Ezayi 4 - Cebaara Bible 2010

¹ Càbala kɔrɔsiin a nàɔn nibin cò cángi bee na si wi pye: «Wolo a ra wolo lìíli caa woyɛɛ ma, si wɔ́ɔ ra wolo buroleyi caa woyɛɛ ma. Ki yaʔa mɔ mɛ́ɛgi í tɛ́nɛ taʔa wolo na! Wolo fɛ̀ɛ́ri láʔa wolo na!»

Zyerusalɛmi wogorobèle kéele

² Cángi bee na Yawe fíingi a tɔ̀nɔ́ ba pye darigala ní nìjanra, tári yasanra a ba pye kpɔɔmɔ, ní fèrere Isirayɛli wogorobèle ma.

³ Bele pe ga kòro Siyɔn ni lè, n pye sìi na Zyerusalɛmi ni, pe a ra be yiri wojanbèle, poro bele myɛ mɛ́ɛyɛ yi a sɛ́bɛ sìíw kánma na lè Zyerusalɛmi ni.

⁴ Koro a pye lǎli ni Yawe ga kútiisinw káfalaga, ní kálagili káfalaga tɛ́ʔɛ n Siyɔn calipiigèle jée lè n yanɔnʔɔri láʔa ge na, níì Zyerusalɛmi sámaga n nyɔɔ n gi syɛɛnkpoori sìsyaan yirige gi ni.

⁵ Cángi làla ni Yawe a fàfanʔa, ní wírige sámaga Siyɔn nyanbelegi myɛ ǹjoʔo ni, ní gi syɛɛnkpoʔolomi myɛ ǹjoʔo ni. Yébiligi làla ni, ki a pye naanyìnge gbɛ̀ɛnmɛ ki ǹjogi ni. Níì cán yatɔngɔ a pye nìjanri bee myɛ na.

⁶ Ki a pye yatɔngɔ bàā nyínmɛ légi cángi làla káfugo kéele na, bi pye tɛɛlaraga, ní yatɔngɔ káfalakpɔɔgi, ní zěgi kánma na.