Ŋúnuyi 1 - Cebaara Bible 2010

SƐBƐSELIW Ŋúnuyi 1 Dùbaw wodeleo

¹ Syɔ́ɔnwee wi nyɛ lè dùba pyà, wi o táanri syɛɛnpeebèle lálii syɛ́ɛnrɛ na í, wi si wɔ́ɔ o yèré kapeebyebèle kólogo ni í, wi si wɔ́ɔ o tɛ̀ɛ́n ní nɛ̀ɛnyɛnɛgi fɔ̀ɔlɔ ní tɛɛnijanga ni í.

² A Yawe làlwaw kéele si wi dɛ́nɛ gbanʔama wi fúngi ni, a wi i làlwaw bee kéele nyuu wi fúngi ni canʔa ní yébilige!

³ Wi i nyɛ àmɛɛ tiige nyɛ, gee be cɔ́rɔ lókologo nyɔ́ɔ na lè, ki i sangi ki làrizanni ni, ki wári si wɔ́ɔ o fánagi í, keele o keele wi kpéʔele lè, li i nyɔɔgi.

⁴ Kánmi bee si na ban syɛɛnpeebèle nyɛ í: Pe i nyɛ àmɛɛ fɔ̀migɔ nyɛ, gee káfalagi caragi lè.

⁵ Gee bee na syɛɛnpeebèle a gbǎn yére kútiiw canʔa na í, tɛʔɛ a gbǎn taa kapeebyebèle ma syɛɛnsinbèle gboolo ni í.

⁶ Níì cán Yawe n syɛɛnsinbèle kólogo cán, syɛɛnpeebèle kólogo si i syée kálagili ma.