Sélimɛ 10 - Cebaara Bible 2010

Tári syɛɛnfeleye kéele

¹ Lònɛʔɛgi sɔ̀lɔlɔ kàdoʔo ma, Nowe jáabèle be lè Sɛmi, ní Kami, ní Zyafɛti, a poro nànbiigéle see. Nowe jáabèle bee yòdaʔaya yi nyɛ yee naa:

² Zyafɛti jáabèle be nyɛ Gomɛɛri, ní Magɔgi, ní Madayi, ní Yavan, ní Tubali, ní Mesyɛki, ní Tiirasi.

³ Gomɛɛri jáabèle si be nyɛ Asyikenazi, ní Irifati, ní Togarima.

⁴ Yavan jáabèle si i nyɛ Elisya, ní Tarisiisi, ní Kitiimi, ní Dodanimi.

⁵ Poro ni syɛ̀ɛnnɛ yiri n tɛ́ɛn syɛɛnfeleyi lòyo nínge tátɛɛgéle ni, be tátɛɛyi ni n yɛlɛ ní be syɛɛnfeleri, ní be túluyi, ní be syɛɛnfeleyi ni.

⁶ Kami jáabèle be nyɛ Kusyi, ní Misirayimi, ní Puti, ní Kanaan.

⁷ Kusyi jáabèle si i nyɛ Seba, ní Havila, ní Sabita, ní Arayema, ní Sabiteka. Arayema jáabèle si i nyɛ Saba, ní Dedan.

⁸ Kusyi wi Nimurɔdi see. Nimurɔdi si wi fǎngi séli ni kpéʔele tári na.

⁹ Wi maa pye tòzoo-sànbali Yawe yɛ́ʔɛ ma. Koro na pe gi nyuu níì jo: «Amɛɛ Nimurɔdi da pye lè tòzoo-sànbali Yawe yɛ́ʔɛ ma.»

¹⁰ Wi fǎngi sélimɛ keye yi pye Babɛli, ní Erɛki, ní Akadi, ní Kaline, Syineyari tári ni.

¹¹ Wi yiri tári bee ni lè a wi kári Asuuri ma, ní sáà Niniivi ye faan, n fàra Erehobɔti-Iri, ní Kala na,

¹² ní wɔ́ɔ̀ Eresɛn faan, kèkpɔɔgi gi lè Niniivi ní Kala níngi ni.

¹³ Misirayimi wi nyɛ Ludi ye, ní Anami ye, ní Leyabi ye, ní Nafitu ye syɛɛnfeleyi tóolɛʔɛ,

¹⁴ n fàra Paturɔsi ye, ní Kasilu ye, ní Kafitɔri ye na, poro bele ni Filisitini ye syɛ́ɛnbèle yiri lè.

¹⁵ Kanaan wi Siidɔn see, woro wi pye wi pìilɛɛw, ní wɔ́ɔ̀ Hɛti see,

¹⁶ ní Yebusi ye, ní Amɔri ye, ní Giirigasi ye,

¹⁷ n fàra Hɛvi ye, ní Ariki ye, ní Sinii ye,

¹⁸ ní Arivadi ye, ní Semari ye, ní Hamati ye na. Koro kàdoʔo ma Kanaan túlugi wòolo cariga.

¹⁹ Kanaan ye láʔagoloyi n séli Siidɔn na n kári Gerari kàbangi na, fwɔɔ n sáà nan Gaza na. Ní níì sɔ̀lɔ n fala Sodɔmi, ní Gomɔri, ní Adima, ní Seboyimi kàbangi na, fwɔɔ n sáà nan Lesya na.

²⁰ Poro be nyɛ Kami jáabèle, n yɛlɛ ní be túluyi, ní be syɛɛnfeleri ní, be tátɛɛyi, ní be syɛɛnfeleyi ni.

²¹ Zyafɛti yɛʔɛfɔw Sɛmi maa wɔ́ɔ̀ nànbiigéle see. Woro wi nyɛ Hebɛɛri yòdaʔayi myɛ tóolɛʔɛ.

²² Sɛmi jáabèle mɛ́ɛyɛ yi nyɛ Elami, ní Asuuri, ní Aripakisyadi, ní Ludi, ní Arami.

²³ Arami jáabèle si i nyɛ Usi, ní Huli, ní Getɛɛri, ní Masyi.

²⁴ Aripakisyadi wi Syela see, á Syela Hebɛɛri see.

²⁵ A Hebɛɛri nànbiigéle siin see, pe maa ni wozeliw yiri Pelegi, níì cán woro lǎli ni tári tíla, ní i wi senyɛnw yiri Yokitan.

²⁶ A Yokitan Alimodadi see, ní wɔ́ɔ̀ Syelɛfi, ní Hasarimavɛti, ní Yera see,

²⁷ n fàra Hadorami, ní Uzali, ní Dikila,

²⁸ ní Obali, ní Abimayɛli, ní Saba,

²⁹ ní Ofiiri, ní Havila, ní Yobabi na. Bele bee myɛ n pye Yokitan jàala.

³⁰ Pe tɛɛ̀tɛ́ɛnni li pye nlaa yaà Mesya na, Sefari kàbangi na fwɔɔ n sáà nan canʔafolomɔ nyanbeleyi na.

³¹ Poro be nyɛ Sɛmi jáabèle n yɛlɛ ní be túluyi, ní be syɛɛnfeleri, ní be tátɛɛyi, ní be syɛɛnfeleyi ní.

³² Yee bee si yi pye Nowe jáabèle túluyo woolo n yɛlɛ ní be yòdaʔayi, ní be syɛɛnfeleyi ní. Poro ni syɛɛnfeleyi yiri n cariga n màʔa lònɛʔɛgi sɔ̀lɔlɔ kàdoʔo ma.