Ŋúnuyi 149 - Cebaara Bible 2010

Ŋúnuyi 149 Tágala syɛ́ɛnbèle kpɔ́ʔɔrɔ

¹ Aleluya! Yaa ŋúnuvɔngɔ ŋúu Yawe ma! Yaa wi sòololi ŋúnugo ŋúu tágala syɛ́ɛnbèle syɛɛnkpoʔolomɔ ni!

² Isirayɛli n yɛlɛ bàā fundaanra kpéʔele wi Faanfɔw ni. Siyɔn pìíbèle n yɛlɛ bàā muguri be Fànʔafɔw kéele na!

³ Ki n yɛlɛ paa wi mɛ́ɛgi kpɔ̀ʔɔrɔ́ ní yɔɔlɔ ní, paa wi mɛ́ɛgi kpɔ̀ʔɔrɔlɔ ŋúnugo ŋúu ní tàmáw, ní kɔ̀ríw ní.

⁴ Níì cán Yawe fundaanri yáriga gi nyɛ wi syɛ́ɛnbèle, wi i màabyebèle fèré ní syɔɔli ní.

⁵ Tágala syɛ́ɛnbèle n yɛlɛ paa muguri sáā nìjanri taari Kolocɔlɔɔ na, n be yaʔa be yasinɛyi na, ki n yɛlɛ paa fundaanra ŋúnuyo ŋúu.

⁶ Kolocɔlɔɔ sòololi n yɛlɛ bi pye be nyɔ́ɔyi na, nyɔɔyɔ siin-ziin ŋɔséebéle si pye be kɔ́yi ni,

⁷ bi gɔ̀lɔ́w wolo tári syɛɛnfeleye na, bi syɛɛnfeleyi wɔʔɔ.

⁸ Bi be fànʔafɔbèle pwɔɔ ní nyɔ̀ʔɔdiriye ní, si kpɛ̀ʔɛlɛyɛ le pe mɛ́ɛkpoloyi fɔ̀ɔlɔ na,

⁹ bi kútiiw kèlē kpéʔele foro be na, wee kéele li sɛ́bɛ lè! Koro i nyɛ wi tágala syɛ́ɛnbèle nìjanra. Aleluya!