Ŋúnuyi 137 - Cebaara Bible 2010

Ŋúnuyi 137 N be yaʔa Babilɔni cábiyi nyɔ́ɔ na wodɛ́ɛnbéle ní

¹ Babilɔni cábiyi nyɔ́ɔ na wolo da tɛ́ɛn ní i nyaan, àmɛɛ wolo sɔ̀ngi n taa Siyɔn kéeli na lè.

² A wolo wolo kɔ̀ríbèle nyáriga tɛ́ɛgi bee lógbê tíire ni.

³ Tɛ́ɛgi bee ni, wolo jáafɔbèle wolo kɔ́ri wolo í Kolocɔlɔɔ kpɔ̀ʔɔrɔlɔ ŋúnuyo ŋùu, wolo wɔʔɔfɔbèle n wolo kɔ́ri waa fundaanra ŋúnuyo ŋúu, pe n jo: «Ye Siyɔn ŋúnuyaa ŋùu wolo ma!»

⁴ N wolo yaʔa nibɔn-dára ni, mɛ̀ɛ́ wolo a ra Yawe kpɔ̀ʔɔrɔlɔ ŋúnugo ŋúu bi sɛ́ɛ?

⁵ Mii ga fɛ̀ʔɛ mɔ na, Zyerusalɛmi, mii kàliigi n yɛlɛ gi fɛ̀ʔɛ mii na!

⁶ Mii nyínni í tára mii gbǎdanw na, kapye mii ga sɔ̀ngi n taa mɔ na í, kapye mii ga Zyerusalɛmi kínige mii fundaanri yárira myɛ yɛ́ʔɛ ma í.

⁷ Yawe, sɔ̀ngi mi taa Edɔmi ye na, poro bele pe da ni gi nyuu lè Zyerusalɛmi cângalagigi na, níì jo: «Yaa gi jabagi, yaa gi jabagi fwɔɔ ye sa nan gi kàpɔɔnw na.»

⁸ Calipili Babilɔni, mɔ wee wi nan n kwɔ́ɔ lè kálagili na, gee mɔ kpéʔele wolo na lè, syɔ́ɔnwee wi a gi felege kpéʔele mɔ na lè, wee bee i nyɛ dùba pyà!

⁹ Wee wi a mɔ piibèle cò bi kpúmɔn tɔ́nʔɔnɔ fálagi na lè, wee bee i nyɛ dùba pyà.