Ŋúnuyi 125 - Cebaara Bible 2010

Ŋúnuyi 125 Bele be tága Yawe na lè

1 Njogi lúgufɔɔlɔ ŋúnugo.

¹ Njogi lúgufɔɔlɔ ŋúnugo. Syɛ́ɛnbèle bele pe be sɔ̀ngumi taʔa Yawe na lè, pe i nyɛ àmɛɛ Siyɔn nyanbelegi nyɛ lè. Yafyɛn a gbǎn gi cúngo í, ki a pye yaà làla o làla.

² Amɛɛ nyanbeleyi Zyerusalɛmi màʔa lè, ànbée Yawe wi syɛ́ɛnbèle màʔa, n séli tɔ́ɔliw ni ni syée yaà làla o làla.

³ Níì cán péemi fànʔa kàgbeele a kòro syɛɛnsinbèle kɔ́rigɔ nyúngo na í, koro ga pye syɛɛnsinbèle a kɔ́ be kɔ́yi sánʔa kapeebyeri ma í.

⁴ Yawe, ki n yɛlɛ mi kacànna kpéʔele syɛɛncanbèle na, poro bele fúnyo yi sín lè!

⁵ Kàjáa bele be wɛ̀ɛ́ ni syée kogoloyi ni lè, ki n yɛlɛ Yawe í poro ní kakolobyebèle myɛ pínɛ kálagi! Ki n yɛlɛ Isirayɛli í yɛɛ̀nyinge taa!