Ŋúnuyi 12 - Cebaara Bible 2010

Ŋúnuyi 12 Yawe syɛ́ɛnri dulunyan-gálagiw ni

¹ Ŋúnuŋùúbèle kùndigi wóʔo, gee be ŋúu ní mɛ́ɛngèle kɔrɔtaanri kɔ̀rí ní lè. Davidi ŋúnugi.

² Ee Yawe, ki n yɛlɛ mi wo syɔɔ, níì cán Kolocɔlɔɔ yɛ́ɛgi fyáafɔɔlɔ i kwóo ni syée. Tágala syɛɛnnɛ ní o beè syɔɔn ye níngi ni í.

³ Pe myɛ nibin nibin i finɛ be syɛɛnnyɛnbèle ma. Pe i be syɛɛnnyɛnbèle lɛ́ɛlɛ ní syɛɛntaanri ní, ní si i nyuu ní funyo siin-ziin ní.

⁴ Nyɔ́ɔyee yi syɛɛnlɛɛlɛri nyuu lè, ní nyínlee li kpɔ́ɔmi syɛ́ɛnrɛ nyuu lè, ki n yɛlɛ Yawe í toro myɛ kwɔ́ɔ yirige yaà,

⁵ poro bele be gi nyuu lè níì jo: «Wolo i fànʔa taagi wolo nyíngèle báriga ni, wolo nyɔɔwari i nyɛ wolo wóro, wìí syɔ́ɔn wi a ní pye wolo kàfɔw?»

⁶ «Pe i fǎngi gbàngí foomɔfɔbèle na, fɔ̀rɔgɔfɔbèle i cɛ́ɛn, koro na mii a yìri tɔ́ɔliw ni.» Yawe wi jo nya. Syɔ́ɔnwee kánma na be nyɔɔfiri sáan lè, mii a wi syɔɔ.

⁷ Yawe syɛ́ɛnri i nyɛ wodelere ní àmɛɛ wálifiio nyɛ, wee be sɛʔɛ lè tɔlɔyɔ kɔrɔsiin ní naà ní, tunweele ni, a wi nyɔɔ.

⁸ Mɔ tɔ̀nɔgēle Yawe, mɔ i mɔ syɛ́ɛnri forogi, ní i wolo syoo làrigèle myɛ ni, lǎli naa syɛ̀ɛnnɛ ma.

⁹ Syɛɛnpeebèle i nyaari ni máari tɛ́ɛyi myɛ ni, zɔ̀nbeew si i kpɔ́ʔɔgi ni syée syɔɔn ye níngi ni.