Ŋúnuyi 136 - Cebaara Bible 2010Ŋúnuyi 136 Bariga kaanna Isirayɛli Syɔɔfɔw ma 1 Yaa Yawe kpɔ̀ʔɔrɔ́, níì cán wi n nyɔɔ, níì cán wi funjǎngi a tée kwɔ́ɔ í! 2 Yaa kolocɔlɔbèle Kolocɔlɔɔ kpɔ̀ʔɔrɔ́, níì cán wi funjǎngi a tée kwɔ́ɔ í! 3 Yaa kàfɔbèle Kàfɔlɔ kpɔ̀ʔɔrɔ́, níì cán wi funjǎngi a tée kwɔ́ɔ í. 4 Woro wee nibin wi bìngaataa-kakpoloyi kpéʔele lè, níì cán wi funjǎngi a tée kwɔ́ɔ í! 5 Woro wee wi nyɛ̀ʔɛni kpéʔele ní sícilimɛ ní lè, níì cán wi funjǎngi a tée kwɔ́ɔ í! 6 Woro wee wi tásaligi cáan lǒyi ǹjoʔo ni lè, níì cán wi funjǎngi a tée kwɔ́ɔ í! 7 Woro wee wi gbɛ̀ɛnyirige-yakpoloyi sámaga lè, níì cán wi funjǎngi a tée kwɔ́ɔ í! 8 Wi n cángi sámaga gi pye yáriri myɛ nyúngo na cángi làla ni, níì cán wi funjǎngi a tée kwɔ́ɔ í! 9 Ní wɔ́ɔ yégi ní ŋɔripiigèle sámaga di pye yáriri myɛ nyúngo na yébiligi làla ni, níì cán wi funjǎngi a tée kwɔ́ɔ í! 10 Woro wee wi Ezyipiti ye pìiselibèle kpóo lè, níì cán wi funjǎngi a tée kwɔ́ɔ í! 11 Níì Isirayɛli ye yirige be níngi ni, níì cán wi funjǎngi a tée kwɔ́ɔ í! 12 Wi séew kɔ́lɔ, ní wi kɔ́gi sánʔana báriga ni, níì cán wi funjǎngi a tée kwɔ́ɔ í! 13 Woro wee wi Nyɛ́nɛri solomɔ lɔ́ʔɔ tíla lè siin, níì cán wi funjǎngi a tée kwɔ́ɔ í. 14 Níì Isirayɛli ye yaʔa a be foro gi níngi ni, níì cán wi funjǎngi a tée kwɔ́ɔ í! 15 Níì si Faraɔnw ní wi kapɛɛnkpumɔnbèle ŋɔrigɔ n wáa gi ni, níì cán wi funjǎngi a tée kwɔ́ɔ í. 16 Woro wee wi da kíni wi syɛ́ɛnbèle yɛ́ʔɛ na lè fìími tára sinbirige ni, níì cán wi funjǎngi a tée kwɔ́ɔ í! 17 Níì fànʔafɔ-gbólobèle kpúmɔn lè, níì cán wi funjǎngi a tée kwɔ́ɔ í! 18 Wi n séekpɔɔɔ fanʔafɔɔlɔ kpóo, níì cán wi funjǎngi a tée kwɔ́ɔ í! 19 Sihɔn wi lè Amɔri syɛɛnfelegi fànʔafɔlɔ, níì cán wi funjǎngi a tée kwɔ́ɔ í! 20 Ní Ogi wi lè Basyan fànʔafɔw, níì cán wi funjǎngi a tée kwɔ́ɔ í! 21 Níì be tári kaan kɔrigɔ, níì cán wi funjǎngi a tée kwɔ́ɔ í! 22 Wi falipyew Isirayɛli kɔ́rigɔ, níì cán wi funjǎngi a tée kwɔ́ɔ í! 23 Woro wee wi sɔ̀ngi n taa wolo bele na wo da pye lè màámi ni, níì cán wi funjǎngi a tée kwɔ́ɔ í! 24 Níì wolo syɔɔ wolo kàsiitun-nyɛ́nbèle ma, níì cán wi funjǎngi a tée kwɔ́ɔ í! 25 Woro wee wi lìile kaangi lè sìíw yárira myɛ ma, níì cán wi funjǎngi a tée kwɔ́ɔ í! 26 Yaa nyɛ̀ʔɛni Kolocɔlɔɔ kpɔ̀ʔɔrɔ́, níì cán wi funjǎngi a tée kwɔ́ɔ í! |
Kolocɔlɔɔ Syɛ́ɛnri © Bible Society of Côte d'Ivoire, 2008.
Bible Society of Côte d'Ivoire