Ŋúnuyi 82 - Cebaara Bible 2010

Ŋúnuyi 82 Kolocɔlɔɔ wi nyɛ kútiisinw séera pe myɛ ma

1 Azafi ŋúnugi.

¹ Azafi ŋúnugi. Kolocɔlɔɔ i nyɛ woyéreo ní wi syɛɛnkpoʔolomi nínge ni. Wi i kútiiw nyuu kolocɔlɔbèle nínge ni.

² «Làlìí ni yele a láʔa kútiinaa-sìnzinw joolo na, bi kòro ra syɛɛnpeebèle dɛ̀ɛmɛ? Ŋɔ́ndaala

³ Yaa fànʔafunvɔlɔ ní círio kútii nyuu ní sínnɛ ní, yaa foomɔfɔlɔ ní fɔ̀rɔgɔfɔlɔ tánʔa kaangi wi ma.

⁴ Ye fànʔafunvɔw ní fɔ̀ngɔfɔw syɔɔ, ye be yirige syɛɛnpeebèle kɔ́yɔ ni.

⁵ Cánna o nyɛ be ma í, sícilimɛ o nyɛ be ma í, pe i táanri ni máari yébilimi ni. Tári kàpɔɔnbēle myɛ n cúngo.

⁶ Mii maa jo: ‹Yele i nyɛ kolocɔlɔbèlē,› wee wi nyɛ lè Pe Myɛ Nyúngo na, yele myɛ i nyɛ woro jàala.

⁷ Kàjáa yele a sèʔé kùu àmɛɛ syɛ̀ɛnnɛ nyɛ lè, yele a too tári na àmɛɛ fànʔafɔbile o fànʔafɔbile nyɛ lè.»

⁸ Ki n yɛlɛ mi yìri, ee Kolocɔlɔɔ, kútiiw kúun tári na! Níì cán syɛɛnfeleyi myɛ i nyɛ mɔ kɔ́rigɔ.