Nehemii 11 - Cebaara Bible 2010

Zyefubèle be pan n ní baa pye Zyerusalɛmi ni lè poro córomi

¹ A syɛ́ɛnbèle kùndigibéle tɛ́ɛn Zyerusalɛmi ni, á syɛɛnsanbèle gɔ̌nw wáa bi syɛ̀ɛnnɛ nibin nibin wòlo kɛɛ-gɛɛw ni, poro í pan ba tɛ́ɛn Zyerusalɛmi ni, ki lè kècǎngi, wozanbèle kpanjɛrɛ-jɛrɛ si sa tɛ́ɛn kěyee wozanya ni.

² Bele myɛ be fɔ̀lɔ gi na peyɛɛ ma lè bi ba tɛ́ɛn Zyerusalɛmi ni, a syɛ́ɛnbèle dùba kpéʔele bele bee ma.

³ Tári kùndigibéle pe baa tɛ́ɛn Zyerusalɛmi ni lè, poro be nyɛ bele naa. Pe myɛ nibin nibin n sáà tɛ́ɛn Zyuda kěyi ni, be tálɛɛgéle ni, be kèye ni, gee bee n jo Isirayɛli ye, ní sáriga-wòlobèle, ní Levii ye, ní Netinyɛbèle, ní Salomɔn falipyebèle yòdaʔaya.

⁴ Zyuda yòdaʔayi wóbèle pèle, ní Bɛnzyamɛ yòdaʔayi wóbèle pèle maa tɛ́ɛn Zyerusalɛmi ni. Zyuda yòdaʔayi wòolo be pye: Ataya, wi lè Ozyasi jáaw, Ozyasi wi lè Zakarii jáaw, Zakarii wi lè Amariya jáaw, Amariya wi lè Syefatya jáaw, Syefatya wi lè Mahalaleyɛli jáaw, pe lè Perɛsi yòdaʔayi.

⁵ Ní Maaseya, wi lè Baruki jáaw, Baruki wi lè Kɔli-Hoze jáaw, Kɔli-Hoze wi lè Hazaya jáaw, Hazaya wi lè Adaya jáaw, Adaya wi lè Yoyaribi jáaw, Yoyaribi wi lè Zakarii jáaw, Zakarii wi lè Syilonii jáaw.

⁶ Perɛsi yòdaʔayi wòolo be tɛ́ɛn Zyerusalɛmi ni lè, a poro nyɔ́ɔgi pye sànbalipɔɔlɔ saala siin ní togoye taanri ní kɔrɔtaanri.

⁷ Bɛnzyamɛ yòdaʔayi wòolo be pye bele naa: Salu, wi lè Mesyulami jáaw, Mesyulami wi lè Yowedi jáaw, Yowedi wi lè Pedaya jáaw, Pedaya wi lè Kolaya jáaw, Kolaya wi lè Maaseya jáaw, Maaseya wi lè Ityɛli jáaw, Ityɛli wi lè Ezayi jáaw,

⁸ wi taʔara wóbèle be pye, Gabayi, ní Salayi, a poro pye saala sicɛrɛ ní togoye kɔrɔni ní kɔrɔtaanri.

⁹ Zyowɛli wi lè Zikirii jáaw, woro wi da ni be kàragí, Zyuda wi lè Senuwa jáaw, woro wi da pye wi taʔara wów kěgi ni.

¹⁰ Sáriga-wòlobèle wòolo be pye: Yedayeya wi lè Yoyaribi jáaw, ní Yakɛn,

¹¹ ní Seraya wi lè Hilikiya jáaw, Hilikiya wi lè Mesyulami jáaw, Mesyulami wi lè Sadɔki jáaw, Sadɔki wi lè Merayɔti jáaw, Merayɔti wi lè Ahitubi jáaw, Ahitubi wi lè Kolocɔlɔɔ kpáagi kùndigi.

¹² Pe senyɛnbèle si pe da ni Kolocɔlɔɔ kpáagi fáli kpéʔele lè, pe nyɔ́ɔgi maa pye saala sicɛrɛ ní toko ní siin. Adaya wi lè Yerohami jáaw, Yerohami wi lè Pelaliya jáaw, Pelaliya wi lè Amisii jáaw, Amisii wi lè Zakarii jáaw, Zakarii wi lè Pasyuri jáaw, Pasyuri wi lè Malikiya jáaw.

¹³ Wi senyɛnbèle be lè narigbaayi kùndigibéle, poro maa pye sirakele ní togoye siin ní siin, ní Amasyayi wi lè Azareyɛli jáaw, Azareyɛli wi lè, Azayi jáaw, Azayi wi lè Mesyilemɔti jáaw, Mesyilemɔti wi lè Imɛɛri jáaw,

¹⁴ pe senyɛnbèle si be pye lè báriga nànbēle, pe n pye togoye kɔrɔni ní kɔrɔtaanri. Zabidyɛli wi lè Gedolimi jáaw, woro wi pye be kàrigafɔw.

¹⁵ Levii wóbèle be pye: Syemayeya wi lè Hasyubi jáaw, Hasyubi wi lè Azirikami jáaw, Azirikami wi lè Hasyabya jáaw, Hasyabya wi lè Bunii jáaw.

¹⁶ Syabetayi, ní Yozabadi be pye lè Levii ye kùndigibèle pèle, poro má Kolocɔlɔɔ kpáagi kàfugo má kèlē da kàlifáa.

¹⁷ Matanya wi lè Mika jáaw, Mika wi lè Zabidii jáaw, Zabidii wi lè Azafi jáaw, sòololi ŋúnuyo yɛɛ̀kinio wi pye, wi maa ni sòololi sélegi ní nyɛ́ɛrigi ní, Bakibukiya wi da pye wi senyɛnbèle ni wi taʔara wów, n fàra Abida na, wi lè Syamuwa jáaw, Syamuwa wi lè Galali jáaw, Galali wi lè Yedutun jáaw.

¹⁸ Levii ye be pye lè kècǎngi ni, pe nyɔ́ɔgi maa pye sirakele ní togoye sicɛrɛ ní sicɛrɛ.

¹⁹ Kpàánweegèle kɔ̀rɔsiifɔɔlɔ be nyɛ Akubi, ní Talimɔn, ní be senyɛnbèle be pye lè kpàánweegèle kɔ̀rɔsiifɔbèle pèle, pe n pye togoye kɔrɔtaanri ní kpɔrigɔ ní siin.

²⁰ Gee si gi Isirayɛli ye, ní sáriga-wòlobèle, ní Levii ye wozanbèle kéele kwɔ́ɔ lè, poro maa sáà tɛ́ɛn Zyuda kěyi myɛ ni, pe myɛ nibin nibin be kɔriyɔ ni.

²¹ Netinyɛbèle maa sáà tɛ́ɛn Ofɛli ni. Siha ní Gisyipa be pye be kùndigibèle.

²² Levii ye be pye lè Zyerusalɛmi ni, pe kàrigafɔw wi pye Uzii wi lè Banii jáaw, Banii wi lè Hasyabya jáaw, Hasyabya wi lè Matanya jáaw, Matanya wi lè Mika jáaw. Azafi jáabèle be pye lè ŋùuvɔbèle, Kolocɔlɔɔ kpáagi fáli ni, poro wàa wi pye.

²³ Níì cán fànʔafɔw maa yarigaa joo n ceri ŋùuvɔbèle kéele na, ní gee gi yɛlɛ paa kpéʔele lè canʔa o canʔa.

²⁴ Petahiya wi lè Mesyezabeyɛli jáaw, Zera jáabèle ni, wi lè Zyuda jáaw, woro n pye kakarigaɔ fànʔafɔw ma, syɛ́ɛnbèle kèlē myɛ ni.

Zyefubèle pe lè pe o nyɛ wodɛ́ɛnbéle ní Zyerusalɛmi ni í

²⁵ Kěyi, ní yi taana sìnbiriyi ni, Zyuda yòdaʔayi wóbèle pèle maa sáà tɛ́ɛn Kiiriyati-Ariba, ní gi tɛ́nɛmi kèye ni, ní Dibɔn, ní gi tɛ́nɛmi kèye ni, ní Yekabiseyɛli, ní gi tɛ́nɛmi kèye,

²⁶ ní Yesyuwa, ní Molada, ní Bɛti-Palɛti,

²⁷ ní Hasari-Syuwali, ní Bɛɛri-Syeba, ní gi tɛ́nɛmi kèye ni,

²⁸ ní Sikilagi, ní Mekona, ní gi tɛ́nɛmi kèye ni,

²⁹ ní Ɛn-Irimɔn, ní Sora, ní Yarimuti ni,

³⁰ ní Zanowa, ní Adulami, ní yi kěyi ni, ní Lakiisyi, ní gi sìnbirigi ni, ní Azeka, ní gi tɛ́nɛmi kèye ni. A be tɛ́ɛn yaà beè n séli Bɛɛri-Syeba na fwɔɔ n sáà nan Hinɔmi jǐnlɔgi na.

³¹ A Bɛnzyamɛ yòdaʔayi wòolo tɛ́ɛn n séli yaà Geba na fwɔɔ n sáà nan Mikimasyi, ní Aya, ní Betɛli, ní gi tɛ́nɛmi kèye na,

³² ní Anatɔti, ní Nɔbi, ní Hananya,

³³ ní Hasɔɔri, ní Arama, ní Gitayimi,

³⁴ ní Hadiidi, ní Seboyimi, ní Nebalati,

³⁵ ní Lɔdi, ní Onɔ ní n fàra yáriri sámagafɔɔlɔ jǐnlɔgɔ na.

³⁶ A Levii ye kabiyaa yiri Zyuda ni n sáà tɛ́ɛn ní Bɛnzyamɛ ye ní.