Ŋúnuyi 113 - Cebaara Bible 2010Ŋúnuyi 113 Yawe i kérigèle lúrugu ni kàragí ke lè sɔ̀ngumɔ tɛɛtaʔaga fun 1 Aleluya! Yawe falipyebèle, yaa wi sòoló yaa Yawe mɛ́ɛgi sòoló! 2 Yawe mɛ́ɛgi n yɛlɛ kaa kpɔ̀ʔɔrɔ́ lǎli naa ni bàā syée yaà làla o làla! 3 Bi séli canʔafolomɔ ma bi sa nan canʔajeemɛ na, Yawe mɛ́ɛgi n yɛlɛ kaa sòoló! 4 Yawe i nyɛ ǹjoʔo ma gbanʔama syɛɛnfeleyi myɛ nyúngo na, wi nìjangbɔɔri i nyɛ nyɛ̀ʔɛgèle ǹjoʔo ni. 5 Wìí syɔ́ɔn wi Yawe wíri, wi lè wolo Kolocɔlɔw? Wi i nyɛ wodɛ́ɛɔn ní ǹjogi ni. 6 Wi n wi nyúngi jùngu ni nyɛ̀ʔɛgèle ní tári wéle. 7 Woro wi fànʔafunvɔw có ni yìrigí támiigi na, ní i foomɔfɔw có ni yìrigí kábogi na, 8 koro ga pye bi be pínɛ télege ní mɛ́ɛkpoloyi fɔ̀ɔlɔ ní, pe lè woro tiimaa syɛɛnfelegi mɛ́ɛkpoloyo fɔɔlɔ. 9 Wi i cenaa-sìnzeeo télegi kpaʔa ni bi wi pye àmɛɛ pìibēle nɔ́ɔ nyɛ lè wi lè fundaanra na. Aleluya! |
Kolocɔlɔɔ Syɛ́ɛnri © Bible Society of Côte d'Ivoire, 2008.
Bible Society of Côte d'Ivoire