Nehemii 7 - Cebaara Bible 2010

Kérigèle ge tímana lè kěgi kpaàwelere kéele na

¹ Lǎli ni tǒw níì faan n kwɔ́ɔ lè, á mii kpàánweegèle kɔ̀riyɔ le n kwɔ́ɔ, a mii kpàánweegèle kɔ̀rɔsiifɔɔlɔ, ní ŋùuvɔbèle, ní Levii ye télege be fáliw tɛ́ɛyɛ ni,

² níì Zyerusalɛmi kakarigari kàlifáa mii senyɛnw Hananii, ní Zyerusalɛmi kpaataʔa-tɔ́nɔgi kùndigi Hananya ma, wi pye lè tágala syɔ́ɔn, wee wi da ni fɛ̀ɛgí lè Kolocɔlɔɔ na n sɔ̀lɔ syɛ̀ɛnnɛ saʔa na.

³ A mii be pye: «Zyerusalɛmi kpàánweegèle a ra múru í fwɔɔ bi taa cángi í da wáragi. Kpàánweegèle wélefɔɔlɔ a núngo í bi taa kɔ̀riyi í tɔ́n bi sɔ̀ʔɔ. Zyerusalɛmi wóbèle pe a pye kpaàwelebèle. Pèle a pye be kpaàwele-tɛ́ɛyɛ ni, bele si pye be kpaaya yɛ́ʔɛ ma.»

Zyefubèle pe lúru n pan Kanaan ma lè poro mɛ́ɛyi sɛ́bɛ

⁴ Kěgi maa kpɔ́ʔɔ á gi tɛɛwaayi nɛʔɛ, gi syɛ́ɛnbèle si da nɛʔɛ í, kpáayi si da kɔ́ɔ̀ faan í.

⁵ A mii Kolocɔlɔw gi lége mii fúngi ni mii í mɛ́ɛyi fɔ̀ɔlɔ, ní kútiijoobèle, ní syɛ́ɛnbèle kpóʔoro si be córo. A mii wozelibanbèle tofɔlɛɛyɛ mɛ́ɛyɛ sɛ́bɛ nyaa. Gee mii nyaa lè wozɛbɛgɛ ní wi ni, koro gi nyɛ gee naa:

⁶ Bele Babilɔni fànʔafɔw Nebukadinezari da cò n kári lè, bele pe da yiri tári ni, púlori ni n lúru n pan Zyerusalɛmi, ní Zyuda ma lè, poro be nyɛ bele naa, a pe myɛ nibin nibin sáà tɛ́ɛn be kèye ni.

⁷ Bele ní be lúru n pan lè poro be nyɛ Zorobabɛli, ní Zyozuwe, ní Nehemii, ní Azariya, ní Araamya, ní Nahamanii, ní Maridosye, ní Bilisyan, ní Misiperɛti, ní Bigivayi, ní Nehumi, ní Baana. Isirayɛli syɛɛnfelegi nànbēle nyɔ́ɔ gi nyɛ gee naa:

⁸ Pareyɔsyi yòdaʔayi wòolo n pye selebinnɛ ní togoye kɔrɔtaanri ní kpɔrigɔ ní siin,

⁹ Syefatya yòdaʔayi wòolo si i nyɛ sirakele ní togoye kɔrɔtaanri ní kpɔrigɔ ní siin.

¹⁰ Ara yòdaʔayi wòolo si i nyɛ saala taanri ní togoye siin ní kpɔrigɔ ní siin.

¹¹ Pahati-Mowabi yòdaʔayi yi nyɛ lè Zyozuwe ní Zyowabi yòdaʔayi wòolo, poro si i nyɛ selebinnɛ ní saala sicɛrɛ ní kpɔrigɔ ní kɔrɔtaanri.

¹² Elami yòdaʔayi wòolo si i nyɛ saala kɔrɔni ní togoye siin ní kpɔrigɔ ní sicɛrɛ.

¹³ Zatu yòdaʔayi wòolo si i nyɛ saala sicɛrɛ ní togoye siin ní kagunɔ.

¹⁴ Zakayi yòdaʔayi wòolo si i nyɛ saala taanri ní togoye kɔrɔtaanri.

¹⁵ Binuyi yòdaʔayi wòolo si i nyɛ saala taanri ní togoye siin ní kɔrɔtaanri.

¹⁶ Bebayi yòdaʔayi wòolo si i nyɛ saala taanri ní toko ní kɔrɔtaanri.

¹⁷ Azigadi yòdaʔayi wòolo si i nyɛ selebinnɛ ní sirakele ní togoye kɔrɔni ní siin.

¹⁸ Adonikami yòdaʔayi wòolo si i nyɛ saala taanri ní togoye taanri ní kɔrɔsiin.

¹⁹ Bigivayi yòdaʔayi wòolo si i nyɛ selebinnɛ ní togoye taanri ní kɔrɔsiin.

²⁰ Adɛn yòdaʔayi wòolo si i nyɛ saala taanri ní togoye siin ní kpɔrigɔ ní kagunɔ.

²¹ Atɛri yòdaʔayi wòolo be nyɛ lè Ezekyasi narigi wòolo, poro si i nyɛ togoye sicɛrɛ ní kpɔrigɔ ní kɔrɔtaanri.

²² Hasyumi yòdaʔayi wòolo si i nyɛ sirakele ní togoye kɔrɔni ní kɔrɔtaanri.

²³ Besayi yòdaʔayi wòolo si i nyɛ sirakele ní togoye kɔrɔni ní sicɛrɛ.

²⁴ Harif yòdaʔayi wòolo si i nyɛ dabata ní kpɔrigɔ ní siin.

²⁵ Gabaɔn yòdaʔayi wòolo si i nyɛ togoye sicɛrɛ ní kpɔrigɔ ní kagunɔ.

²⁶ Bɛtilehɛmi, ní Netofa syɛ́ɛnbèle si i nyɛ togoye kpanjɛrɛ ní kɔrɔtaanri.

²⁷ Anatɔti syɛ́ɛnbèle si i nyɛ togoye kɔrɔni ní kɔrɔtaanri.

²⁸ Bɛti-Azimavɛti syɛ́ɛnbèle si i nyɛ togoye siin ní siin.

²⁹ Kiiriyati-Yeyarimi, ní Kefiira, ní Beyerɔti syɛ́ɛnbèle si i nyɛ saala taanri ní togoye kɔrɔsiin ní taanri.

³⁰ Arama, ní Geba syɛ́ɛnbèle si i nyɛ saala taanri ní toko ní nibin.

³¹ Mikimasi syɛ́ɛnbèle si i nyɛ togoye kɔrɔni ní siin.

³² Betɛli, ní Ayi syɛ́ɛnbèle si i nyɛ togoye kɔrɔni ní taanri.

³³ Nebowee syɛ̀ɛnnɛ si i nyɛ togoye siin ní kpɔrigɔ ní siin.

³⁴ Elamiwee yòdaʔaya wòolo si i nyɛ saala kɔrɔni ní togoye siin ní kpɔrigɔ ní sicɛrɛ.

³⁵ Harimi yòdaʔayi wòolo si i nyɛ sirakele ní togoye kɔrɔni.

³⁶ Zyeriko wóbèle si i nyɛ sirakele ní togoye kɔrɔsiin ní kagunɔ.

³⁷ Lɔdi, ní Hadiidi, ní Onɔ wóbèle si i nyɛ saala taanri ní togoye kɔrɔni ní nibin.

³⁸ Senaa wóbèle si i nyɛ selebinnɛ ní saala kpanjɛrɛ ní togoye kɔrɔni ní kpɔrigɔ.

³⁹ Sáriga-wòlobèle be nyɛ bele naa: Yedayeya yòdaʔayi yi lè Zyozuwe kpáagi wòolo, poro maa pye saala sicɛrɛ ní togoye kɔrɔtaanri ní kpɔrigɔ ní taanri.

⁴⁰ Imɛɛri yòdaʔayi wòolo si i nyɛ saala kagunɔ ní togoye siin ní kpɔrigɔ ní siin.

⁴¹ Pasyuri yòdaʔayi wòolo si i nyɛ saala kɔrɔni ní togoye siin ní kɔrɔsiin.

⁴² Harimi yòdaʔayi wòolo si i nyɛ saala kagunɔ ní kpɔrigɔ ní kɔrɔsiin.

⁴³ Levii ye pe lè Zyozuwe, ní Kadimyɛli pìíbèle, pe lè Hodiva yòdaʔayi wòolo, poro maa pye togoye taanri ní kpɔrigɔ ní sicɛrɛ.

⁴⁴ Ŋùuvɔbèle be lè Azafi yòdaʔayi wòolo, poro si i nyɛ togoye kɔrɔsiin ní kɔrɔtaanri.

⁴⁵ Kpàánweegèle kɔ̀rɔsiifɔɔlɔ pe lè Syalumi yòdaʔayi, ní Atɛri yòdaʔayi, ní Talimɔn yòdaʔayi, ní Akubi yòdaʔayi, ní Hatita yòdaʔayi wòolo, n fàra Syobayi yòdaʔayi wòolo na, poro n pye togoye kɔrɔni ní kpɔrigɔ ní kɔrɔtaanri.

⁴⁶ Netinyɛbèle si i nyɛ Siha yòdaʔayi, ní Hasufa yòdaʔayi, ní Tabawɔti yòdaʔayi,

⁴⁷ ní Kerɔsi yòdaʔayi, ní Siya yòdaʔayi, ní Padɔn yòdaʔayi,

⁴⁸ ní Lebana yòdaʔayi, ní Hagaba yòdaʔayi, ní Syamilayi yòdaʔayi,

⁴⁹ ní Hanan yòdaʔayi, ní Gidɛli yòdaʔayi, ní Gahari yòdaʔayi,

⁵⁰ ní Ereyaya yòdaʔayi, ní Eresɛn yòdaʔayi, ní Nekoda yòdaʔayi,

⁵¹ ní Gazami yòdaʔayi, ní Uza yòdaʔayi, ní Paseya yòdaʔayi,

⁵² ní Besayi yòdaʔayi, ní Mehunimi yòdaʔayi, ní Nefusimi yòdaʔayi,

⁵³ ní Bakibuki yòdaʔayi, ní Hakufa yòdaʔayi, ní Harihuri yòdaʔayi,

⁵⁴ ní Basiluti yòdaʔayi, ní Mehida yòdaʔayi, ní Harisya yòdaʔayi,

⁵⁵ ní Barikɔsi yòdaʔayi, ní Sisera yòdaʔayi, ní Tama yòdaʔayi,

⁵⁶ ní Nesiya yòdaʔayi, ní Hatifa yòdaʔayi.

⁵⁷ Salomɔn falipyebèle yòdaʔaya si i nyɛ yee naa: Sotayi yòdaʔayi, ní Soferɛti yòdaʔayi, ní Perida yòdaʔayi,

⁵⁸ ní Yaala yòdaʔayi, ní Darikɔn yòdaʔayi, ní Gidɛli yòdaʔayi,

⁵⁹ ní Syefatya yòdaʔayi, ní Hatiili yòdaʔayi, ní Pokerɛti-Hasebayimi yòdaʔayi n fàra Amɔn yòdaʔayi na.

⁶⁰ Netinyɛbèle, ní Salomɔn falipyebèle yòdaʔaya wòolo nyɔ́ɔ n pye sirakele ní togoye kpanjɛrɛ ní kpɔrigɔ ní siin.

⁶¹ Bele be yìri Tɛli-Mela, ní Tɛli-Harisya, ní Kerubi-Adɔn, ní Imɛɛri ma n pan lè, pe si da gbàn n be narigbaayi, ní be syɛɛnfeleyi cán n wàli í, bi gi tɛ̀ɛn poro i nyɛ Isirayɛli wóbèle pèle í, poro be nyɛ bele naa:

⁶² Delaya yòdaʔayi, ní Tobiya yòdaʔayi, n fàra Nekoda yòdaʔayi na, poro maa pye saala taanri ní togoye siin ní kpɔrigɔ ní siin.

⁶³ Sáriga-wòlobèle yòdaʔaya ni wɔ́ɔgēle: Hobaya yòdaʔayi, ní Hakɔsi yòdaʔayi, n fàra Barizilayi yòdaʔayi na, woro wee wi da Galaadi ye Barizilayi calipilaa láa lè wi cɔɔ̀, pe si i wi yiri bele bee mɛ́ʔɛ na.

⁶⁴ Pe maa be tofɔlɛɛyi mɛ́ɛyɛ sɛ́bɛbéle caa kàjáa pe ga be nyaa í. A pe be córo syɛɛnnɔnʔɔbéle, níì be láʔa sáriga-wòlori fáli na.

⁶⁵ A guvɛrinɛɛriw be pye pe a kɔ́ ra yacandeleri líi í, fwɔɔ bi taa sáriga-wòlowaa í yíbege kpéʔele ní Urimiw, ní Tumiimiw ní.

⁶⁶ Syɛɛnkpoʔolomi myɛ bìnɛw nyɔ́ɔ n pye syɛ̀ɛnnɛ sirakamayɛ siin ní selebinnɛ, ní sirakele ní togoye kɔrɔtaanri.

⁶⁷ Pe pulonǎnbèle, ní be pulocebèle da córo be ni í. Poro nyɔ́ɔgi maa pye selebingéle taanri ní saala kɔrɔni ní togoye kɔrɔni ní kpɔrigɔ ní kɔrɔsiin. Ŋùuvɔ-nànbēle, ní ŋùuvɔ-càbala sirakele ní togoye siin ní kagunɔ maa pye bele bee ni.

⁶⁸ Syɔɔnyɔ saala taanri ní togoye kɔrɔni ní kpɔrigɔ ní kɔrɔni maa pye be ma, ní jòfanikàriya sirakele ní togoye siin ní kagunɔ, ní fàlibaaya saala siin ní toko ní kpɔrigɔ ní kagunɔ, ní jòfanibēle selebingéle taanri ní saala taanri ní togoye kɔrɔni,

⁶⁹ á narigbaayi kùndigibèle pèle saʔa yakaanya kaan fáliw kéele na. Guvɛrinɛɛriw maa tɛɛ̀ támabéle saala kagunɔ kaan, n fàra nyari-nyarili pɛ́ɛgéle togoye siin ní kpɔrigɔ, ní sáriga-wòlo-búroyo saala siin ní togoye kɔrɔni ní kpɔrigɔ na,

⁷⁰ á narigbaayi kùndigibéle yakaanya si pye tɛɛ̀ támabéle sirakama, ní wálifiio cúlobéle saala kagunɔ ní dabata,

⁷¹ á syɛɛnsanbèle kaan tɛɛ̀ támabéle sirakama, ní wálifiio cúlobéle saala kagunɔ, ní sáriga-wòlo-búroyo togoye taanri ní kɔrɔsiin.

⁷² A sáriga-wòlobèle, ní Levii ye, ní kpàánweegèle kɔ̀rɔsiifɔɔlɔ, ní ŋùuvɔbèle, ní syɛɛnfelegi wóbèle pèle, ní Netinyɛbèle, ní Isirayɛli ye myɛw sáà tɛ́ɛn be kěyi ni.