Ŋúnuyi 126 - Cebaara Bible 2010

Ŋúnuyi 126 Nyatinmɛ n kàri fundaanra

1 Njogi lúgufɔɔlɔ ŋúnugo.

¹ Njogi lúgufɔɔlɔ ŋúnugo. Lǎli ni Yawe Siyɔn wóbèle yirige púlori ni a be lúru n pan lè, wolo maa pye mɔ a jo ŋúnɔgɔ na wolo nyɛ.

² Lǎli bee ni wolo nyɔ́ɔyi maa nyìn kataanri na, wolo nyíngèle maa ni fundaanra yákpogéle wáa. Lǎli bee ni a ki i nyuu syɛɛnfeleyi nínge ni níì jo: «Yawe n kakpoloyo kpéʔele be ma!»

³ Yawe n kakpoloyo kpéʔele wolo ma, a wolo pye fundaanra na.

⁴ Yawe, wolo wóbèle be nyɛ lè púlori ni, pe lúrugo be pan àmɛɛ lòcoologo nyɛ lè tɛɛwaʔa ni.

⁵ Bele be lùguri lúru ní nyatinmɛ ní lè, bele bee a ba yaliiri láa ní fundaanra yákpogéle ní.

⁶ Wee wi nyaan ni syée ní yaliiri ní, dee wi a sa lùgu lè, wee bee fundaanratɔw a ba lúru da jǐn ní wi yaliipwɔɔgèle ní.