Córolo 26 - Cebaara Bible 2010

¹ a Yawe gi joo Mowizi, ní Eleyazari ma, wi lè sáriga-wòlow Aarɔn jáaw, níì jo:

² «Ye Isirayɛli syɛ́ɛnmi myɛ mɛ́ɛyɛ sɛ́bɛ, bi séli yɛ̀ʔɛlɛ toko wóbèle na bàā syée poro yɛ́ʔɛ ma wóbèle kurugo n yɛlɛ ní be narigbaayi ní, gee bee n joo Isirayɛli wóbèle bele myɛ be nyɛ bi tɛ́nɛ gbǎn kapɛɛnkpumɔn-yárira láa lè.»

³ A Mowizi, ní sáriga-wòlow Eleyazari joo ní be ní Mowabi tɛɛfiiyi na, Zyuridɛn taana, Zyeriko zǐnmi na, níì jo:

⁴ «Pe mɛ́ɛyi a sɛ́bɛ bi séli yɛ̀ʔɛlɛ toko wóbèle na bàā syée poro yɛ́ʔɛ ma wóbèle kurugo bi yɛlɛ ní gi ní àmɛɛ Yawe da gi joo n gbàn Mowizi, ní Isirayɛli yòdaʔayi wòolo ma pe da yiri Ezyipiti tári ni lè.» Poro be nyɛ bele naa:

⁵ Isirayɛli jáaseliw wi nyɛ Wurubɛn. Wurubɛn jáabèle be nyɛ bele naa: Henɔki yòdaʔayi túlugo woolo n yiri Henɔki ni. A Palu yòdaʔayi túlugo woolo yiri Palu ni.

⁶ A Hesurɔn yòdaʔayi túlugo woolo yiri Hesurɔn ni. A Karimii yòdaʔayi túlugo woolo yiri Karimii ni.

⁷ Wurubɛn túlugi wòolo be nyɛ bele bee. Nǎnbèle bele be córo lè, pe maa pye sirakamayɛ siin ní selebinnɛ ní saala kɔrɔtaanri ní togoye kɔrɔni ní kpɔrigɔ.

⁸ Palu jáa wi nyɛ Eliyabi.

⁹ Eliyabi jáabèle si be nyɛ Nemuwɛli, ní Datan, ní Abiirami. Datanw bee, ní Abiiramiw bee pe da pye lè syɛ́ɛnmi mɛ́ɛyɛfɔbèle pèle, poro bɛɛ. Poro ní Kore kabigi wòolo pe da yìri Mowizi ní Aarɔn kurugo, lǎli ni pe da yìri Yawe kurugo lè.

¹⁰ A tári di nyɔ́ɔgi múgu n be ní Kore jɔ́ɔ wi kabigi wòolo lariguulo ni, á náagi nànbēle sirakele ní togoye siin ní kpɔrigɔ sórigo, a be kéeli pye sàmina.

¹¹ Kore jáabèle si da kùu í.

¹² Simeyɔn jáabèle be nyɛ bele naa n yɛlɛ ní be túlugi ní: Nemuwɛli túlugi wòolo n yiri Nemuwɛli ni. A Yamɛ túlugi wòolo yiri Yamɛ ni. A Yakɛn túlugi wòolo yiri Yakɛn ni.

¹³ A Zera túlugi wòolo yiri Zera ni. A Sawuli túlugi wòolo yiri Sawuli ni.

¹⁴ Simeyɔn túlugi wòolo be pye bele bee, nànbēle sirakama ní selebinnɛ ní sirakele.

¹⁵ Gadi jáabèle be nyɛ bele naa n yɛlɛ ní be túluyi ní: Sefɔn túlugi wòolo n yiri Sefɔn ni. A Hagii túlugi wòolo yiri Hagii ni. A Syunii túlugi wòolo yiri Syunii ni.

¹⁶ A Ozinii túlugi wòolo yiri Ozinii ni. A Erii túlugi wòolo yiri Erii ni.

¹⁷ A Arodi túlugi wòolo yiri Arodi ni. A Areyelii túlugi wòolo yiri Areyelii ni.

¹⁸ Gadi túlugi wòolo be pye bele bee n yɛlɛ ní be córomi nyɔ́ɔ ní, nànbēle sirakamayɛ siin ní saala siin ní dabata.

¹⁹ Zyuda jáabèle be nyɛ Ɛri ní Onan. Ɛri ní Onan si maa kùu, n be yaʔa Kanaan tári ni.

²⁰ Zyuda jáabèle be nyɛ bele naa n yɛlɛ ní be túluyi ní: Syela túlugi wòolo n yiri Syela ni. A Perɛsi túlugi wòolo yiri Perɛsi ni. A Zera túlugi woolo yiri Zera ni.

²¹ Perɛsi jáabèle be nyɛ bele naa: Hesurɔn túlugi woolo n yiri Hesurɔn ni. A Hamuli túlugi wòolo yiri Hamuli ni.

²² Zyuda túlugi wòolo be pye bele bee n yɛlɛ ní be córomi nyɔ́ɔ ní nànbēle sirakamayɛ taanri ní selebingéle kɔrɔtaanri ní saala siin ní dabata.

²³ Isakari jáabèle be nyɛ bele naa n yɛlɛ ní be túluyi ní: Tola túlugi wòolo n yiri Tola ni. A Puva túlugi wòolo yiri Puva ni.

²⁴ A Yasyubi túlugi wòolo yiri Yasyubi ni. A Syimurɔn túlugi wòolo yiri Syimurɔn ni.

²⁵ Isakari túlugi wòolo be pye bele bee n yɛlɛ ní be córomi nyɔ́ɔ ní, nànbēle sirakamayɛ taanri ní selebingéle siin ní sirakele ní dabata.

²⁶ Zabulɔn jáabèle be nyɛ bele naa n yɛlɛ ní be túluyi ní: Serɛdi túlugi wòolo n yiri Serɛdi ni. A Elɔn túlugi wòolo yiri Elɔn ni. A Yaleyɛli túlugi wòolo yiri Yaleyɛli ni.

²⁷ Zabulɔn túlugi wòolo be pye bele bee n yɛlɛ ní be córomi nyɔ́ɔ ní, nànbēle sirakamayɛ taanri ní saala siin ní dabata.

²⁸ Zyozɛfu jáabèle be nyɛ bele naa n yɛlɛ ní be túluyi ní: Manase, ní Efirayimi.

²⁹ Manase jáabèle si be nyɛ bele naa: Makiiri túlugi wòolo n yiri Makiiri ni. Makiiri wi Galaadi see. Galaadi túlugi wòolo n yiri Galaadi ni.

³⁰ Galaadi jáabèle be nyɛ bele naa: Yezɛɛri túlugi wòolo n yiri Yezɛɛri ni. A Helɛki túlugi wòolo yiri Helɛki ni.

³¹ A Asiriyɛli túlugi wòolo yiri Asiriyɛli ni. A Sisyɛmi túlugi wòolo yiri Sisyɛmi ni.

³² A Syemida túlugi wòolo yiri Syemida ni. A Hefɛɛri túlugi wòolo yiri Hefɛɛri ni.

³³ Hefɛɛri jáaw Selofihadi ga nànbiigéle see í, fwɔɔ calipiigèlē. Selofihadi calipiigèle bee mɛ́ɛyɛ yi nyɛ yee naa: Mala, ní Nowa, ní Hogila, ní Milika, ní Tiirisa.

³⁴ Manase túlugi wòolo be pye bele bee n yɛlɛ ní be córomi nyɔ́ɔ ní, pe n pye sirakamayɛ siin ní selebingéle kɔrɔni ní saala taanri ní dabata.

³⁵ Efirayimi jáabèle be nyɛ bele naa n yɛlɛ ní be túluyi ní. Syutela túlugi wòolo n yiri Syutela ni. A Bekɛɛri túlugi wòolo yiri Bekɛɛri ni. A Tayan túlugi wòolo yiri Tayan ni.

³⁶ Syutela túlugi wòolo si be nyɛ bele naa: Eran túlugi wòolo n yiri Eran ni.

³⁷ Efirayimi jáabèle túlugo woolo be pye bele bee n yɛlɛ ní be córomi nyɔ́ɔ ní, nànbēle sirakama ní selebingéle kɔrɔni ní saala siin ní dabata. Zyozɛfu jáabèle be pye bele bee n yɛlɛ ní be túluyi ní.

³⁸ Bɛnzyamɛ jáabèle be nyɛ bele naa n yɛlɛ ní be túlugi wòolo ní: Bela túlugi wòolo n yiri Bela ni. A Asyibɛli túlugi wòolo yiri Asyibɛli ni. A Ahirami túlugi wòolo yiri Ahirami ni.

³⁹ A Syufami túlugi wòolo yiri Syufami ni. A Hufami túlugi wòolo yiri Hufami ni.

⁴⁰ Bela jáabèle pe da pye Aridi, ní Naaman. Aridi túlugi wòolo n yiri Aridi ni. A Naaman túlugi wòolo yiri Naaman ni.

⁴¹ Bɛnzyamɛ jáabèle be pye bele bee n yɛlɛ ní be túluyi ní n wɔ́ɔ̀ yɛlɛ ní be córomi nyɔ́ɔ ní, pe n pye nànbēle sirakamayɛ siin ní selebingéle siin, ní saala kɔrɔtaanri.

⁴² Dan jáabèle be nyɛ bele naa n yɛlɛ ní be túluyi ní: Syuhami túlugi wòolo n yiri Syuhami ni. Poro be nyɛ Dan túlugi wòolo n yɛlɛ ní be túluyi ní.

⁴³ Syuhami túlugi wòolo be córo lè pe myɛ nyɔ́ɔ n pye nànbēle sirakamayɛ taanri ní selebingéle siin ní saala siin.

⁴⁴ Azɛɛri jáabèle be nyɛ bele naa n yɛlɛ ní be túluyi ní: Yimina túlugi wòolo n yiri Yimina ni, á Yisyivii túlugi woolo yiri Yisyivii ni, á Beriya túlugi wòolo yiri Beriya ni.

⁴⁵ Bele ni Beriya jáabèle yiri lè: Hebɛɛri túlugi wòolo n yiri Hebɛɛri ni, á Malikiyɛli túlugi wòolo yiri Malikiyɛli ni.

⁴⁶ Azɛɛri calipili mɛ́ʔɛ pe da ni yiri Sera.

⁴⁷ Azɛɛri jáabèle túlugo woolo be pye bele bee n yɛlɛ ní be córomi nyɔ́ɔ ní, pe n pye nànbēle sirakamayɛ siin ní selebingéle kɔrɔni, ní saala kɔrɔsiin.

⁴⁸ Nɛfitalii jáabèle be nyɛ bele naa n yɛlɛ ní be túluyi ní: Yaseyɛli túlugi wòolo n yiri Yaseyɛli ni. A Gunii túlugi wòolo yiri Gunii ni.

⁴⁹ A Yesɛɛri túlugi wòolo yiri Yesɛɛri ni. A Syilɛmi túlugi wòolo yiri Syilɛmi ni.

⁵⁰ Bele bee be pye Nɛfitalii túlugi wòolo n yɛlɛ ní be túluyi ní n wɔ́ɔ̀ yɛlɛ ní be córomi nyɔ́ɔ ní, pe n pye nànbēle sirakamayɛ siin ní selebingéle siin ní saala kɔrɔsiin.

⁵¹ Poro be nyɛ Isirayɛli syɛ́ɛnbèle bele be córo lè, pe n pye nànbēle sirakamayɛ toko ní kpɔrigɔ ní saala kɔrɔtaanri ní togoye kɔrɔni ní kpɔrigɔ.

Tári lɛɛganma kéele

⁵² A Yawe gi joo Mowizi ma níì jo:

⁵³ «Tári a lɛɛ be na di pye be kɔrigɔ bi yɛlɛ ní syɛ́ɛnbèle nyɔ́ɔ ní.

⁵⁴ Bele pe ga nɛʔɛ lè, mɔ a poro kɔ́rigi kaan wogbɔʔɔ ní. Bele si pe ga cɛ́rɛ lè, mɔ a poro kɔ́rigi kaan wobile ní. Pe myɛ kɔ́riyɔ a kaan be ma bi yɛlɛ ní be syɛ́ɛnbèle nyɔ́ɔ ní.

⁵⁵ Kàjáa tári lɛɛlɛ a pye ní gǒnwáara ní. Pe a di taa kɔrigɔ bi yɛlɛ ní be tofɔlɛɛyi syɛɛnfeleye mɛ́ɛyɛ ní.

⁵⁶ Gǒnwáari ní tári a lɛɛ bele na be nɛʔɛ lè, ní bele na be cɛ́rɛ lè.»

Levii syɛɛnfelegi córoziin wólo

⁵⁷ Levii ye wóbèle bele be córo lè n yɛlɛ ní be túluyi ní, poro be nyɛ bele naa: Gerisyɔn túlugi wòolo n yiri Gerisyɔn ni. A Kehati túlugi woolo yiri Kehati ni. A Merarii túlugi wòolo yiri Merarii ni.

⁵⁸ Levii ye túlugi wòolo be nyɛ bele naa: Libinii túlugi wòolo, ní Heburɔn túlugi wòolo, ní Malii túlugi wòolo, ní Musyii túlugi wòolo, ní Kore túlugi wòolo. Kehati wi Amirami see.

⁵⁹ Amirami céw pe da ni yiri Yokebɛdi, wi pye lè Levii jáawaa, Levii n wi see Ezyipiti ni. A wi Aarɔn, ní Mowizi, ní be senyɛnjew Miriyami see Amirami ma.

⁶⁰ A Aarɔn si Nadabi, ní Abihu, ní Eleyazari, ní Itamari see.

⁶¹ A Nadabi ní Abihu si kùu lǎli ni be jée ní naanibɔngɔ ní lè Yawe yɛ́ʔɛ ma.

⁶² Bele pe da córo lè, nǎnbèle myɛ, n séli yeʔe nibin wóbèle na ni syée poro yɛ́ʔɛ ma wóbèle kurugo, pe maa pye nànbēle sirakama ní selebinnɛ ní saala kagunɔ. Pe da be córo n pínɛ Isirayɛli wóbèle bele ni í, níì cán kɔrigɔ da kaan be ma Isirayɛli ye níngi ni í.

Córomi syɛɛnsanra

⁶³ Syɛ́ɛnbèle bee si Mowizi ní sáriga-wòlow Eleyazari córo Mowabi tɛɛfiiyi na, Zyuridɛn cábigi nyɔ́ɔ na, Zyeriko zǐnmi na.

⁶⁴ Bele Mowizi, ní sáriga-wòlow Aarɔn da córo lè lǎli ni be Isirayɛli ye córo Sinayii fìími tára ni lè, bele bee wàa faala da pye be ni í.

⁶⁵ Níì cán Yawe maa gi joo be kéeli na níì jo: «Pe a kùu fìími tára ni.» Pe wàa ga wɔ́ɔ̀ kòro í, kapye Kalɛbi ban í, wi lè Yefune jáaw, ní Zyozuwe wi lè Nun jáaw.