Ŋúnuyi 24 - Cebaara Bible 2010

Ŋúnuyi 24 Yawe i jǐn kpɔ̀ʔɔrɔli kpaʔa ni

1 Davidi ŋúnugi.

¹ Davidi ŋúnugi. Tári ní di yáriri i nyɛ Yawe wóro, dulunyanw ní wi fúngi syɛ̀ɛnnɛ i nyɛ Yawe wòolo!

² Níì cán woro wi tári kàpɔɔn taʔa sólomi lòyo na, níì di sámaga n yérige cábikpoloyi na.

³ Wìí syɔ́ɔn wi a gbǎn lúgu Yawe nyanbelegi na? Wìí syɔ́ɔn wi a sa yére wi tɛɛcǎngi ni?

⁴ Wee kɔ́yɔ yi lè yi ga nɔ́nʔɔ í, a wi fúngi fílige, wi si ga wɔ́ɔ̀ wi sɔ̀ngumi taʔa nyùngo fun yáriri na í, wi si wɔ́ɔ o kɛ̀ɛ́ jànvaa kéele na í.

⁵ Wi a dùba taa Yawe ma, wi a sínni taa wi Syɔɔfɔw ma, wi lè Kolocɔlɔɔ.

⁶ Poro be nyɛ lǎlee syɛ̀ɛnnɛ be wi caa lè, bele be caa bi mɔ yɛ́ɛgi nyaa lè, Zyakɔbi Kolocɔlɔw! Ŋɔ́ndaala

⁷ Ye yele nyúnyi yìrige, kpàánweeli kɔ̀riyɔ. Kpàánweeli bàngwɔɔ kɔ̀riyɔ, ye múgu yaà! Nìjangbɔɔri Fànʔafɔlɔ a jée!

⁸ Wìí wi nyɛ Nìjangbɔɔrɔ Fanʔafɔw bee? Yawe wi lè fànnɛʔɛgɛfɔw, ní woniriw, Yawe wi lè woniriw kapɛɛnni na.

⁹ Ye yele nyúnyi yìrige, kpàánweeli kɔ̀riyɔ. Ye múgu yaà, kpàánweeli bàngwɔɔ kɔ̀riyɔ! Nìjangbɔɔri Fànʔafɔlɔ a jée!

¹⁰ Wìí wi nyɛ Nìjangbɔɔrɔ Fanʔafɔw bee? Yawe wi nyɛ lè Nyɛ̀ʔɛni Sùlasiibéle Kafɔlɔ, woro wi nyɛ Nìjangbɔɔrɔ Fanʔafɔw bee! Ŋɔ́ndaala