Ŋúnuyi 114 - Cebaara Bible 2010

Ŋúnuyi 114 Lǎli ni Isirayɛli yiri Ezyipiti ni lè

¹ Lǎli ni Isirayɛli yiri Ezyipiti ni lè, lǎli ni Zyakɔbi yòdaʔagi yiri syɛɛnfeleraa joofɔɔlɔ syɛɛnfelege nínge ni lè,

² a Zyuda baa pye Kàfɔw tɛɛcànga, á Isirayɛli pye wi tɛɛkòrogi.

³ Sólomi lɔ̀ʔɔ n gee bee nyaa a gi fàn, Zyuridɛnw n lúru kàdoʔo ma.

⁴ Nyanbeleyi n ye àmɛɛ bàpɔɔlɔ nyɛ lè, a dǎndamayi ye àmɛɛ bàpiigéle nyɛ lè.

⁵ Nyàʔá gi mɔ taa Sólomi Lɔ̀ʔɔ á mɔ fàn? Nyàʔá gi mɔ taa Zyuridɛnw á mɔ lúru kàdoʔo ma?

⁶ Nyàʔá gi yele taa nyanbeleyi, á yele ye àmɛɛ bàpɔɔlɔ nyɛ lè? Ní dǎndamayi, á yele ye àmɛɛ bàpiigéle nyɛ lè?

⁷ Ee tára, da cɛ̀lɛ́ Kàfɔw yɛ́ʔɛ ma! Zyakɔbi Kolocɔlɔw yɛ́ʔɛ ma,

⁸ woro wee wi fálagi kàragí lè lòkpɔʔɔ, ni kàdɛnɛgi kàragí lè lɔ̀ʔɔ púloweele.