Ŋúnuyi 70 - Cebaara Bible 2010

Ŋúnuyi 70 Da maa kelekele Yawe

¹ Ŋúnuŋùúbèle kùndigi wóʔo. Davidi ŋúnugi. Sɔ̀ngudaara kéele na.

² Ee Kolocɔlɔɔ, ba mii syɔɔ! Yawe, da maa kelekele mi ba mii dɛ̀ɛmɛ!

³ Bele be mii sìikwɔɔri caa lè, ki n yɛlɛ fɛ̀ɛrɛ í be taa be curugo! Bele be mii kálagili caa lè, ki n yɛlɛ pe lúru kàdoʔo ma fɛ̀ɛrɛ wòolo ní!

⁴ Bele be gi nyuu lè níì jo: «Hèé! Hèê!» ki n yɛlɛ pe lúru kàdoʔo ma, fɛ̀ɛrɛ í be taa.

⁵ Bele myɛ si be mɔ caa lè, ki n yɛlɛ paa muguri páā fundaanra kpéʔele mɔ kéeli na! Bele be fundaanra kpéʔele syɔɔli kéele na mɔ kaangi lè, bele bee n yɛlɛ bàā gi nyuu làrigèle myɛ ni si jo: «Kolocɔlɔɔ n yɛlɛ ní kpɔ̀ʔɔrɔlɔ ní!»

⁶ Mii si na, mii i nyɛ fɔ̀rɔgɔfɔlɔ ní foomɔfɔlɔ, ee Kolocɔlɔɔ, da maa kelekele mi ba nyɔɔ mii na! Mɔ wi nyɛ mii dɛ̀ɛmɛfɔw ní mii Syɔɔfɔw, Yawe, mɔ a kɔ́ mɔn í!