Ŋúnuyi 142 - Cebaara Bible 2010

Ŋúnuyi 142 Wee be wɔʔɔ lè Yawe wi nyɛ wi tɛɛlàrazangi

¹ Tamani ŋúnugo Davidi ŋùu lè. Lǎli ni wi pye lè fálaweegi ni. Nyɛ́ɛrigɛ.

² Ní mii yákpoli ní mii sùpili wáa Yawe kurugo, ní mii yákpoli ní mii Yawe nyɛ́ɛri gbanʔama.

³ Mii i mii fúngi kèlē myɛ nyuu wi yɛʔɛ̀ ma, mii i mii wɔʔɔgi nyuu ni tèé wi yɛʔɛ ma.

⁴ Lǎli ni mii pǐli fànʔa kwɔ́ɔ mii ni lè, mɔ tiimaa n mii kólogi cán. Kólogee ni mii táanri lè, pe n karinyanga le gi ni mii na.

⁵ Mɔ yɛ́ɛgi le mii kàliige ma, mi gi wéle, syɔɔn faala o mii córo í, tɛɛlàrala faala o mii na í, mii sìíw kéele ga wári syɔɔn faala na í.

⁶ Ee Yawe, mɔ kurugo mii yákpoli wáa. Mii n jo: «Mɔ wi nyɛ mii tɛɛlàragi, mɔ wi nyɛ mii lɛɛli niweebèle tára ni.»

⁷ Líiyi cáan mi mii sùpili lóʔo! Níì cán mii bárigaw n cɛ́rɛ n baa sɔ̀lɔ. Mii syɔɔ mii wɔʔɔfɔbèle ma, níì cán pe n nìri n sɔ̀lɔ mii na.

⁸ Mii pǐli yirige kàsow ni koro ga pye mii í da mɔ mɛ́ɛgi kpɔ̀ʔɔrɔ́! Syɛɛnsinbèle a pan ba mii màʔa, lǎli ni mɔ ga kacànna kpéʔele mii na lè.