Ŋúnuyi 127 - Cebaara Bible 2010

Ŋúnuyi 127 Kapye Yawe o kpáagi faanri í

1 Njogi lúgufɔɔlɔ ŋúnugo, Salomɔn wógi.

¹ Njogi lúgufɔɔlɔ ŋúnugo, Salomɔn wógi. Kapye Yawe o kpáagi faanri í, bele be gi faanri lè, pe i báara gbanzan. Kapye Yawe o kěgi kpáa wéle í, wee wi gi kpáaw wéle lè, wi i syɔ̀ɔ́n nyɛ̀nɛ na gbanzan.

² Yele i sɔ̀ɔ́ ni yìrigí nyǐngi nyɔ́ɔ na, ní i mɔngi sìnzinɛ ni, ní i fɔ̀rɔgí ní náa i yaliiri taagi ni líi. Yele i koro myɛ kpéʔele gbanzan. Wi i wi syɛɛn-nidaanmaw kaangi, àlí bi wi yaʔa ŋúnɔmi na.

³ Wéle, pìíbèle i nyɛ kɔrigɔ gee Yawe kaangi lè, ceseegi i nyɛ tɔ̀nɔ.

⁴ Amɛɛ ŋaaya nyɛ lè nànnirio kɔ́yɔ ni, ànbée wojáriɔ piibèle nyɛ.

⁵ Nǎnwee wi ga wi segbogi nyìn lè, wi i nyɛ dùba pyà! Lǎli ni pe ga ni nyuu ní nigoobèle ní kpàánweeli na lè, pe fúnyi a tée curugo í.