Ŋúnuyi 2 - Cebaara Bible 2010

Ŋúnuyi 2 Fànʔafɔw Kolocɔlɔɔ télege lè

¹ Nyàʔá na syɛɛnfeleyi jángi? Ba nyàʔá na syɛ́ɛnbèle nyùngo fun sɔ̀nguri sɔ̀ngí?

² Tári fànʔafɔɔlɔ i peyɛɛ zɔ́ɔn, kùndigibèle si wɔ́ɔ i peyɛɛ gbóʔoro Yawe ní wi wonyɛnɛ-wòlow kánma na. Pe n jo:

³ «Wo be nyɔ̀ʔɔdiriyi cɛnɛ, wo be yapwɔɔri sánʔana woyɛɛ na wo wáa léelige.»

⁴ Wee wi nyɛ lè wodɛ́ɛɔn ní nyɛ̀ʔɛgèle ni, woro i gi tɛ́ʔɛ, Kàfɔw i wiyɛɛ nyɛ́nɛ be na.

⁵ Lǎli bee ni wi fundanʔaratɔw i syɛɛngbanra nyuu be ma, wi i fyáakpɔɔrɔ cáan be na wi fundanʔagbɔɔri báriga ni.

⁶ Wi n jo: «Siyɔn wi nyɛ lè mii nyanbe-nyunjǎngi, mii n mii fànʔafɔw télege gi na.»

⁷ Tíi mii í Yawe kakɔrirɔli joo. Wi n mii pye: «Mɔ wi nyɛ mii Jáaw! Mii wi mɔ see níjanʔa.

⁸ Mii nyɛ́ɛri, mii a tári syɛɛnfeleye kaan mɔ ma yi pye mɔ kɔ́rigɔ, bi tári láʔagéle fáliga kaan mɔ ma.

⁹ Mɔ a ra be jabagi ní tunmɔrɔ kpèele ní. Mɔ a be tɔ́nʔɔnɔ àmɛɛ cóoro kodɔɔlɔ nyɛ lè.»

¹⁰ Tɔ́ɔliw ni, yele fànʔafɔbèle, ki n yɛlɛ ye cìlige! Tári kútiijoobéle, ki n yɛlɛ ye tamani cò!

¹¹ Yaa Yawe fáliw kpéʔele ní wi yɛ́ɛgi fyáara ní, yaa fundaanra kpéʔele ní cɛ̀lɛlɛ ní.

¹² Yaa jaafɔw syɔɔnri syɔɔnri, koro ga pye wi fúngi a kɔ́ tanʔa í, yele si kɔ́ kùu kólogi na í. Níì cán cɛɛri ga pye wi fundanʔari a cò àmɛɛ naà nyɛ lè. Bele myɛ be làra wi láari ni lè, poro i nyɛ dùba pìibēle.