Nehemii 12 - Cebaara Bible 2010

Sáriga-wòlobèle ní Levii ye córomi

¹ Sáriga-wòlobèle bele ní Levii ye be lúru n pan ní Syeyalityɛli jáaw Zorobabɛli, ní Zyozuwe ní lè, poro be nyɛ bele naa: Seraya, ní Zyeremii, ní Ɛsidirasi,

² ní Amariya, ní Maluki, ní Hatusyi,

³ ní Syekanya, ní Erehumi, ní Meremɔti,

⁴ ní Ido, ní Ginetoyi, ní Abiya,

⁵ ní Miyamɛ, ni Maadya, ní Biiliga,

⁶ ní Syemayeya, n fàra Yoyaribi, ní Yedayeya,

⁷ ní Salu, ní Amɔki, ní Hilikiya, ní Yedayeya na. Poro be pye sáriga-wòlobèle kàfɔɔlɔ, ní be senyɛnbèle ní, Zyozuwe lǎli ni.

⁸ Levii ye si be nyɛ bele naa: Zyozuwe, ní Binuyi, ní Kadimyɛli, ní Syerebya, ní Zyuda, ní Matanya, ní wi senyɛnbèle ní, poro pe da ni sòololi ŋúnugo yɛ́ʔɛ kínigi.

⁹ Pe senyɛnbèle pe lè Bakibukiya, ní Unii, poro maa ni yèré pe zǐnmi na, ni fáliw kpéʔele.

¹⁰ Zyozuwe wi Yoyakimi see, á Yoyakimi Eliyasyibi see, á Eliyasyibi Yoyada see,

¹¹ á Yoyada Zyonatan see, á Zyonatan Yaduwa see.

¹² Bele be pye lè sáriga-wòlobèle Yoyakimi lǎli ni, ní i nyɛ narigbaaya kundigibéle poro be nyɛ bele naa: Seraya wów wi pye Meraya, Zyeremii wów si i nyɛ Hananya,

¹³ Ɛsidirasi wów si i nyɛ Mesyulami, Amariya wów si i nyɛ Yohanan,

¹⁴ Maluki wów si i nyɛ Zyonatan, Syebanya wów si i nyɛ Zyozɛfu,

¹⁵ Harimi wów si i nyɛ Adina, Merayɔti wów si i nyɛ Helikayi,

¹⁶ Ido wów si i nyɛ Zakarii, Ginetɔn wów si i nyɛ Mesyulami.

¹⁷ Abiya wów si i nyɛ Zikirii, Mɛnyamɛ wów, ní Mowadya wów si i nyɛ Pilitayi,

¹⁸ Biiliga wów si i nyɛ Syamuwa, Syemayeya wów si i nyɛ Zyonatan.

¹⁹ Yoyaribi wów si i nyɛ Matinayi, Yedayeya wów si i nyɛ Uzii,

²⁰ Salayi wów si i nyɛ Kalayi, Amɔki wów si i nyɛ Ebɛɛri,

²¹ Hilikiya wów si i nyɛ Hasyabya, Yedaya wów si i nyɛ Netaneyɛli.

²² Eliyasyibi, ní Yoyada, ní Yohanan, ní Yaduwa lǎli ni pe Levii ye narigbaayi kùndigibéle ní sáriga-wòlobèle sɛ́bɛ Pɛrisi ye Dariyusi fǎngi làla ni.

²³ Levii yòdaʔayi wòolo be pye lè narigbaaya kundigibéle, poro n sɛ́bɛ fǎngi kèlē sɛ́bɛ ni, fwɔɔ n sáà nan Yohanan lǎli na wi lè Eliyasyibi jáaw.

²⁴ Levii ye kùndigibèle be pye lè Hasyabya, ní Syerebya, ní Zyozuwe wi lè Kadimyɛli jáaw, ní be senyɛnbèle, poro má ki da kaan paa yèré bele zìnmɛ na, bàā Yawe sòoló sáā wi kpɔ̀ʔɔrɔ́ kabiya kabiya bi yɛlɛ ní gee ní Kolocɔlɔɔ syɔ́ɔnw Davidi da joo n gbàn lè.

²⁵ Matanya, ní Bakibukiya, ní Abidyasi, ní Mesyulami, ní Talimɔn, ní Akubi be pye lè kpàánweegèle kɔ̀rɔsiifɔɔlɔ, poro maa ni yatɛʔɛ-kpáayi kpáa wéle, kpàánweegèle taana.

²⁶ Pe n pye beè Yoyakimi lǎli ni, wi pye lè Zyozuwe jáaw, Zyozuwe wi lè Yosadaki jáaw, n wɔ́ɔ̀ pye beè Nehemii lǎli ni, wi lè guvɛrinɛɛriw, ní sáriga-wòlow Ɛsidirasi lǎli ni, wi lè sɛ́bɛkanw.

Nehemii n kíni tǒw kàlifaala yɛ́ʔɛ na

²⁷ Zyerusalɛmi tǒw kàlifaala lala ni, pe maa kári n sáà Levii ye caa tɛ́ɛyi myɛ ni pe da pye lè wodɛ́ɛnbéle ní, n pan ní be ní Zyerusalɛmi ma, koro ga pye pe ba tǒw kàlifaala séri kpéʔele fundaanra na, ní sòololi, ní ŋúnuyi ní, yee yi a ra ŋúu lè ní kanyɛɛnri kadaforo yáriya, ní dǎngbogèle ní n fàra kɔ̀ríbèle na.

²⁸ A ŋùuvɔbèle jàala peyɛɛ gbóʔoro n yìri yaà kěyi ma, yi Zyerusalɛmi màʔa lè, ní Netofa ye kěyi ma,

²⁹ ní Bɛti-Giiligali ni, ní Geba, ní Azimavɛti sìnbiriyi ma. Níì cán ŋùuvɔbèle maa kèye faan peyɛɛ wóyo n Zyerusalɛmi màʔa.

³⁰ A sáriga-wòlobèle ní Levii ye peyɛɛ jéemununi fáli kpéʔele, ní wɔ́ɔ̀ syɛ́ɛnbèle, ní kpàánweegèle, ní tǒw jéemununɔ fáli kpéʔele.

³¹ A mii Zyuda kùndigibèle lúrugo tǒw na, níì be tíla ŋùuvɔɔlɔ kabigboloyo siin. Wozeligi maa ni táanri ni syée kàliige kabangi na tǒw na, Kábogi kpàánweele kabaan na.

³² Bele pe da ni syée poro kurugo lè, poro be pye Hosyaya, ní Zyuda kùndigibèle tíla ní.

³³ Ní Azariya, ní Ɛsidirasi, ní Mesyulami.

³⁴ Ní Zyuda, ní Bɛnzyamɛ, ní Syemayeya, ní Zyeremii,

³⁵ ní sáriga-wòlobèle jàala ní, poro bele má búruwiibēle da pye lè, ní Zakarii wi lè Zyonatan jáaw, Zyonatan wi lè Syemayeya jáaw, Syemayeya wi lè Matanya jáaw, Matanya wi lè Mika jáaw, Mika wi lè Zakuuri jáaw, Zakuuri wi lè Azafi jáaw.

³⁶ Zakarii senyɛnbèle be lè Syemayeya, ní Azareyɛli, ní Milalayi, ní Gilalayi, ní Maayi, ní Netaneyɛli, ní Zyuda, ní Hananii, poro maa wɔ́ɔ̀ kári ní Kolocɔlɔɔ syɔ́ɔnw Davidi yatingbumɔɔnri ní. Sɛ́bɛkanw Ɛsidirasi wi da pye be yɛ́ɛgi na.

³⁷ Pùnweeli kpàánweele tɛ́ʔɛ ni be lúgu ni syée peyɛɛ zìnmɛ na. Pe n lúgu yaà Davidi kěgi tɛɛ̀lúgugéle na, tǒw tɛɛ̀lúgugo ni, Davidi kpáagi ǹjoʔo ni, fwɔɔ n sáà nan Lǒgi kpàánweele na, canʔafolomɔ ma.

³⁸ Ŋùuvɔbèle kabisiin wóʔo maa ni syée kàmɔnɔ kabangi na. Mii maa pye be kurugo ní syɛ́ɛnbèle tílawee ní tǒw na, n séli Fúrubèle kpaataʔa-tɔ́nɔgɔ na fwɔɔ n sáà nan tògbɔɔw na,

³⁹ ní Efirayimi kpàánweeli ǹjoʔo ni, ní Kpàánweelɛɛli na, ní Fábèle kpàánweele na, ní Hananeyɛli kpaataʔa-tɔ́nɔgi na, ni Dabataw kpaataʔa-tɔ́nɔgɔ na fwɔɔ n sáà nan Bǎbèle kpàánweele na. A wo sáà yére Gáridibèle kpàánweele na.

⁴⁰ A ŋùuvɔbèle kabiya siin sáà yére Kolocɔlɔɔ kpáagi ni, ní mii tiimaa ní n fàra kútiijoobèle na pe da pye ní mii ní lè,

⁴¹ ní sáriga-wòlobèle be lè Eliyakimi, ní Maaseya, ní Mɛnyamɛ, ní Mika, ní Eliyoyenayi, ní Zakarii, ní Hananya, búruwiibēle si i nyɛ be ma,

⁴² ní Maaseya, ní Syemayeya, ní Eleyazari, ní Uzii, ní Yohanan, ní Malikiya, ní Elami, ní Ezɛɛri. A ŋùuvɔbèle i ŋúu gbanʔama, Yiziraya si i nyɛ be yɛ́ɛgi na.

⁴³ A syɛ́ɛnbèle sáriganɛʔɛɔ wòlo cángi bee, ní tɔ̀nɔ́ i fundaanra kpéʔele, níì cán Kolocɔlɔɔ maa fundaangbɔɔrɔ kéele pye be ma. A cébèle ní pìíbèle wɔ́ɔ i fundaanra kpéʔele, a pe i Zyerusalɛmi fundaanri yákpowáara lúro tɛɛ̀leelige ni.

Lɛɛgèle ge yaʔa sáriga-wòlobèle ní Levii ye ma lè

⁴⁴ Cángi bee na pe nǎnbèle pèle télege kpaafunyi kpaàwelere fáli na yi pye lè yatɛʔɛri kéele na ti lè sáriga-yirigew, ní yaliiseliri, ni yáʔaw, á gi wɔ́ɔ̀ kaan be ma paa sáriga-wòlobèle, ní Levii ye lɛɛgèle syoo tásaligi kèye ni bàā kaangi be ma àmɛɛ làlwaw gi joo n ceri lè. Níì cán Zyuda maa ni fundaanra kpéʔele àmɛɛ sáriga-wòlobèle ní Levii ye baa tɛ́ɛn be fáliw na lè.

⁴⁵ A pe i be Kolocɔlɔw fáli, ní jéemununi fáli kpéʔele. Ŋùuvɔbèle, ní kpàánweegèle kɔ̀rɔsiifɔɔlɔ maa wɔ́ɔ ni pe wów kpéʔele ni yɛlɛgi ní gi ní, gee fànʔafɔw Davidi ní wi jáaw Salomɔn da joo n gbàn lè.

⁴⁶ Níì cán nlaa yaà booma ni, Davidi, ní Azafi lǎli ni, ŋùuvɔbèle kùndigibéle maa pye yaà, a sòololi, ní bariga kaanni ŋúnuyo wɔ́ɔ pye yaà Kolocɔlɔɔ kpɔ̀ʔɔrɔli kéele na.

⁴⁷ Zorobabɛli lǎli ni, ní Nehemii lǎli ni, Isirayɛli ye myɛw maa ni ŋùuvɔbèle, ní kpàánweegèle kɔ̀rɔsiifɔɔlɔ lɛɛgéle kaangi be ma ni yɛlɛgi ní be canʔa o canʔa wóri ní. A be wɔ́ɔ i Levii ye lɛɛgèle wóo ni yaari kɔlɔ̀ na, á Levii ye si i Aarɔn jáabèle lɛɛgéle wóo ni yaari kɔlɔ̀ na.