Ŋúnuyi 13 - Cebaara Bible 2010

Ŋúnuyi 13 Yawe, mɔ í fɛ̀ʔɛ lé mii na gi kòro nya?

¹ Ŋúnuŋùúbèle kùndigi wóʔo. Davidi ŋúnugi.

² Ee Yawe, làla ǹjoori li a kwɔ́ɔ? A mɔ a fɛ̀ʔɛ lé mii na bàā syée yaà làla o làla? A mɔ a mɔ yɛ́ɛgi làriga lé mii na bi kòro nya?

³ Làla ǹjoori mii yɛlɛ bi pye nya mii sɔ̀nginɛʔɛri na, bi kòro nya funbɛɛnrɛ na wɔʔɔgi ni canʔa o canʔa? Làlìí kánma mii nigoow a pye mii nyúngi na?

⁴ Ee Yawe mii Kolocɔlɔw, ki n yɛlɛ mi wéle mí lóʔo mii ma. Mii nyapiigèle cèlege, koro ga pye mii ŋúnɔmi a kɔ́ ba kàri kùu í.

⁵ Koro ga pye mii nigoow a kɔ́ gi joo si jo: «Mii n fànʔa taa wi na» í. Mii kàsiitun-nyɛ́nbèle a wɔ́ɔ kɔ́ ra fundaanra kpéʔele mii kpírigeli kéele na í.

⁶ Kàjáa mii na, mii n mii sɔ̀ngumi taʔa mɔ funjǎngi na, mii fúngi n nyìn fundaanri na syɔɔli kéele na mɔ kaan lè. Mii a ra ŋúu Yawe ma kacǎnyi myɛ kéele na wi kpéʔele mii ma lè.