Sélimɛ 36 - Cebaara Bible 2010

Ezau n tɛ́ɛn Edɔmi tári ni

¹ Ezau yòdaʔayi yi nyɛ yee naa, Ezau wi lè Edɔmi:

² Ezau maa Kanaan tári cébèle pèle láa, poro be nyɛ Ada wi lè Elɔn jáaw, Elɔn wi lè Hɛti yòdaʔagaa, ní Oholibama wi lè Ana jáaw, Ana wi lè Sibeyɔn jáaw, Sibeyɔn si i nyɛ Hɛvi yòdaʔagaa.

³ A wi wɔ́ɔ̀ Isimayɛli jáaw Basimati láa, wi pye lè Nɛbayɔti senyɛnnɛ.

⁴ A Ada Elifazi see Ezau ma, á Basimati si Erewuyɛli see,

⁵ á Oholibama si Yewusyi, ní Yayelami, ní Kora see. Nànbiigèle bee be see Ezau ma n wi yaʔa Kanaan tári ni.

⁶ A Ezau wi cébèle ní wi pìíbèle kɔ́ri, be lè nǎnbèle ní cébèle, n fàra bele myɛ na be pye lè wi kpáagi ni, ní wɔ́ɔ̀ wi nǐyi ní wi yaweeree myɛ kɔ́ri n fàra lɔ́ri myɛ na wi taa Kanaan tári ni lè. A wi kári ní dee bee myɛ ní tɛ́nɛmaa nikwɔɔ ma n léeli wi senyɛnw Zyakɔbi na.

⁷ Níì cán pe lɔ́ri maa nɛʔɛ, koro na pe da pye bi gbǎn pínɛ tɛ́ɛn í. Táree ni pe da tɛ́ɛn lè, pe ga gbàn n kún di ni í pe yaweeri nɛʔɛnɛ báriga ni.

⁸ A Ezau sáà tɛ́ɛn Seyiiri nyanbelegi na Ezau wi nyɛ Edɔmi.

Ezau yòdaʔayi kéele

⁹ Edɔmi ye tóolɛɛgi gi lè Ezau, woro yòdaʔayi yi nyɛ yee naa, woro wee wi da sáà tɛ́ɛn lè Seyiiri nyanbelegi na.

¹⁰ Ezau nànbiigèle mɛ́ɛyɛ yi nyɛ yee naa: Ezau céw Ada pìíw Elifazi, ní Ezau céw Basimati pìíw Erewuyɛli.

¹¹ Elifazi jáabèle si be nyɛ Teman, ní Omari, ní Sefo, ní Gayetami, n fàra Kenazi na.

¹² Elifazi wi lè Ezau jáaw, Timina maa pye wi cefàra-mí-láawaa, a céw bee Amalɛki see Elifazi ma. Pìíbèle bee be pye Ada, ní wi nǎnw Ezau pìinyanbiiyi.

¹³ Erewuyɛli jáabèle si be nyɛ bele naa: Nahati, ní Zera, ní Syama, ní Miza. Poro be pye Basimati ní wi nǎnw Ezau pìinyanbiiyi.

¹⁴ Sibeyɔn pìíw Ana wi lè cɔlɔɔ, woro pìíw Oholibama wi lè Ezau céw, wi pìíbèle be nyɛ bele naa: Wi n Yewusyi, ní Yayelami, ní Kora see Ezau ma.

¹⁵ Ezau yòdaʔayi kùndigibéle be nyɛ bele naa: Ezau jáalɛɛw Elifazi pìíbèle be pye lè kùndigibèle, poro be nyɛ: Kùndigiw Teman, ní kùndigiw Omari, ní kùndigiw Sefo, ní kùndigiw Kenazi,

¹⁶ ní kùndigiw Kora, ní kùndigiw Gayetami, ní kùndigiw Amalɛki. Bele bee n pye Elifazi yòdaʔayi kùndigibéle Edɔmi tári ni, Ada pìinyanbiiye be pye.

¹⁷ Ezau jáaw Erewuyɛli pìíbèle si be pye lè kùndigibèle, poro be nyɛ kùndigiw Nahati, ní kùndigiw Zera, ní kùndigiw Syama, ní kùndigiw Miza. Bele bee n pye Erewuyɛli yòdaʔayi kùndigibéle Edɔmi tári ni, Ezau céw Basimati pìinyanbiiye be pye.

¹⁸ Ezau céw Oholibama pìíbèle be pye lè kùndigibèle, poro be nyɛ: Kùndigiw Yewusyi, ní kùndigiw Yayelami, ní kùndigiw Kora. Poro be pye Ezau céw Oholibama pìíbèle ni kùndigibèle. Ana pyà wi pye Oholibama.

¹⁹ Bele bee n pye Ezau pìibēle, á be kùndigibèle si i nyɛ bele bee. Ezau wi nyɛ Edɔmi.

²⁰ Seyiiri wi lè Horii ye wówaa, woro yòdaʔayi yi nyɛ yee naa, poro be pye tári bee kànɔɔnnɔ. Pe mɛ́ɛyi yi nyɛ: Lotan, ní Syobali, ní Sibeyɔn, ní Ana,

²¹ ní Disyɔn, ní Esɛɛri, ní Disyan. Poro be pye Horii ye kùndigibèle, be pye lè Seyiiri yòdaʔayi Edɔmi tári ni.

²² Lotan jáabèle be pye Horii, ní Emami. Lotan senyɛnjew pe da ni yiri Timina.

²³ Syobali jáabèle si be nyɛ bele naa: Alivan, ní Manahati, ní Ebali, ní Syefo, ní Onami.

²⁴ Sibeyɔn jáabèle be nyɛ bele naa: Aya, ní Ana. Anaw bee wi da lòfugi púloweegéle nyaa fìími tára ni, n wi yaʔa wi tóow Sibeyɔn jòfanibèle tɛɛnaʔaga ni.

²⁵ Ana jáabèle be nyɛ bele naa: Disyɔn, ní Oholibama wi pye lè cɔlɔɔ.

²⁶ Disyan jáabèle si i nyɛ: Hemidan, ní Ɛsyiban, ní Yitiran, ní Keran.

²⁷ Esɛɛri jáabèle si be nyɛ bele naa: Biilihan, ní Zaavan, ní Akan.

²⁸ Disyan jáabèle si i nyɛ bele naa: Usi ní Aran.

²⁹ Horii ye kùndigibèle be nyɛ bele naa: Kùndigiw Lotan, ní kùndigiw Syobali, ní kùndigiw Sibeyɔn, ní kùndigiw Ana,

³⁰ ní kùndigiw Disyɔn, ní kùndigiw Esɛɛri, ní kùndigiw Disyan. Poro be pye Horii ye kùndigibèle, pe kùndigibèle Seyiiri tári ni.

³¹ Fànʔafɔbèle bele be tɛ́ɛn Edɔmi tári nyúngo na lè sáni fànʔafɔlɔ í tɛ́ɛn Isirayɛli ye nyúngi na lè, poro be nyɛ bele naa:

³² Beyɔɔri jáaw Bela n tɛ́ɛn fǎngi na Edɔmi tári nyúngo na. Wi kěgi pe da ni yiri Dinaba.

³³ A Bela ga kùu, a Zera jáaw Yobabi tɛ́ɛn fǎngi na wi sìndɛɛgi ni, wi lè Bosira ye wów.

³⁴ A Yobabi ga kùu, Husyami wi lè Teman tári wóo, a woro tɛ́ɛn fǎngi na wi sìndɛɛgi ni.

³⁵ A Husyami ga kùu, a Bedadi jáaw Hadadi tɛ́ɛn fǎngi na wi sìndɛɛgi ni. Woro wi Madyan ye jáa Mowabi sìnbirigi ni. Wi kěgi mɛ́ʔɛ pe da ni yiri Aviti.

³⁶ A Hadadi ga kùu, a Samila tɛ́ɛn fǎngi na wi sìndɛɛgi ni, wi lè Masireka ye wów.

³⁷ A Samila ga kùu, Sawuli wi pye lè Cábigi-nyɔ́ɔ-Erehobɔti ye wów, a woro tɛ́ɛn fǎngi na wi sìndɛɛgi ni.

³⁸ A Sawuli ga kùu, a Akibɔɔri jáaw Baali-Hanan tɛ́ɛn fǎngi na wi sìndɛɛgi ni.

³⁹ A Akibɔɔri jáaw Baali-Hanan ga kùu, a Hadaari tɛ́ɛn fǎngi na wi sìndɛɛgi ni. Wi kěgi mɛ́ʔɛ pe da ni yiri Pawu. Pe maa ni wi céw yiri Mehetabeyɛli. Céw bee nɔ́ɔ wi da pye Matiredi, wi pye lè Mezahabi pyà.

⁴⁰ Ezau yòdaʔayi kùndigibéle mɛ́ɛyɛ yi nyɛ yee naa n yɛlɛ ní be túluyi, ní be tátɛɛyi, ní be mɛ́ɛyi ní. Poro mɛ́ɛyi yi nyɛ kùndigiw Timina, ní kùndigiw Aliva, ní kùndigiw Yetɛti,

⁴¹ ní kùndigiw Oholibama, ní kùndigiw Ela, ní kùndigiw Pinɔn,

⁴² ní kùndigiw Kenazi, ní kùndigiw Teman, ní kùndigiw Mibisari,

⁴³ ní kùndigiw Magidiyɛli, ní kùndigiw Irami. Poro be pye Edɔmi ye kùndigibèle n yɛlɛ ní be tɛɛ̀tɛ́nɛyi ní, tári ni, dee be taa lè. Ezau wi nyɛ Edɔmi ye tóolɛɛgi.