Ŋúnuyi 93 - Cebaara Bible 2010

Ŋúnuyi 93 Yawe wi nyɛ fànʔafɔw

¹ Yawe i nyɛ wodɛ́ɛɔn ní fǎngi na, wi n kpɔ́ʔɔri le burogo. Yawe n wiyɛɛ le, wi n fǎngi kpéʔele sɛntiiri, á dulunyanw wɔ́ɔ̀ sámaga n yére, wi o cúngu í.

² Mɔ fangoli n sámaga n yére nlaa yaà booma lɛ́ɛlɛ lali ni. Mɔ i yaà làla o làla kwɔ́ɔmɔ fun.

³ Cábiyi i tugo ni yìrigí, ee Yawe! Cábiyi i yi kàfulogi kpéʔele, cábiyi i yi tìngbɔɔmi yìrigí.

⁴ Yawe i nyɛ ǹjoʔo ma, wi fǎngi n kpɔ́ʔɔ n sɔ̀lɔ lòkpoloyi kàfulogo na n sɔ̀lɔ sólomi lɔ̀ʔɔ kùngurukpoloyo na.

⁵ Mɔ kajoogèle tɔ̀nɔ i nyɛ kányɛʔɛ. Mɔ kpáagi n tɔ̀nɔ n yɛlɛ gi kòro wojanga ní dulunyanw làrigēle myɛ ni, ee Yawe!