Ŋúnuyi 129 - Cebaara Bible 2010

Ŋúnuyi 129 Pe n kapeeye saʔa kpéʔele mii na, kàjáa…

1 Njogi lúgufɔɔlɔ ŋúnugo.

¹ Njogi lúgufɔɔlɔ ŋúnugo. Pe n mii wɔʔɔ tɔlɔyɔ saʔa nlaa yaà mii pìími làla ni. Isirayɛli n yɛlɛ bàā koro nyuu si jo:

² «Pe n mii wɔʔɔ tɔlɔyɔ saʔa nlaa yaà mii pìími làla ni,» kàjáa pe ga fànʔa taa mii na í.

³ Tèfalabéle n mii kàdogi fála, pe n sɔ̀ndɔnɔyɔ fála gi na.

⁴ Yawe n sín, wi n yapwɔɔri cɛnɛ, dee syɛɛnpeebèle da pwɔɔ lè.

⁵ Bele myɛ be Siyɔn para lè, ki n yɛlɛ fɛ̀ɛrɛ í be taa pe lúru kàdoʔo ma.

⁶ Pe pye àmɛɛ kpaaya njoyo nyaa nyɛ lè, gee gi waari sáni gi lɛɛ lè!

⁷ Yaliilaaɔ a wi kɔ́gi nyìn gi na í, wàlá ki a yaliipwɔɔgéle pwɔɔfɔlɔ kɔlɔ̀ kpáʔariga nyìn í.

⁸ Kozɔ̀lɔbèle a tée ra gi nyuu í si jo: «Ki n yɛlɛ Yawe í dùba kpéʔele yele ma!» Wolo i dùba kpéʔele yele ma Yawe mɛ́ɛgi na!