ní togoye kɔrɔtaanri ní kagunɔ.

²⁴ Henɔki maa pye pínɛnyɛnnɛgɛ na ní Kolocɔlɔɔ ní. Koro kàdoʔo ma a be fɔ̀n wi ni níì cán Kolocɔlɔɔ maa wi láa.

²⁵ A Matusalɛmi ga yɛ̀ʔɛlɛ togoye kpanjɛrɛ ní kɔrɔsiin taa, a wi Lemɛki see.

²⁶ Lemɛki seeli kàdoʔo ma, a Matusalɛmi níì yɛ̀ʔɛlɛ saala taanri ní togoye kpanjɛrɛ ní siin taa. Wi si maa níì nànbiigèle kèle see n fàra calipiigèlē na.

²⁷ Matusalɛmi sìíw yɛ̀ʔɛlɛ myɛ nyɔ́ɔ n pye saala sicɛrɛ ní togoye kɔrɔtaanri ní kpanjɛrɛ, á wi kùu.

²⁸ A Lemɛki ga yɛ̀ʔɛlɛ togoye kpanjɛrɛ ní siin taa, a wi nànbile see.

²⁹ A wi li mɛ́ɛgi le ni li yiri Nowe. Ncan wi maa jo: «Faligbanyi ní fɔ̀rɔyi myɛ na wolo nyɛ lè tári naa na, dee Yawe dánga lè, pìíw naa wi a ba wolo kpɛʔɛlɛ kérigèle bee na.»

³⁰ Nowe seeli kàdoʔo ma, a Lemɛki níì yɛ̀ʔɛlɛ saala siin ní togoye kpanjɛrɛ ní kpɔrigɔ ní kagunɔ taa. Wi si maa níì nànbiigèle kèle see n fàra calipiigèlē na.

³¹ Lemɛki sìíw yɛ̀ʔɛlɛ myɛ nyɔ́ɔ n pye saala taanri ní togoye kɔrɔtaanri ní kpɔrigɔ ní kɔrɔsiin, á wi kùu.

³² A Nowe yɛ̀ʔɛlɛ saala siin ní dabata taa níì Sɛmi, ní Kami, ní Zyafɛti see.