Ŋúnuyi 130 - Cebaara Bible 2010

Ŋúnuyi 130 Wɔʔɔgi fúngo ni

1 Njogi lúgufɔɔlɔ ŋúnugo.

¹ Njogi lúgufɔɔlɔ ŋúnugo. Ee Yawe, n mii yaʔa weecurugi fúngo ni, a mii i mɔ mɛ́ɛgi yiri.

² Kàfɔw, mii yákpoli lóʔo! Mɔ líiyi cáan mi mii nyɛ́ɛrigboloyi lóʔo.

³ Kapye mɔ Yawe maa ni kolomi kèlē kɔngi, Kàfɔw, wìí syɔ́ɔn wi a dée gbǎn yére?

⁴ Kàjáa kùsuluzyɔɔri i nyɛ mɔ ma, koro ga pye syɔɔn í da fɛ̀ɛgí mɔ na.

⁵ Yawe na mii niyɛɛ daʔa, woro na mii fúngi kiyɛɛ daʔa, woro syɛ́ɛnri na mii mii sɔ̀ngumi taʔa.

⁶ Kánmee na yébiligi kpaàwelebéle peyɛɛ daʔa nyǐngi nyɔ́ɔ kéele na lè, kánmi bee na mii sɔ̀ngumi nyɛ Kàfɔw na, àlí n sɔ̀lɔ yébiligi kpaàwelebéle na.

⁷ Isirayɛli, miyɛɛ daʔa Yawe na! Níì cán Yawe fúngi n nyɔɔ, nyùnzyɔɔri i nyɛ wi ma saʔa.

⁸ Woro wi a Isirayɛli ye nyúnyi syɔɔ be kolomi kèlē myɛ ma.