Ŋúnuyi 3 - Cebaara Bible 2010

Ŋúnuyi 3 Nigoobèle n wi màʔa

¹ Davidi ŋúnugi, lǎli ni wi da ni fé wi jáaw Abisalɔmi na lè.

² Ee Yawe, mii nigoobèle n nɛʔɛ dɛ! Syɛɛnnɛʔɛmɛ n yìri mii kurugo!

³ Syɛ̀ɛnnɛ saʔa i gi nyuu mii kéeli na níì jo: «Kanmaa faala o yaà Kolocɔlɔɔ í wi syɔɔ í!» Ŋɔ́ndaala

⁴ Kàjáa Yawe, mɔ wi nyɛ mii ma tunmɔzige-yárigi, mɔ wi nyɛ mii nìjanri, mɔ wi mii nyúngi yìrigí.

⁵ Mii i yákpogbɔɔlɔ wáa Yawe kurugo, n wi yaʔa wi nyanbe-nyunjǎngi na, wi i lúro mii ma. Ŋɔ́ndaala

⁶ Mii i sìnɛ́ ni ŋúnɔ. Mii i yìrigí ŋúnɔmi na, níì cán Yawe n mii tɔʔɔ n yérige.

⁷ Syɛ́ɛnmi selebingéle kagunɔ kagunɔbèlē saʔa bi kpóʔoro mii kánmi na n mii màʔa lè, mii a tée fyáa bi na í.

⁸ Yawe, ki n yɛlɛ mi yìri! Mii Kolocɔlɔɔ, ki n yɛlɛ mi mii syɔɔ! Níì cán mɔ i mii nígoobèle myɛ kpúmɔn bɛ̀ɛ́nyi na. Mɔ i syɛɛnpeebèle gànʔana kabagi.

⁹ Yawe, mɔ má syɔɔli nyɛ! Ki n yɛlɛ mi dùbaw taʔa mɔ syɛ́ɛnbèle na! Ŋɔ́ndaala