Ŋúnuyi 23 - Cebaara Bible 2010

Ŋúnuyi 23 Yawe wi nyɛ bànaʔaw

1 Davidi ŋúnugi.

¹ Davidi ŋúnugi. Yawe wi nyɛ mii nàʔafɔw mii a tée fɔ̀n yafyɛn ni í.

² Wi i mii sínɛgi nyàápungi tɛ́ɛyɛ ni, wi i syée ní mii ní lǒyi ma yi yére lè sági.

³ Wi i mii kàragí syɛɛnfɔɔn, ní i mii yɛ́ɛgi kínigi sínni kóloyo ni, wi mɛ́ɛgi kéele na.

⁴ Alí mii ga ni táanri kùúw yébiliwɔɔlɔ jǐnlɔgɔ ni, mii a tée fyáa yapeʔe faala na í, níì cán mɔ i nyɛ ní mii ní. Mɔ kagbeedanʔani ní mɔ banaʔa-kpeeli i mii fúngi nyíngi.

⁵ Mɔ i lìigbɔɔlɔ téeri mii taana mii nigoobèle nyɛ́nɛ na. Mɔ i sǐnmi téeri ni mii nyúngi pòó, mii yagbaali si i nyìngí ni ŋuu.

⁶ Kányɛʔɛ na, bi taa mii sìíw í sa kwɔ́ɔ, Yawe funjǎngi, ní wi nyinidaari a pye mii kurugo, mii sáā kòró wi kpáagi ni làla o làla.