Ŋúnuyi 67 - Cebaara Bible 2010

Ŋúnuyi 67 Syɛɛnfeleyi myɛ n yɛlɛ yaa mɔ sòoló

¹ Ŋúnuŋùúbèle kùndigi wóʔo, ní kɔ̀ríw ní. Ŋúnugi. Kpɔ̀ʔɔrɔli ŋúnugo.

² Kolocɔlɔɔ n yɛlɛ wi nyɔɔ wolo na, si dùbaw kpéʔele wolo ma, si wi yɛ́ɛgi gbɛ̀ɛnmɛ yaʔa paa nyín wolo ma. Ŋɔ́ndaala

³ Koro ga pye pe mɔ kólogi kéele cán naa tári na, syɔɔli mɔ kaangi lè li kéeli í cán syɛɛnfeleyi myɛ nínge ni!

⁴ Ee Kolocɔlɔɔ, syɛɛnfeleyi n yɛlɛ yaa mɔ kpɔ̀ʔɔrɔ́! Syɛɛnfeleyi myɛ n yɛlɛ bàā mɔ kpɔ̀ʔɔrɔ́.

⁵ Syɛɛnfeleyi i nyɛ fundaanra na ní i fundaanra ŋúnuyo ŋúu, níì cán mɔ i syɛɛnfeleyi kútii cɛnɛ ní sínnɛ ní, ní i tári syɛɛnfeleye yɛ́ʔɛ kínigi. Ŋɔ́ndaala

⁶ Ee Kolocɔlɔɔ, syɛɛnfeleyi n yɛlɛ yaa mɔ kpɔ̀ʔɔrɔ́! Syɛɛnfeleyi myɛ n yɛlɛ bàā mɔ kpɔ̀ʔɔrɔ́.

⁷ Tári yaliire i nyɔɔgi. Kolocɔlɔɔ wi lè wolo Kolocɔlɔw, ki n yɛlɛ wi dùba taʔa wolo na.

⁸ Kolocɔlɔɔ í dùbaw taʔa wolo na, tári láʔagéle myɛ syɛ̀ɛnnɛ sáā fɛ̀ɛgí wi na.