Ŋúnuyi 128 - Cebaara Bible 2010

Ŋúnuyi 128 Tágala syɛ́ɛnbèle fundaanra

1 Njogi lúgufɔɔlɔ ŋúnugo.

¹ Njogi lúgufɔɔlɔ ŋúnugo. Syɔ́ɔnwee faala wi fɛ̀ɛgí Yawe na lè, ní i wi kóloyi táanri lè, wee bee i nyɛ dùba pyà!

² Mɔ a ba ra mɔ kɔ́yi fáli tɔ̀nɔ líi, mɔ a ba pye fundaanra na, mɔ kérigèle myɛ a ba ra nyɔɔgi.

³ Mɔ céw a pye àmɛɛ ɛrɛzɛn tírige nyɛ, gee gi sangi lè saʔa, mɔ kpáagi fúngo ni. Mɔ piibèle si pye àmɛɛ olivye tiipiire nyɛ lè bi mɔ tabaliw màʔa.

⁴ Syɔ́ɔnwee wi fɛ̀ɛgí Yawe na lè kánmi bee na wi dùbaw a pye.

⁵ Ki n yɛlɛ Yawe í dùba taʔa mɔ na, wee wi a yìri Siyɔn ma lè, mɔ a ra Zyerusalɛmi ŋɔ́ndaali nyaagi mɔ siiw canya myɛ ni.

⁶ Mɔ a tɔ̀nɔ́ mɔ piibèle pìibēle nyaa. Ki n yɛlɛ yɛɛ̀nyingi í pye Isirayɛli ma!