Córolo 29 - Cebaara Bible 2010

f) Búruw wìile séri wóo

¹ « ‹Yɛ́ɛli yeye kɔrɔsiin wógi cânzelige na, yele a kpóʔorojànna kpéʔele, yele a kɔ́ canʔa o canʔa fáliwaa faala kpéʔele í. Búru wìile canʔa gii yele ma.

² Yele a sáriga-sórigoo wòlo wi pye nùndaanna yáriga Yawe ma, wee wi a pye lè náapebile nibin, ní bàpɔlɔ nibin, ní yɛ̀ʔɛlɛ nibin nibin bàpiigéle kɔrɔsiin, ti pye tɛɛlɛ fun.

³ Wi yakaangi si pye míivɔɔnimɔ bee ni pe a sìnmɛ nyáʔami lè. Náapeli wóʔo a pye míivɔɔnimɔ cúlobéle kpanjɛrɛ, bàpɔw wómɔ si pye cúlobéle kɔrɔni,

⁴ yɛ̀ʔɛlɛ nibin nibin bàpiigèle kɔrɔsiin wómɔ si pye, làa nibin cúlobéle taanri.

⁵ Yele a sikepɔlɔ nibin wòlo sáriga kapeeli kéele na jàngó yele kapeegèle kùsulugo fáli í kpéʔele.

⁶ Sárigaw bee a ra wóo bi fàra yeʔe o yeʔe sáriga-sórigow, ní canʔa o canʔa sáriga-sórigow, ní wi míimi yakanʔa, ní wi sáriga-yólogow na, n yɛlɛ ní wi kajoogèle ní. Sáriga wii, wee náagi sórogi ni kwóo lè á wi núngi Yawe dɛ́nɛ.

g) Kapeegèle kùsulugo syɔɔlɔ cângbɔʔɔ wóo

⁷ « ‹Yeye kɔrɔsiin wógi bee canya kɛɛ wógi na, yele a kpóʔorojànna kpéʔele. Yele a sún lè, yele a kɔ́ fali faala kpéʔele í.

⁸ Yele a ba sáriga-sórigoo wòlo, wee núngo gi Yawe dɛ́nɛ lè, wi a pye náapebile nibin, ní bàpɔlɔ nibin, ní yɛ̀ʔɛlɛ nibin nibin bàpiigéle kɔrɔsiin, ti pye tɛɛlɛ fun.

⁹ Wi yakaangi si pye míivɔɔnimɔ bee ni pe a sìnmɛ nyáʔami lè. Náapeli wóʔo a pye míivɔɔnimɔ cúlobéle kpanjɛrɛ, bàpɔw wómɔ si pye cúlobéle kɔrɔni.

¹⁰ Yɛ̀ʔɛlɛ nibin nibin bàpiigèle kɔrɔsiin wómɔ si pye, làa nibin cúlobéle taanri.

¹¹ Yele a sikepɔlɔ nibin wòlo sáriga kapeeli kéele na. Bi fàra kapeegèle kùsulugo fáli sáriga, ní bàngwɔɔ sáriga-sórigow, ní wi míimi yakanʔa, ní sáriga-yólogow na.

h) Kpáagèle Láara Tɛ́ɛnnɛ fɛ́tii wóo

¹² « ‹Yɛ́ɛli yeye kɔrɔsiin wóʔo canya kɛɛ ní kagunɔ wógi na, yele a kpóʔorojànna kpéʔele, yele a kɔ́ canʔa o canʔa fáliwaa faala kpéʔele í. Yele a canya kɔrɔsiin fɛ́tii kpéʔele Yawe ma.

¹³ Yele a ba sáriga-sórigoo wòlo, wee náagi sórogi ni kwóo lè a wi núngi Yawe dɛ́nɛ. Wee bee a pye náapebiigéle kɛɛ ní taanri, ní bàpɔɔlɔ siin, ní yɛ̀ʔɛlɛ nibin nibin bàpiigéle kɛɛ ní sicɛrɛ, ti myɛ í pye tɛɛlɛ fun.

¹⁴ Wi yakaangi si pye míivɔɔnimɔ, bee ni pe a sìnmɛ nyáʔami lè. Náapegèle kɛɛ ní taanriw a pye làa nibin míivɔɔnimɔ cúlobéle kpanjɛrɛ, bàpɔbèle wómɔ si pye wàa nibin cúlobéle kɔrɔni.

¹⁵ Yɛ̀ʔɛlɛ nibin nibin bàpiigèle kɛɛ ní sicɛrɛw wómɔ si pye, làa nibin cúlobéle taanri.

¹⁶ Yele a sikepɔlɔ nibin wòlo sáriga kapeeli kéele na, bi fàra bàngwɔɔ sáriga-sórigow, ní wi míimi yakanʔa, ní wi sáriga-yólogow na.

¹⁷ Canziin wógi na yele a náapebiigéle kɛɛ ní siin wòlo sáriga, ní bàpɔɔlɔ siin, ní yɛ̀ʔɛlɛ nibin nibin bàpiigéle kɛɛ ní sicɛrɛ, ti pye tɛɛlɛ fun.

¹⁸ Yele a míimi yakanʔa, ní sáriga-yólogow wòlo, di pye náapegèle, ní bàpɔbèle, ní yɛ̀ʔɛlɛ nibin nibin bàpiigèle kéele na bi yɛlɛ ní yaweegèle nyɔ́ɔ ní, àmɛɛ gi joo n gbàn lè.

¹⁹ Yele a sikepɔlɔ nibin wòlo sáriga kapeeli kéele na, bi fàra bàngwɔɔ sáriga-sórigow ní wi míimi yakanʔa, ní wi sáriga-yólogow na.

²⁰ Candaanri wógi na, yele a náapɛʔɛlɛ kɛɛ ní nibin, ní bàpɔɔlɔ siin, ní yɛ̀ʔɛlɛ nibin nibin bàpiigéle kɛɛ ní sicɛrɛ wòlo sáriga, ti pye tɛɛlɛ fun.

²¹ Yele a míimi yakanʔa, ní sáriga-yólogow wòlo, di pye náapegèle, ní bàpɔbèle, ní yɛ̀ʔɛlɛ nibin nibin bàpiigèle keele na, bi yɛlɛ ní yaweegèle nyɔ́ɔ ní, àmɛɛ gi joo n gbàn lè.

²² Yele a sikepɔlɔ nibin wòlo sáriga kapeeli kéele na, bi fàra bàngwɔɔ sáriga-sórigow, ní wi míimi yakanʔa, ní wi sáriga-yólogow na.

²³ Canya sicɛrɛ wógi na, yele a náapɛʔɛlɛ kɛɛ, ní bàpɔɔlɔ siin, ní yɛ̀ʔɛlɛ nibin nibin bàpiigéle kɛɛ ní sicɛrɛ wòlo sáriga, ti pye tɛɛlɛ fun.

²⁴ Yele a míimi yakanʔa, ní sáriga-yólogow wòlo, di pye náapegèle, ní bàpɔbèle, ní yɛ̀ʔɛlɛ nibin nibin bàpiigèle kéele na, bi yɛlɛ ní yaweegèle nyɔ́ɔ ní, àmɛɛ gi joo n gbàn lè.

²⁵ Yele a sikepɔlɔ nibin wòlo sáriga kapeeli kéele na, bi fàra bàngwɔɔ sáriga-sórigow, ní wi míimi yakanʔa, ní wi sáriga-yólogow na.

²⁶ Canya kagunɔ wógi na, yele a náapɛʔɛlɛ kpanjɛrɛ, ní bàpɔɔlɔ siin, ní yɛ̀ʔɛlɛ nibin nibin bàpiigéle kɛɛ ní sicɛrɛ wòlo sáriga, ti pye tɛɛlɛ fun.

²⁷ Yele a míimi yakanʔa, ní sáriga-yólogow wòlo, di pye náapegèle, ní bàpɔbèle, ní yɛ̀ʔɛlɛ nibin nibin bàpiigèle kéele na, bi yɛlɛ ní yaweegèle nyɔ́ɔ ní, àmɛɛ gi joo n gbàn lè.

²⁸ Yele a sikepɔlɔ nibin wòlo sáriga kapeeli kéele na, bi fàra bàngwɔɔ sáriga-sórigow, ní wi míimi yakanʔa, ní wi sáriga-yólogow na.

²⁹ Canya kɔrɔni wógi na, yele a náapɛʔɛlɛ kɔrɔtaanri, ní bàpɔɔlɔ siin, ní yɛ̀ʔɛlɛ nibin nibin bàpiigéle kɛɛ ní sicɛrɛ wòlo sáriga, ti pye tɛɛlɛ fun.

³⁰ Yele a míimi yakanʔa, ní sáriga-yólogow wòlo, di pye náapegèle, ní bàpɔbèle, ní yɛ̀ʔɛlɛ nibin nibin bàpiigèle kéele na, bi yɛlɛ ní yaweegèle nyɔ́ɔ ní, àmɛɛ gi joo n gbàn lè.

³¹ Yele a sikepɔlɔ nibin wòlo sáriga kapeeli kéele na, bi fàra bàngwɔɔ sáriga-sórigow, ní wi míimi yakanʔa, ní wi sáriga-yólogow na.

³² Canya kɔrɔsiin wógi na, yele a náapɛʔɛlɛ kɔrɔsiin, ní bàpɔɔlɔ siin, ní yɛ̀ʔɛlɛ nibin nibin bàpiigéle kɛɛ ní sicɛrɛ wòlo sáriga, ti pye tɛɛlɛ fun.

³³ Yele a míimi yakanʔa, ní sáriga-yólogow wòlo, di pye náapegèle, ní bàpɔbèle, ní yɛ̀ʔɛlɛ nibin nibin bàpiigèle kéele na, bi yɛlɛ ní yaweegèle nyɔ́ɔ ní, àmɛɛ gi joo n gbàn lè.

³⁴ Yele a sikepɔlɔ nibin wòlo sáriga kapeeli kéele na, bi fàra bàngwɔɔ sáriga-sórigow, ní wi míimi yakanʔa, ní wi sáriga-yólogow na.

³⁵ Canya kɔrɔtaanri wógi na, gee bee a pye kpóʔorojànna yele ma. Yele a kɔ́ canʔa o canʔa fáliwaa faala kpéʔele í.

³⁶ Yele a ba sáriga-sórigoo wòlo, wee náagi sórogi ni kwóo lè á wi núngi Yawe dɛ́nɛ. Wi a pye náapɛɛlɛ nibin, ní bàpɔlɔ nibin, ní yɛ̀ʔɛlɛ nibin nibin bàpiigéle kɔrɔsiin, ti pye tɛɛlɛ fun.

³⁷ Yele a míimi yakanʔa, ní sáriga-yólogow wòlo, di pye náapeli, ní bàpɔw, ní yɛ̀ʔɛlɛ nibin nibin bàpiigèle kéele na, bi yɛlɛ ní yaweegèle nyɔ́ɔ ní, àmɛɛ gi joo n gbàn lè.

³⁸ Yele a sikepɔlɔ nibin wòlo sáriga, kapeeli kéele na, bi fàra bàngwɔɔ sáriga-sórigow, ní wi míimi yakanʔa, ní wi sáriga-yólogow yakanʔa na.

³⁹ Gee bee yele a ra kpéʔele Yawe ma yele kpóʔorojǎngèle canya ni, bi fàra yele sáriga-sórigow, ní yele míimi yakaanya, ní yele sáriga-yólogow, ní yele pínɛnyɛnnɛgi sáriga na yele wóo lè nyɔɔfaliga wololo kéele na wàlá kínidɛnɛgɛ wóo.› »