Ŋúnuyi 111 - Cebaara Bible 2010

Ŋúnuyi 111 Bàā Yawe bìngaari kèlē sɔ̀ngí da taagi

¹ Aleluya! Mii a ra bariga kaangi Yawe ma ní mii fúngi myɛ ní syɛɛnsinbèle kpóʔorojoolo ni, ní syɛɛnkpoʔolomi ni.

² Yawe kapyegèle n kpólo, bele myɛ ge kéeli dɛ́nɛ lè, pe i ge tama.

³ Nìjanri ní kpɔ́ʔɔri i nyɛ wi kapyegèle ni, wi sínni a tée kwɔ́ɔ bi nyaa í.

⁴ Wi n gi yaʔa paa sɔ̀ngí da taagi wi bìngaari kèlē na. Yawe i nyɛ fûnnyinge fɔ́lɔ, ní nyinidaaɔ.

⁵ Wi n lìile kaan bele ma be fɛ̀ɛgí wi na lè, wi i sɔ̀ngí ni taagi wi joogaanni na làla o làla.

⁶ Wi n wi kapyegèle fànʔa tɛ̀ɛn wi syɛ́ɛnbèle na, níì syɛɛnfeleyi kɔ́rigɔ kaan be ma.

⁷ Wi kɔ́yi kapyegèlē ge nyɛ kányɛɛgi ní sínni. Syɔɔn n yɛlɛ wi tága wi tundunri myɛ na.

⁸ Ti n sámaga n tɛ́ʔɛ bi kòro beè làla o làla, ti n kpéʔele kányɛɛgi ní sínni na.

⁹ Wi n syɔɔli tórigo wi syɛ́ɛnbèle ma, wi n wi joogaanni télege li kòro beè làla o làla. Wi mɛ́ɛgi n nyɔɔ, ní i nyɛ fyáara yáriga.

¹⁰ Yawe yɛ́ɛgi fyáara di nyɛ sícilimi sélimɛ. Wi syɛ́ɛnri còvɔɔlɔ myɛ i yákiricàɔn taagi di ni. Wi sòololi a kòro beè làla o làla.