Córolo 7 - Cebaara Bible 2010

Tugolaa-wòtorobèle kaanna tɛɛcǎngi fáli kéele na

¹ Lǎli ni Mowizi kwɔ́ɔ lè kpɔ̀ʔɔrɔli fànikpaʔa kórilo na, a wi sǐnmi wo gi na n gi yaʔa kɔlɔ̀ na Kolocɔlɔɔ ma, n fàra gi yayigeleri myɛ na, ní sáriga-wòlo-yafaangi, ní gi yayigeleri myɛ ní. A wi sǐnmi wo di na n di yaʔa kɔlɔ̀ na Kolocɔlɔɔ ma.

² Lǎli bee ni Isirayɛli kùndigibèle be pye lè narigbaayi nyúnyo na, kùndigibèle bee be pye lè córomi yɛ́ʔɛ na, a poro pan ní be yakaanyi ní.

³ Pe n pan ní be yakaanri ní Yawe yɛ́ʔɛ ma, yi n pye wòtorotɔnbéle kɔrɔni, ní náapɛʔɛlɛ kɛɛ ní siin, a gi pye kùndigibéle siin wòtoro nibin, ní náapɛɛlɛ nibin, kùndigi nibin. A be pan ní dee bee ní fànikpaagi yɛ́ʔɛ ma.

⁴ A Yawe gi joo Mowizi ma níì jo:

⁵ «Ki n yɛlɛ mi yakaanyi bee syɔɔ be ma koro ga pye yaa syɛ́ɛnmi tɛɛfaraga fànikpaʔa fáli kpéʔele. Mɔ a di kaan Levii ye ma bi yɛlɛ ní pe myɛ nibin nibin fáli ní.»

⁶ A Mowizi wòtorobèle ní náapegèle syɔɔ n kaan Levii ye ma.

⁷ Wi maa wòtorobéle siin ní náapɛʔɛlɛ sicɛrɛ kaan Gerisyɔn yòdaʔayi ma n yɛlɛ ní be fáliw ní.

⁸ Níì wòtorobéle sicɛrɛ ní náapɛʔɛlɛ kɔrɔtaanri kaan Merarii yòdaʔayi ma n yɛlɛ ní be fáliw ní. Aarɔn wi lè sáriga-wòlow, woro jáaw Itamari si i nyɛ pe yɛ́ɛgi na.

⁹ Kàjáa wi ga di tàa kaan Kehati yòdaʔayi ma í, níì cán poro má pe da yacanri fáli kaan. Pe fókaannyunyi na pe yɛlɛ paa di tugu.

Sáriga-wòlo-yafaangi yakaanra

¹⁰ Sáriga-wòlo-yafaangi kàlifaala canʔa na, gee ni be sǐnmi wo gi na lè, a kùndigibèle pan ní yakaanya ní. Kùndigibèle n pan ní be yakaanyi ní n baa tɛ́ʔɛ sáriga-wòlo-yafaangi yɛ́ʔɛ ma.

¹¹ A Yawe Mowizi pye: «Kùndigibèle a ra maa nibin nibin, wàa ní wi canʔa, ní be yakaanyi ní sáriga-wòlo-yafaangi kàlifaala kéele na.»

¹² Syɔ́ɔnwee wi wi yakaangi kaan lè cânzeligi na, woro wi pye Aminadabi jáaw Nasyɔn wi lè Zyuda syɛɛnfelegi wóo.

¹³ Wi yakaangi maa pye wálifiio tásaʔa nibin, gee líbeganma bi pye lè gíramibéle saala kɔrɔni ní dabata, ní wálifiio yalele nibin, lee líbeganma bi pye lè gíramibéle saala taanri ní dabata, tɛɛcǎngi wáli nyɔ́ɔ na. Yi myɛ siinw maa nyìn míivɔɔnimɔ na, bee ni be sìnmɛ nyáʔami lè, míimɛ yakanʔa gii,

¹⁴ ní tɛɛ̀ yagbaala nibin, lee líbeganma bi pye lè gíramibéle dabata, á li nyìn nùndaanna yáriga na,

¹⁵ ní náapebile nibin, ní bàpɔlɔ nibin, ní yɛɛlɛ nibin bàpɔbile nibin, toro í pye sáriga-sórigoo,

¹⁶ ní sikepɔlɔ nibin, woro í pye kapeeli kùsulugo sáriga.

¹⁷ Pínɛnyɛnnɛgi sáriga si i nyɛ: Náapɛʔɛlɛ siin, ní bàpɔɔlɔ kagunɔ, ní sikepɔɔlɔ kagunɔ, ní yɛ̀ʔɛlɛ nibin nibin bàpɔbiigéle kagunɔ. Koro gi pye Nasyɔn yakaangi, wi lè Aminadabi jáaw.

¹⁸ Canziin wógi na, Suwari jáaw Netaneyɛli wi lè Isakari yòdaʔayi kùndigi, a woro baa wi yakaangi kaan.

¹⁹ Wi yakaangi maa pye wálifiio tásaʔa nibin, gee líbeganma bi pye lè gíramibéle saala kɔrɔni ní dabata, ní wálifiio yalele nibin, lee líbeganma bi pye lè gíramibéle saala taanri ní dabata, tɛɛcǎngi wáli nyɔ́ɔ na. Yi myɛ siinw maa nyìn míivɔɔnimɔ na, bee ni be sìnmɛ nyáʔami lè, míimɛ yakanʔa gii,

²⁰ ní tɛɛ̀ yagbaala nibin, lee líbeganma bi pye lè gíramibéle dabata, á li nyìn nùndaanna yariga na,

²¹ ní náapebile nibin, ní bàpɔlɔ nibin, ní yɛɛlɛ nibin bàpɔbile nibin, toro í pye sáriga-sórigoo,

²² ní sikepɔlɔ nibin, woro í pye kapeeli kùsulugo sáriga.

²³ Pínɛnyɛnnɛgi sáriga si i nyɛ : Náapɛʔɛlɛ siin, ní bàpɔɔlɔ kagunɔ, ní sikepɔɔlɔ kagunɔ, ní yɛ̀ʔɛlɛ nibin nibin bàpɔbiigéle kagunɔ. Koro gi pye Netaneyɛli yakaangi, wi lè Suwari jáaw.

²⁴ Candaanri wógi na, Helɔn jáaw Eliyabi wi lè Zabulɔn yòdaʔayi kùndigi, a woro baa wi yakaangi kaan.

²⁵ Wi yakaangi maa pye wálifiio tásaʔa nibin, gee líbeganma bi pye lè gíramibéle saala kɔrɔni ní dabata, ní wálifiio yalele nibin, lee líbeganma bi pye lè gíramibéle saala taanri ní dabata, tɛɛcǎngi wáli nyɔ́ɔ na. Yi myɛ siinw maa nyìn míivɔɔnimɔ na, bee ni be sìnmɛ nyáʔami lè, míimɛ yakanʔa gii,

²⁶ ní tɛɛ̀ yagbaala nibin, lee líbeganma bi pye lè gíramibéle dabata, á li nyìn nùndaanna yáriga na,

²⁷ ní náapebile nibin, ní bàpɔlɔ nibin, ní yɛɛlɛ nibin bàpɔbile nibin, toro í pye sáriga-sórigoo,

²⁸ ní sikepɔlɔ nibin, woro í pye kapeeli kùsulugo sáriga.

²⁹ Pínɛnyɛnnɛgi sáriga si i nyɛ : Náapɛʔɛlɛ siin, ní bàpɔɔlɔ kagunɔ, ní sikepɔɔlɔ kagunɔ, ní yɛ̀ʔɛlɛ nibin nibin bàpɔbiigéle kagunɔ. Koro gi pye Eliyabi yakaangi, wi lè Helɔn jáaw.

³⁰ Canya sicɛrɛ wógi na, Syedewuri jáaw Elisuri wi lè Wurubɛn yòdaʔayi kùndigi, a woro baa wi yakaangi kaan.

³¹ Wi yakaangi maa pye wálifiio tásaʔa nibin, gee líbeganma bi pye lè gíramibéle saala kɔrɔni ní dabata, ní wálifiio yalele nibin, lee líbeganma bi pye lè gíramibéle saala taanri ní dabata, tɛɛcǎngi wáli nyɔ́ɔ na. Yi myɛ siinw maa nyìn míivɔɔnimɔ na, bee ni be sìnmɛ nyáʔami lè, míimɛ yakanʔa gii,

³² ní tɛɛ̀ yagbaala nibin, lee líbeganma bi pye lè gíramibéle dabata, á li nyìn nùndaanna yáriga na,

³³ ní náapebile nibin, ní bàpɔlɔ nibin, ní yɛɛlɛ nibin bàpɔbile nibin, toro í pye sáriga-sórigoo,

³⁴ ní sikepɔlɔ nibin, woro í pye kapeeli kùsulugo sáriga.

³⁵ Pínɛnyɛnnɛgi sáriga si i nyɛ : Náapɛʔɛlɛ siin, ní bàpɔɔlɔ kagunɔ, ní sikepɔɔlɔ kagunɔ, ní yɛ̀ʔɛlɛ nibin nibin bàpɔbiigéle kagunɔ. Koro gi pye Elisuri yakaangi, wi lè Syedewuri jáaw.

³⁶ Canya kagunɔ wógi na, Surisyadayi jáaw Syelumyɛli wi lè Simeyɔn yòdaʔayi kùndigi, a woro baa wi yakaangi kaan.

³⁷ Wi yakaangi maa pye wálifiio tásaʔa nibin, gee líbeganma bi pye lè gíramibéle saala kɔrɔni ní dabata, ní wálifiio yalele nibin, lee líbeganma bi pye lè gíramibéle saala taanri ní dabata, tɛɛcǎngi wáli nyɔ́ɔ na. Yi myɛ siinw maa nyìn míivɔɔnimɔ na, bee ni be sìnmɛ nyáʔami lè, míimɛ yakanʔa gii,

³⁸ ní tɛɛ̀ yagbaala nibin, lee líbeganma bi pye lè gíramibéle dabata, á li nyìn nùndaanna yáriga na,

³⁹ ní náapebile nibin, ní bàpɔlɔ nibin, ní yɛɛlɛ nibin bàpɔbile nibin, toro í pye sáriga-sórigoo,

⁴⁰ ní sikepɔlɔ nibin, woro í pye kapeeli kùsulugo sáriga.

⁴¹ Pínɛnyɛnnɛgi sáriga si i nyɛ : Náapɛʔɛlɛ siin, ní bàpɔɔlɔ kagunɔ, ní sikepɔɔlɔ kagunɔ, ní yɛ̀ʔɛlɛ nibin nibin bàpɔbiigéle kagunɔ. Koro gi pye Syelumyɛli yakaangi, wi lè Surisyadayi jáaw.

⁴² Canya kɔrɔni wógi na, Dewuyɛli jáaw Eliyazafi wi lè Gadi yòdaʔayi kùndigi, a woro baa wi yakaangi kaan.

⁴³ Wi yakaangi maa pye wálifiio tásaʔa nibin, gee líbeganma bi pye lè gíramibéle saala kɔrɔni ní dabata, ní wálifiio yalele nibin, lee líbeganma bi pye lè gíramibéle saala taanri ní dabata, tɛɛcǎngi wáli nyɔ́ɔ na. Yi myɛ siinw maa nyìn míivɔɔnimɔ na, bee ni be sìnmɛ nyáʔami lè, míimɛ yakanʔa gii

⁴⁴ ní tɛɛ̀ yagbaala nibin, lee líbeganma bi pye lè gíramibéle dabata, á li nyìn nùndaanna yáriga na,

⁴⁵ ní náapebile nibin, ní bàpɔlɔ nibin, ní yɛɛlɛ nibin bàpɔbile nibin, toro í pye sáriga sórigoo,

⁴⁶ ní sikepɔlɔ nibin, woro í pye kapeeli kùsulugo sáriga.

⁴⁷ Pínɛnyɛnnɛgi sáriga si i nyɛ : Náapɛʔɛlɛ siin, ní bàpɔɔlɔ kagunɔ, ní sikepɔɔlɔ kagunɔ, ní yɛ̀ʔɛlɛ nibin nibin bàpɔbiigéle kagunɔ. Koro gi pye Eliyazafi yakaangi, wi lè Dewuyɛli jáaw.

⁴⁸ Canya kɔrɔsiin wógi na, Amihudi jáaw Elisyama wi lè Efirayimi yòdaʔayi kùndigi, a woro baa wi yakaangi kaan.

⁴⁹ Wi yakaangi maa pye wálifiio tásaʔa nibin, gee líbeganma bi pye lè gíramibéle saala kɔrɔni ní dabata, ní wálifiio yalele nibin, lee líbeganma bi pye lè gíramibéle saala taanri ní dabata, tɛɛcǎngi wáli nyɔ́ɔ na. Yi myɛ siinw maa nyìn míivɔɔnimɔ na, bee ni be sìnmɛ nyáʔami lè, míimɛ yakanʔa gii,

⁵⁰ ní tɛɛ̀ yagbaala nibin, lee líbeganma bi pye lè gíramibéle dabata, á li nyìn nùndaanna yáriga na,

⁵¹ ní náapebile nibin, ní bàpɔlɔ nibin, ní yɛɛlɛ nibin bàpɔbile nibin, toro í pye sáriga-sórigoo,

⁵² ní sikepɔlɔ nibin, woro í pye kapeeli kùsulugo sáriga.

⁵³ Pínɛnyɛnnɛgi sáriga si i nyɛ : Náapɛʔɛlɛ siin, ní bàpɔɔlɔ kagunɔ, ní sikepɔɔlɔ kagunɔ, ní yɛ̀ʔɛlɛ nibin nibin bàpɔbiigéle kagunɔ. Koro gi pye Elisyama yakaangi, wi lè Amihudi jáaw.

⁵⁴ Canya kɔrɔtaanri wógi na, Pedasuri jáaw Gamiliyɛli wi lè Manase yòdaʔayi kùndigi, a woro baa wi yakaangi kaan.

⁵⁵ Wi yakaangi maa pye wálifiio tásaʔa nibin, gee líbeganma bi pye lè gíramibéle saala kɔrɔni ní dabata, ní wálifiio yalele nibin, lee líbeganma bi pye lè wálifiio gíramibéle saala taanri ní dabata, tɛɛcǎngi wáli nyɔ́ɔ na. Yi myɛ siinw maa nyìn míivɔɔnimɔ na, bee ni be sìnmɛ nyáʔami lè, míimɛ yakanʔa gii,

⁵⁶ ní tɛɛ̀ yagbaala nibin, lee líbeganma bi pye lè gíramibéle dabata, á li nyìn nùndaanna yáriga na,

⁵⁷ ní náapebile nibin, ní bàpɔlɔ nibin, ní yɛɛlɛ nibin bàpɔbile nibin, toro í pye sáriga-sórigoo,

⁵⁸ ní sikepɔlɔ nibin, woro í pye kapeeli kùsulugo sáriga.

⁵⁹ Pínɛnyɛnnɛgi sáriga si i nyɛ : Náapɛʔɛlɛ siin, ní bàpɔɔlɔ kagunɔ, ní sikepɔɔlɔ kagunɔ, ní yɛ̀ʔɛlɛ nibin nibin bàpɔbiigéle kagunɔ. Koro gi pye Gamiliyɛli yakaangi, wi lè Pedasuri jáaw.

⁶⁰ Canya kpanjɛrɛ wógi na, Gidewonii jáaw Abidan wi lè Bɛnzyamɛ yòdaʔayi kùndigi, a woro baa wi yakaangi kaan.

⁶¹ Wi yakaangi maa pye wálifiio tásaʔa nibin, gee líbeganma bi pye lè gíramibéle saala kɔrɔni ní dabata, ní wálifiio yalele nibin, lee líbeganma bi pye lè gíramibéle saala taanri ní dabata, tɛɛcǎngi wáli nyɔ́ɔ na. Yi myɛ siinw maa nyìn míivɔɔnimɔ na, bee ni be sìnmɛ nyáʔami lè, míimɛ yakanʔa gii,

⁶² ní tɛɛ̀ yagbaala nibin, lee líbeganma bi pye lè gíramibéle dabata, á li nyìn nùndaanna yáriga na,

⁶³ ní náapebile nibin, ní bàpɔlɔ nibin, ní yɛɛlɛ nibin bàpɔbile nibin, toro í pye sáriga-sórigoo,

⁶⁴ ní sikepɔlɔ nibin, woro í pye kapeeli kùsulugo sáriga.

⁶⁵ Pínɛnyɛnnɛgi sáriga si i nyɛ : Náapɛʔɛlɛ siin, ní bàpɔɔlɔ kagunɔ, ní sikepɔɔlɔ kagunɔ, ní yɛ̀ʔɛlɛ nibin nibin bàpɔbiigéle kagunɔ. Koro gi pye Abidan yakaangi, wi lè Gidewonii jáaw.

⁶⁶ Canya kɛɛ wógi na, Amisyadayi jáaw Ahiyezɛɛri wi lè Dan yòdaʔayi kùndigi, a woro baa wi yakaangi kaan.

⁶⁷ Wi yakaangi maa pye wálifiio tásaʔa nibin, gee líbeganma bi pye lè gíramibéle saala kɔrɔni ní dabata, ní wálifiio yalele nibin, lee líbeganma bi pye lè gíramibéle saala taanri ní dabata, tɛɛcǎngi wáli nyɔ́ɔ na. Yi myɛ siinw maa nyìn míivɔɔnimɔ na, bee ni be sìnmɛ nyáʔami lè, míimɛ yakanʔa gii,

⁶⁸ ní tɛɛ̀ yagbaala nibin, lee líbeganma bi pye lè giramibéle dabata, á li nyìn nùndaanna yáriga na,

⁶⁹ ní náapebile nibin, ní bàpɔlɔ nibin, ní yɛɛlɛ nibin bàpɔbile nibin, toro í pye sáriga sórigoo,

⁷⁰ ní sikepɔlɔ nibin, woro í pye kapeeli kùsulugo sáriga.

⁷¹ Pínɛnyɛnnɛgi sáriga si i nyɛ : Náapɛʔɛlɛ siin, ní bàpɔɔlɔ kagunɔ, ní sikepɔɔlɔ kagunɔ, ní yɛ̀ʔɛlɛ nibin nibin bàpɔbiigéle kagunɔ. Koro gi pye Ahiyezɛɛri yakaangi, wi lè Amisyadayi jáaw.

⁷² Canya kɛɛ ní nibin wógi na, Okiran jáaw Pagiyɛli wi lè Azɛɛri yòdaʔayi kùndigi, a woro baa wi yakaangi kaan.

⁷³ Wi yakaangi maa pye wálifiio tásaʔa nibin, gee líbeganma bi pye lè gíramibéle saala kɔrɔni ní dabata, ní wálifiio yalele nibin, lee líbeganma bi pye lè gíramibéle saala taanri ní dabata, tɛɛcǎngi wáli nyɔ́ɔ na. Yi myɛ siinw maa nyìn míivɔɔnimɔ na, bee ni be sìnmɛ nyáʔami lè, míimɛ yakanʔa gii,

⁷⁴ ní tɛɛ̀ yagbaala nibin, lee líbeganma bi pye lè gíramibéle dabata, á li nyìn nùndaanna yáriga na,

⁷⁵ ní náapebile nibin, ní bàpɔlɔ nibin, ní yɛɛlɛ nibin bàpɔbile nibin, toro í pye sáriga-sórigoo,

⁷⁶ ní sikepɔlɔ nibin, woro í pye kapeeli kùsulugo sáriga.

⁷⁷ Pínɛnyɛnnɛgi sáriga si i nyɛ : Náapɛʔɛlɛ siin, ní bàpɔɔlɔ kagunɔ, ní sikepɔɔlɔ kagunɔ, ní yɛ̀ʔɛlɛ nibin nibin bàpɔbiigéle kagunɔ. Koro gi pye Pagiyɛli yakaangi, wi lè Okiran jáaw.

⁷⁸ Canya kɛɛ ní siin wógi na, Enan jáaw Ahira wi lè Nɛfitalii yòdaʔayi kùndigi, a woro baa wi yakaangi kaan.

⁷⁹ Wi yakaangi maa pye wálifiio tásaʔa nibin, gee líbeganma bi pye lè gíramibéle saala kɔrɔni ní dabata, ní wálifiio yalele nibin, lee líbeganma bi pye lè gíramibéle saala taanri ní dabata, tɛɛcǎngi wáli nyɔ́ɔ na. Yi myɛ siinw maa nyìn míivɔɔnimɔ na, bee ni be sìnmɛ nyáʔami lè, míimɛ yakanʔa gii,

⁸⁰ ní tɛɛ̀ yagbaala nibin, lee líbeganma bi pye lè gíramibéle dabata, á li nyìn nùndaanna yáriga na,

⁸¹ ní náapebile nibin, ní bàpɔlɔ nibin, ní yɛɛlɛ nibin bàpɔbile nibin, toro í pye sáriga-sórigoo,

⁸² ní sikepɔlɔ nibin, woro í pye kapeeli kùsulugo sáriga.

⁸³ Pínɛnyɛnnɛgi sáriga si i nyɛ : Náapɛʔɛlɛ siin, ní bàpɔɔlɔ kagunɔ, ní sikepɔɔlɔ kagunɔ, ní yɛ̀ʔɛlɛ nibin nibin bàpɔbiigéle kagunɔ. Koro gi pye Ahira yakaangi, wi lè Enan jáaw.

⁸⁴ Yoro yi pye Isirayɛli kùndigibèle yakaanya sáriga-wòlo-yafaangi kàlifaala kéele na, cángee na be kàlifaali sìnmɛ wo gi na lè. Yi n pye: Wálifiio tásaaya kɛɛ ní siin, ní wálifiio yalegéle kɛɛ ní siin, ní tɛɛ̀ yagbaagéle kɛɛ ní siin.

⁸⁵ Wálifiiw tásaaya myɛ nibin nibin líbeganma maa pye gíramibéle saala kɔrɔni ní dabata-da, wálifiiw yalegéle myɛ nibin nibin líbeganmi si i nyɛ gíramibéle saala taanri ní dabata-da. A yayigeleri bee myɛ bìnɛw líbeganma baa pye wálifiio cúlobéle toko ní sicɛrɛ, tɛɛcǎngi wáli nyɔ́ɔ na.

⁸⁶ Tɛ́ɛw yagbaagéle kɛɛ ní siin ke da nyìn nùndaanni yáriga na lè, ke myɛ nibin nibin líbeganma maa pye gíramibéle dabata-da, tɛɛcǎngi wáli nyɔ́ɔ na. A yagbaagèle bee tɛɛ̀ líbeganma pye gíramibéle saala kɔrɔni.

⁸⁷ Sáriga-sórigow yaweegéle nyɔ́ɔ maa pye náapɛʔɛlɛ kɛɛ ní siin, ní bàpɔɔlɔ kɛɛ ní siin, ní yɛ̀ʔɛlɛ nibin nibin bàpɔbiigéle kɛɛ ní siin n fàra ge míimi yakanʔa na. A kapeeli kùsulugo sáriga sikepɔɔlɔ pye kɛɛ ní siin.

⁸⁸ Pínɛnyɛnnɛgi sáriga yaweegéle nyɔ́ɔ maa pye náapɛʔɛlɛ toko ní sicɛrɛ, ní bàpɔɔlɔ togoye taanri, ní sikepɔɔlɔ togoye taanri, ní yɛ̀ʔɛlɛ nibin nibin bàpɔbiigéle togoye taanri. Yoro yi pye yakaanyi, sáriga-wòlo-yafaangi kàlifaala kéele na, kàlifaali sìnmɛ wolo kadoʔo ma gi na.

⁸⁹ Lǎli ni Mowizi da ni jǐn ni nyuu ní Yawe ní lè syɛ́ɛnmi tɛɛfaraga fànikpaʔa ni, wi maa ni yákpoli lúro a li i nyuu ní wi ní kapeegèle kùsulugo tɛ́ʔɛ ǹjoʔo ni ki nyɛ lè séeraw joogaanna kásu ǹjoʔo ni syerubɛnbèle siin nínge ni, a wi i nyuu ní wi ní.