Ŋúnuyi 138 - Cebaara Bible 2010

Ŋúnuyi 138 Mii i caa bàā mɔ kpɔ̀ʔɔrɔ́ ní mii fúngi myɛ ní

1 Davidi ŋúnugi.

¹ Davidi ŋúnugi. Mii a ra bariga kaangi mɔ ma ní mii fúngi myɛ ní Yawe, mii a ra mɔ kpɔʔɔrɔli ŋúnuyo ŋúu kolocɔlɔbèle yɛ́ʔɛ ma.

² Mii a tìgí too bi mii yɛ́ɛgi wáa mɔ kpɔʔɔrɔli kpaacanga kabaan na, sáā mɔ mɛ́ɛgi kpɔ̀ʔɔrɔ́ mɔ funjǎngi ní mɔ kányɛɛgi kéele na, níì cán mɔ mɛ́ɛgi n yiri gbanʔama mɔ nyɔɔfaligi forolo báriga ni.

³ Cángee na mii mɔ mɛ́ɛgi yeri lè, a mɔ lóʔo mii ma, níì nìrimɛ le mii ni, n fànʔa le mii pǐli ni.

⁴ Yawe, ki n yɛlɛ tári fànʔafɔɔlɔ myɛ í da mɔ kpɔ̀ʔɔrɔ́ lǎli ni pe ga mɔ nyɔ́ɔgi syɛ́ɛnrɛ lóʔo lè!

⁵ Ki n yɛlɛ paa Yawe kapyegèle nyuu ŋúnuyi ni, níì cán Yawe nìjanri n kpɔ́ʔɔ.

⁶ Yawe i nyɛ ǹjoʔo ma, ní si i màámi fɔ̀ɔlɔ nyaagi, kàjáa wi n nɛ̀ɛnyɛnɛgi fɔ̀ɔlɔ cán n wi yaʔa yaà léelige.

⁷ Alí mii ga ni táanri wɔʔɔgi nínge ni, mɔ i mii sìíw kpáa wéle, mɔ i mɔ kɔ́gi sáanri mii nigoobèle fundanʔara kánma na, mɔ kaliigi si i mii syoo.

⁸ Yawe a ki myɛ cɔɔnri bi foro mii ma, gee wi séli mii kéeli na lè. Yawe, mɔ funjǎngi a kòro beè làla o làla, mɔ a kɔ́ mɔ kɔ́yi fáli cée bi yaʔa í!