Ŋúnuyi 121 - Cebaara Bible 2010

Ŋúnuyi 121 Wìí wi a gbǎn mii dɛ̀ɛmɛ?

1 Njogi lúgufɔɔlɔ ŋúnugo.

¹ Njogi lúgufɔɔlɔ ŋúnugo. Mii a mii yɛ́ɛgi yìrige bàā wéle yaà nyanbeleyi ma. Sán mii dɛ̀ɛmɛni a yìri?

² Yawe má mii dɛ̀ɛmɛni a yìri, woro wee wi nyɛ̀ʔɛni ní tári faan lè.

³ Wi a fɔ̀lɔ mɔ tɔ́lɔgi í fága í. Wee wi mɔ kpáaw wéle lè, ŋúnɔmɔ a tée wi cò í.

⁴ Wéle, wee wi Isirayɛli kpáaw wéle lè, ŋúnɔmɔ a tée wi cò í, wi a tée ŋúnɔ í.

⁵ Yawe wi nyɛ mɔ kpaàwelew, Yawe wi nyɛ mɔ nyínmi, mɔ kaliige kɔ́lɔ ma.

⁶ Cángi a dígi mɔ ni cángi làla ni í, wàlá yégi yébiligi làla ni í.

⁷ Yawe a ra mɔ kpáaw wéle bàā mɔ syoo kapeeyi myɛ ma, wi a ra mɔ pili kpáa wéle.

⁸ Yawe a ra mɔ káritɔw ní mɔ pandɔw kpáa wéle, bi séli tɔ́ɔliw ni bàā syée yaà làla o làla.