Ŋúnuyi 11 - Cebaara Bible 2010

Ŋúnuyi 11 Lǎli ni ki ga pye lè móō kérigèle myɛ n kálagi

1 Ŋúnuŋùúbèle kùndigi wóʔo. Davidi ŋúnugi.

¹ Ŋúnuŋùúbèle kùndigi wóʔo. Davidi ŋúnugi. Yawe wi nyɛ mii tɛɛlàragi. Nyàʔá na yele a mii pye: «Tɔlɔyɔ wári maa syée mɔ nyanbelegi ma àmɛɛ féjɛɛnnɛ nyɛ lè?

² Wéle, ncan syɛɛnpeebèle i be sedeyi kíle, pe n be ŋáayi taʔa n kwɔ́ɔ sedeyi mɛ́ɛngéle na koro ga pye bi fûnzingefɔw ŋɔɔn ní yi ní yébilimi ni.

³ Kàpɔɔnbèle ga talagi, nyàʔá syɛɛnsinw a gbǎn kpéʔele?»

⁴ Yawe i nyɛ wi kpɔ̀ʔɔrɔli kpaacanga ni, Yawe fàngoli i nyɛ nyɛ̀ʔɛni ni. Wi nyapiigèle i wéle, wi n wi nyapiigèle fɛ́nʔɛ ni syɔɔn ye wéle.

⁵ Yawe i syɛɛnsinbèle ní syɛɛnpeebèle sɛʔɛ ni cángi. Bele gàlagíw dɛ́nɛ lè, bele bee kéele n wi bɛɛn.

⁶ Wi i naàniganw, ní náagi, ní dìrigíw cáan syɛɛnpeebèle na àmɛɛ zàʔá nyɛ lè. Yagbaanyɛnni wi a kaan be ma lè pe lɛɛli, li a pye káfalafuugo wólo.

⁷ Níì cán Yawe n sín, kasingèle n wi dɛ́nɛ, syɛɛnsinbèle a wi yɛ́ɛgi sámaga nyaa.