Ŋúnuyi 8 - Cebaara Bible 2010

Ŋúnuyi 8 Kolocɔlɔɔ nìjangbɔɔri ní syɔɔn kpɔ́ʔɔli

¹ Ŋúnuŋùúbèle kùndigi wóʔo, Gati ye kɔ̀ríw ni. Davidi ŋúnugi.

² Ee Yawe, mɔ wi lè wolo Kàfɔw, mɔ mɛ́ɛkpɔɔgi n tɔ̀nɔ n yiri tári myɛ ni! Mɔ n mɔ kpɔ́ɔmi télege yaà nyɛ̀ʔɛgèle ǹjoʔo ma.

³ Mɔ n mɔ fangi télege pìíbèle ní yireŋɔribèle nyɔ́ɔyɔ báriga ni, mɔ kasiitun-nyɛ́nbèle kéele na, koro ga pye bi nigoow ní gɔ̀lɔ́-wòlow nyɔ́ɔ tɔ́n.

⁴ Mii ga nyɛ̀ʔɛgèle wéle, ke lè mɔ kɔ́gi fáli, n fàra yégi ní ŋɔripiigèle na mɔ sámaga lè,

⁵ Syɔɔn si i nyɛ nyàʔá, á mɔ kɔ́ɔ̀ sɔ̀ngi n taa wi na? Syɔɔn pya wi nyɛ nyàʔá, á mɔ wi kéeli láa?

⁶ Mɔ n wi cɛ́rɛ nyɛ̀ʔɛni tundunbéle na cɛɛri, mɔ n nìjanri ní kpɔ́ɔmi tɔ́n wi na fànʔafɔ-nyùndɔnnɔ.

⁷ Mɔ n wi télege mɔ kɔ́yi fáli nyúngo na, mɔ n yáriri myɛ cáan wi tɔ́lɔyi láara ni.

⁸ Gee bee n joo, bǎbèle ní nǐyi, ti myɛ bìnɛw, àlí n fàra sìnbirigi yaweere na,

⁹ ní ǹjogi féjɛɛnrɛ, ní sólomi lɔ̀ʔɔ fàala, n fàra yáriri myɛ na di sɔ̀lɔ́ lè sólomi lòyo kóloyo ni.

¹⁰ Ee Yawe, mɔ wi lè wolo Kàfɔw, mɔ mɛ́ɛkpɔɔgi n tɔ̀nɔ n yiri tári myɛ ni.