Ŋúnuyi 36 - Cebaara Bible 2010

Ŋúnuyi 36 Yawe, mɔ má sìíw púloweele nyɛ

¹ Ŋúnuŋùúbèle kùndigi wóʔo. Yawe falipyew Davidi ŋúnugi.

² Gee syɛɛnpeew céemɛ syɛ́ɛnrɛ tèé mii na mii fúngi ni lè, koro gi nyɛ, wi n gi nyaa Kolocɔlɔɔ yɛ́ɛgi fyáara i nyɛ tɔ̀nɔ fun.

³ Níì cán wi i wiyɛɛ sòoló bi gi tɛ̀ɛn woro o nyɛ kakolobyeo í, jàngó faʔara a kɔ́ too woro na í.

⁴ Wi nyɔɔsyɛɛnri i nyɛ námara ní fáanaga, wi n láʔa sícilimi ní kacànbyeri na.

⁵ Wi i sɔ̀ngí námaraw pyele na bi wi yaʔa wi yasinɛgi na, kólogee gi pee lè, koro wi lée, wi o kapeʔe cèʔé í.

⁶ Ee Yawe, mɔ funjǎngi i yaà nyɛ̀ʔɛgèle na, mɔ kányɛɛgi n lúgu fwɔɔ n sáà nan fàfaanyi na.

⁷ Mɔ sínni i nyɛ àmɛɛ Kolocɔlɔɔ nyanbeleyi nyɛ lè, mɔ kútiiw kèlē n tɔ̀nɔ n cùru àmɛɛ weekpɔɔ-cùrugi nyɛ lè. Ee Yawe, mɔ i syɛ́ɛnbèle ní yaweeri syoo.

⁸ Ee Kolocɔlɔɔ, mɔ funjǎngi n sɔ̀lɔ yacanri myɛ na! Syɔɔn ye i làrá mɔ fókaanyi láara ni.

⁹ Mɔ kpáagi fúngo yacanra i be tíngi, mɔ si i be kaangi pe i gbo mɔ kanidaangèle lòcoologo na.

¹⁰ Níì cán mɔ má sìíw púloweele nyɛ. Mɔ gbɛɛnmi báriga ni wolo gbɛ̀ɛnmɛ nyaagi.

¹¹ Mɔ kpɔ́ʔɔri yaʔa di pye mɔ cánvɔbèle ma, bele fúnyo yi sín lè, mɔ sínni yaʔa li pye be ma!

¹² Ki ga yɛlɛ nɛ̀ɛgbɔʔɔgɔfɔw tɔ́lɔgɔ í kɔ́ nan mii na í, syɛɛnpeebèle kɔ́lɔ a kɔ́ mii nɛnɛ í!

¹³ Nɛɛ bee si kanaa-sìnzinri kpéʔelefɔɔlɔ tuun, pe n be ŋɔrigɔ n cáan tári na, pe a tée ní gbǎn yìri í.