Córolo 2 - Cebaara Bible 2010

Isirayɛli ye syɛɛnfeleyi tɛ́ɛnganma tɛɛkòrogi ni

¹ A Yawe gi joo Mowizi ní Aarɔn ma níì jo:

² «Isirayɛli ye myɛ nibin nibin a tɛ́ɛn pe káfalibèle taana, pe narigbaayi fɛ̀ɛbēle láara ni. Pe si a tɛ́ɛn canʔana Syɛ́ɛnmi Tɛɛfaraga fànikpaʔa na bi gi màʔa.

³ Bele pe a tɛ́ɛn canʔafolomɔ ma lè, yɛʔɛ̀ ma, poro a pye Zyuda wóbèle tɛɛ̀tɛ́nɛgɛ káfali taana ní be kapɛɛnkpumɔnbèle kabiya ní. Zyuda yòdaʔayi kùndigi wi nyɛ Nasyɔn, wi lè Aminadabi jáaw.

⁴ Wi sùlasiibèle be córo lè. Poro nyɔ́ɔgi si i nyɛ nànbēle sirakamayɛ taanri ní selebingéle kɔrɔsiin ní saala taanri.

⁵ Bele pe a tɛ́ɛn Zyuda taana lè, poro be nyɛ Isakari syɛɛnfelegi. Isakari yòdaʔayi kùndigi wi nyɛ Netaneyɛli wi lè Suwari jáaw.

⁶ Wi sùlasiibèle be córo lè, poro nyɔ́ɔgi si i nyɛ nànbēle sirakamayɛ siin ní selebingéle kɔrɔsiin ní saala siin.

⁷ Zabulɔn syɛɛnfelegi wòolo si taʔa. Zabulɔn yòdaʔayi kùndigi wi nyɛ Eliyabi wi lè Helɔn jáaw.

⁸ Wi sùlasiibèle be córo lè poro nyɔ́ɔgi si i nyɛ nànbēle sirakamayɛ siin ní selebingéle kɔrɔtaanri ní saala kɔrɔsiin.

⁹ A Zyuda tɛɛ̀tɛnɛgi wojorobéle myɛ nyɔ́ɔ baa pye nànbēle sirakamayɛ kpanjɛrɛ ní selebingéle taanri ní saala siin n yɛlɛ ní be sùlasiibèle kabiya ní. Poro pe a ra sélegi da yìrigí.

¹⁰ Wòrogulo kàbangi na Wurubɛn tɛɛkòrogi káfali a pye, n fàra wi sùlasiibèle kabiya na. Wurubɛn yòdaʔayi kùndigi wi nyɛ Elisuri wi lè Syedewuri jáaw.

¹¹ Wi sùlasiibèle be córo lè, poro nyɔ́ɔgi si i nyɛ nànbēle sirakamayɛ siin ní selebingéle taanri ní saala siin ní dabata.

¹² Bele pe a tɛ́ɛn taʔa wi na lè, poro be nyɛ Simeyɔn syɛɛnfelegi. Simeyɔn yòdaʔayi kùndigi wi nyɛ Syelumyɛli wi lè Surisyadayi jáaw.

¹³ Wi sùlasiibèle be córo lè, poro nyɔ́ɔgi si i nyɛ nànbēle sirakamayɛ siin ní selebingéle kpanjɛrɛ ní saala kɔrɔni ní dabata.

¹⁴ Gadi syɛɛnfelegi wòolo si taʔa. Gadi yòdaʔayi kùndigi wi nyɛ Eliyazafi wi lè Dewuyɛli jáaw.

¹⁵ Wi sùlasiibèle be córo lè, poro nyɔ́ɔgi si i nyɛ nànbēle sirakamayɛ siin ní selebingéle siin ní saala kɔrɔtaanri ní togoye siin ní kpɔrigɔ.

¹⁶ A Wurubɛn tɛɛ̀tɛnɛgi wojorobéle myɛ nyɔ́ɔ baa pye nànbēle sirakamayɛ kɔrɔsiin ní selebingéle kagunɔ ní saala kɔrɔsiin ní togoye siin ní kpɔrigɔ n yɛlɛ ní be kapɛɛnkpumɔnbèle kabiya ní, poro pe a ra yìrigí siin wóbèle.

¹⁷ Koro kàdoʔo ma Syɛ́ɛnmi Tɛɛfaraga fànikpaʔa, ní Levii ye tɛɛ̀tɛnɛgi wòolo si náa yìri bi taʔa poro na tɛɛ̀tɛ́nɛyee wòolo nínge ni. Kánmee na be tɛ́ɛn lè, ànbée pe a ra yìrigí. Pe myɛ a pye be tɛ́ɛyi ni, pe káfalibèle kurugo.

¹⁸ Canʔajeemɛ kabangi na Efirayimi tɛɛ̀tɛnɛgi káfali a pye ní wi sùlasiibèle kabiya ní. Efirayimi yòdaʔayi kùndigi wi nyɛ Elisyama wi lè Amihudi jáaw.

¹⁹ Wi sùlasiibèle be córo lè, poro nyɔ́ɔgi si i nyɛ nànbēle sirakamayɛ siin ní saala siin ní dabata.

²⁰ Bele pe a tɛ́ɛn taʔa wi na lè, poro be nyɛ Manase syɛɛnfelegi wòolo. Manase yòdaʔayi kùndigi wi nyɛ Gamiliyɛli wi lè Pedasuri jáaw.

²¹ Wi sùlasiibèle be córo lè, poro nyɔ́ɔgi si i nyɛ nànbēle sirakama ní selebingéle kɔrɔni ní sirakele.

²² Bɛnzyamɛ syɛɛnfelegi wòolo si taʔa. Bɛnzyamɛ yòdaʔayi kùndigi wi nyɛ Abidan wi lè Gidewonii jáaw.

²³ Wi sùlasiibèle be córo lè, poro nyɔ́ɔgi si i nyɛ nànbēle sirakama ní selebingéle kɔrɔsiin ní saala kɔrɔsiin.

²⁴ A Efirayimi tɛɛ̀tɛnɛgi wojorobéle myɛ nyɔ́ɔ baa pye nànbēle sirakamayɛ kagunɔ ní selebingéle sicɛrɛ ní dabata n yɛlɛ ní be sùlasiibèle kabiya ní. Poro pe a ra yìrigí taanri wóbèle.

²⁵ Solomɔkulo kàbangi na Dan tɛɛ̀tɛnɛgi káfali a pye ní wi sùlasiibèle kabiya ní. Dan yòdaʔayi kùndigi wi nyɛ Ahiyezɛɛri wi lè Amisyadayi jáaw.

²⁶ Wi sùlasiibèle be córo lè, poro nyɔ́ɔgi si i nyɛ nànbēle sirakamayɛ taanri ní selebinnɛ ní saala taanri ní dabata.

²⁷ Bele pe a tɛ́ɛn taʔa wi na lè, poro be nyɛ Azɛɛri syɛɛnfelegi. Azɛɛri yòdaʔayi kùndigi wi nyɛ Pagiyɛli wi lè Okiran jáaw.

²⁸ Wi sùlasiibèle be córo lè, poro nyɔ́ɔgi si i nyɛ nànbēle sirakamayɛ siin ní saala kɔrɔsiin ní dabata.

²⁹ Nɛfitalii syɛɛnfelegi wòolo si taʔa. Nɛfitalii yòdaʔayi kùndigi wi nyɛ Ahira wi lè Enan jáaw.

³⁰ Wi sùlasiibèle be córo lè, poro nyɔ́ɔgi si i nyɛ nànbēle sirakamayɛ siin ní selebingéle kɔrɔni ní saala kɔrɔsiin.

³¹ A Dan tɛɛ̀tɛnɛgi wojorobéle myɛ nyɔ́ɔ baa pye nànbēle sirakamayɛ kɔrɔsiin ní selebingéle kɔrɔtaanri ní saala kɔrɔtaanri. Poro pe a ra yìrigí wozanbèle bi yɛlɛ ní be káfalibèle ní.»

³² Poro be pye Isirayɛli wóbèle, bele be córo lè narigbaaya narigbaaya. Tɛɛkòroyi wojorobéle myɛ nyɔ́ɔ gi nyɛ gee naa n yɛlɛ ní be sùlasiibèle kabiya ní: Nànbēle sirakamayɛ toko ní kpɔrigɔ ní selebinnɛ ní saala kɔrɔsiin ní togoye kɔrɔsiin ní kpɔrigɔ.

³³ Levii ye ga pínɛ n córo ní Isirayɛli wóbèle bele ní í àmɛɛ Yawe da gi joo n gbàn Mowizi ma lè.

³⁴ Gee myɛ Yawe da joo n gbàn Mowizi ma lè, a Isirayɛli ye tɔ̀nɔ n gi kpéʔele n foro. Kánmi bee na pe da ni tɛ̀ɛ́n ní be káfalibèle ní, ní i yìrigí ni yɛlɛgi ní be túluyi, ní be narigbaayi ní.