Ŋúnuyi 100 - Cebaara Bible 2010

Ŋúnuyi 100 Wolo wo nyɛ wi syɛ́ɛnbèle

1 Bariga kaanna ŋúnugo.

¹ Bariga kaanna ŋúnugo. Tápow, yaa fundaanra yákpogéle wáa Yawe ma!

² Yaa báara Yawe ma ní fundaanra ní, yaa fundaanra yákpogéle wáa yaa jǐn wi yɛʔɛ̀ ma!

³ Ki n yɛlɛ ye gi cán Yawe wi nyɛ Kolocɔlɔɔ! Woro wi wolo faan, wolo i nyɛ wi wòolo, wolo i nyɛ wi syɛ̀ɛnnɛ, ní wi bàala, bele wi náari lè.

⁴ Yaa jǐn wi kpàánweegèle ni ní bariga kaanna ní, yaa jǐn wi kadàágèle ni ní sòololo ní! Yaa bariga kaangi wi ma, yáā wi mɛ́ɛgi kpɔ́ʔɔgi,

⁵ níì cán Yawe n nyɔɔ. Wi funjǎngi a tée kwɔ́ɔ nyáana í, wi kányɛɛgi a kòro beè yìrigèle myɛ syɛ̀ɛnnɛ ma.