Ŋúnuyi 61 - Cebaara Bible 2010

Ŋúnuyi 61 Mii i caa bi kòro mɔ fanikpaagi ni làla o làla

¹ Ŋúnuŋùúbèle kùndigi wóʔo. Ní kɔ̀ríbèle ní. Davidi ŋúnugi.

² Ee Kolocɔlɔɔ, ki n yɛlɛ mi mii sùpili lóʔo, líiyi cáan mi mii nyɛ́ɛrigi lóʔo!

³ Bi mii yaʔa naa tári láʔala na, mii i yákpoli wáa mɔ kurugo, lǎli ni mii fúngi báriga ga kwɔ́ɔ lè. Mii lúrugo fálagi ǹjoʔo ni, gee gi tɔnɔ n sɔ̀lɔ mii na lè!

⁴ Níì cán mɔ wi nyɛ mii ma tɛɛlaragi, ní kpaataʔa-tɔ́nɔgi, nigoow yɛ́ʔɛ ma.

⁵ Mii i caa bi kòro mɔ fanikpaagi ni làla o làla, bi làra mɔ fókaanyi láara ni. Ŋɔ́ndaala

⁶ Níì cán mɔ n mii nyɔɔfaliyi lóʔo, ee Kolocɔlɔɔ! Kɔ́rigi gi kaangi mɔ mɛ́ɛgi fyáafɔɔlɔ ma lè, mɔ n mii kaan gee bee na.

⁷ Kàa fàra fànʔafɔw sìi canya na. Ki n yɛlɛ wi yɛ̀ʔɛlɛ saʔa taa, bi nan yìrigēle saʔa syɛɛnnɛ na,

⁸ wí tɛ́ɛn fǎngi na Kolocɔlɔɔ yɛ́ʔɛ ma làrigèle myɛ ni! Ki yaʔa mɔ funjǎngi, ní mɔ kányɛɛgi í da wi kpáaw wéle!

⁹ Lǎli bee ni mii a ra mɔ kpɔʔɔrɔli ŋúnuyo ŋúu sìnlaʔa ni, nyɔɔfaliyi mii kpéʔele lè, sáā yoro forogi canʔa o canʔa!