Ŋúnuyi 15 - Cebaara Bible 2010

Ŋúnuyi 15 Gee Kolocɔlɔɔ caa wi tágala syɛ́ɛnbèle ma lè

1 Davidi ŋúnugi.

¹ Davidi ŋúnugi. Yawe, wìí wi a tìrige bi kòro mɔ fanikpaagi ni? Ba wìí wi a tɛ́ɛn mɔ nyanbe-nyunjǎngi na?

² Syɔ́ɔnwee tánʔaganma bi sín lè, wee wi sínnɛ kele kpéʔele lè, ní i kányɛɛgi nyuu n yɛlɛ ní wi fúngi kánma ní.

³ Wi o syɔɔnwaa mɛ́ʔɛ kálagi ní wi nyínni ní í, wi o kapeʔe kpéʔele wi syɛɛnnyɛnnɛ na í, wi wɔ́ɔ o wi syɛɛnnyɛnnɛ mɛ́ʔɛ kálagi í.

⁴ Wi o fɔ̀lɔ́ nikalagiɔ na í, kàjáa wi i Yawe yɛ́ɛgi fyáafɔɔlɔ kpɔ́ʔɔgi. Wi ga nyɔ́ɔgi fàli keele na, àlí wi bɔ̀nɔ ga baa pye li ni, wi a tée fɔ̀lɔ bi wi nyɔɔfaligi kàriga í.

⁵ Wi o wi wáliw fwɔ́ɔlɔ nii syɔɔn na tɔ̀nɔ kánma na í, wi o wáli syoo ní i sɔ́ɔn kolomɔ funvɔlɔ na í. Syɔ́ɔnwee wi táanri kánmi bee na lè, yafyɛn a tée gbǎn wi cúngo í.